Mateo 4
4
Jesústa Satanás tentayta munanqan
Marcos 1.12-13; Lucas 4.1-13
1Tsaypitanam diablu tentananpaq Espíritu Santu desiertuman Jesústa pusharqan.#Heb. 2.18; 4.15. 2Tsaychö chusku chunka (40) junaq y chusku chunka paqas ayunaskirnam Jesús alläpa mallaqarqan. 3Tsaymi diablu chaykur nirqan: <<Diospa Tsurin karqa mä kay rumikunata tantaman tikratsiy>>.
4Jesúsnam nirqan: <<Dios Yayapa palabranmi nin: <Runaqa manam tantata mikurllatsu kawan, sinöqa Dios Yaya llapan ninqankunata cäsurmi> >>.#Deut. 8.3.
5Tsaypitanam sagrädu Jerusalén markaman Jesústa diablu pusharqan. Tsaychömi templupa mas altunman ichiykatsir 6nirqan: <<Diospa Tsurin karqa mä kaypita jeqarpuy. Diospa palabranmi nin: <Angelninkunatam Dios Yaya kachamunqa cuidayäshunaykipaq. Paykunam achkuyäshunki chakillaykitapis rumikunachö mana takakunaykipaq> >>.#Sal. 91.11-12.
7Jesúsnam nirqan: <<Tsaynöllam Dios Yayapa palabranchö nin: <Dios Yayata ama tentankitsu> >>.#Deut. 6.16.
8Tsaypitanam altu jirkaman diablu pushaykur maytsay nacionkunata riquëzankunatawan rikätsir 9nirqan: <<Qonqurikuykur adoramaptikiqa kay llapan rikanqaykitam qaraykuqman>>.
10Jesúsnam nirqan: <<¡Kaypita witiy, Satanás! Dios Yayapa palabranmi nin: <Dios Yayallatam adorayanki. Payllatam serviyanki> >>.#Deut. 6.13.
11Tsaymi diablu aywakurqan. Tsaypitanam angelkuna chaykur Jesústa yanapayarqan.
Galileachö willakur Jesús qallanqan
Marcos 1.14-15; Lucas 4.14-15
12Carcelchö Juan qaykuraykanqanta musyaskirmi#Mat. 14.3; Mar. 6.17; Luc. 3.19-20. Galileaman Jesús kutirqan. 13Nazaret markachö täkunqanpa rantinmi Capernaúm markachö täkunanpaq aywarqan. Tsay markaqa Galilea qocha kuchunchö y Zabulón y Neftalí trïbukuna täkuyanqan kaqchömi karqan. 14Capernaúmchö Jesús täkurmi profëta Isaías willakunqanta cumplirqan. Tsay willakunqanchömi nin:
15<<Zabulón trïbu y Neftalí trïbu,
qamkuna täkuyanqaykipam lamar kuchunpa y Jordán mayu wak tsimpanpa näni päsan.
Mana Israel runakunapis qamkuna täkuyanqaykichömi atskaq täkuyan.
16Tutapäpukushqanö kawarpis atsikyayta rikaqnömi salvayäshuqnikita rikäyanki.
Tutapaychönö kawayaptikipis salvayäshuqnikiqa aktsinömi kanqa>>.#Isa. 9.1-2.
17Capernaúmchö täkuykarmi willakuyta qallaykur Jesús nirqan: <<¡Dios Yayapa mandakuynin chämushqanam! ¡Jutsaykikunapita arrepentikur Dios Yaya munanqannöna kawakuyay!>>#Mat. 3.2.
Discïpulun kayänanpaq pescädu achkuqkunata Jesús qayanqan
Marcos 1.16-20; Lucas 5.1-11
18Galilea qocha kuchunpa aywaykarmi ishkaq runakunata Jesús rikarqan. Pescädu achkuq karmi atarräyankunata yakuman jitaykäyarqan. Paykunam kayarqan Simón y wawqin Andrés. Simónpa jukaq shutinmi karqan Pedro. 19Paykunatam Jesús nirqan: <<Qatiyämay. Noqam yachatsiyäshayki runakunata pescayänaykipaq>>.
20Tsaynö niptinmi atarräyankunata dëjaskir Jesúswan aywayarqan.
21Tsaypita mas waklächönam Santiagutawan wawqin Juanta rikarqan. Paykunam taytan Zebedeuwan büquinkunachö atarräyankunata allitsaykäyarqan. Paykunatapis Jesús qayaptinmi 22taytankunata y büquita jaqiskir sas aywayarqan.
Qeshyaqyashakunata Jesús kutikätsinqan
Lucas 6.17-19
23Entëru Galileapa Jesús purirmi Dios Yayapa mandakuyninpa alli willakuyninta sinagögakunachö yachatsikurqan y tukuyläya qeshyaywan qeshyaykaqkunata kutikätsirqan.#Mat. 9.35; Mar. 1.39. 24Tsaytam Siria nación markakunachöpis musyayarqan. Tsaymi paykunapis Jesús kaqman apayarqan tukuyläya qeshyaywan qeshyaykaqkunata, supay ñakatsinqan runakunata, atäquiwan qeshyaqyashakunata y paralïticukunatapis. Tsay llapan qeshyaykaqkunatam Jesús kutikätsirqan.
25Atskaqmi Jesústa qatiyarqan. Tsay runakunam kayarqan Galileapita, Decápolispita, Jerusalénpita, Judeapita y Jordán mayu wak tsimpankunapita.
Currently Selected:
Mateo 4: qxn
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Mateo 4
4
Jesústa Satanás tentayta munanqan
Marcos 1.12-13; Lucas 4.1-13
1Tsaypitanam diablu tentananpaq Espíritu Santu desiertuman Jesústa pusharqan.#Heb. 2.18; 4.15. 2Tsaychö chusku chunka (40) junaq y chusku chunka paqas ayunaskirnam Jesús alläpa mallaqarqan. 3Tsaymi diablu chaykur nirqan: <<Diospa Tsurin karqa mä kay rumikunata tantaman tikratsiy>>.
4Jesúsnam nirqan: <<Dios Yayapa palabranmi nin: <Runaqa manam tantata mikurllatsu kawan, sinöqa Dios Yaya llapan ninqankunata cäsurmi> >>.#Deut. 8.3.
5Tsaypitanam sagrädu Jerusalén markaman Jesústa diablu pusharqan. Tsaychömi templupa mas altunman ichiykatsir 6nirqan: <<Diospa Tsurin karqa mä kaypita jeqarpuy. Diospa palabranmi nin: <Angelninkunatam Dios Yaya kachamunqa cuidayäshunaykipaq. Paykunam achkuyäshunki chakillaykitapis rumikunachö mana takakunaykipaq> >>.#Sal. 91.11-12.
7Jesúsnam nirqan: <<Tsaynöllam Dios Yayapa palabranchö nin: <Dios Yayata ama tentankitsu> >>.#Deut. 6.16.
8Tsaypitanam altu jirkaman diablu pushaykur maytsay nacionkunata riquëzankunatawan rikätsir 9nirqan: <<Qonqurikuykur adoramaptikiqa kay llapan rikanqaykitam qaraykuqman>>.
10Jesúsnam nirqan: <<¡Kaypita witiy, Satanás! Dios Yayapa palabranmi nin: <Dios Yayallatam adorayanki. Payllatam serviyanki> >>.#Deut. 6.13.
11Tsaymi diablu aywakurqan. Tsaypitanam angelkuna chaykur Jesústa yanapayarqan.
Galileachö willakur Jesús qallanqan
Marcos 1.14-15; Lucas 4.14-15
12Carcelchö Juan qaykuraykanqanta musyaskirmi#Mat. 14.3; Mar. 6.17; Luc. 3.19-20. Galileaman Jesús kutirqan. 13Nazaret markachö täkunqanpa rantinmi Capernaúm markachö täkunanpaq aywarqan. Tsay markaqa Galilea qocha kuchunchö y Zabulón y Neftalí trïbukuna täkuyanqan kaqchömi karqan. 14Capernaúmchö Jesús täkurmi profëta Isaías willakunqanta cumplirqan. Tsay willakunqanchömi nin:
15<<Zabulón trïbu y Neftalí trïbu,
qamkuna täkuyanqaykipam lamar kuchunpa y Jordán mayu wak tsimpanpa näni päsan.
Mana Israel runakunapis qamkuna täkuyanqaykichömi atskaq täkuyan.
16Tutapäpukushqanö kawarpis atsikyayta rikaqnömi salvayäshuqnikita rikäyanki.
Tutapaychönö kawayaptikipis salvayäshuqnikiqa aktsinömi kanqa>>.#Isa. 9.1-2.
17Capernaúmchö täkuykarmi willakuyta qallaykur Jesús nirqan: <<¡Dios Yayapa mandakuynin chämushqanam! ¡Jutsaykikunapita arrepentikur Dios Yaya munanqannöna kawakuyay!>>#Mat. 3.2.
Discïpulun kayänanpaq pescädu achkuqkunata Jesús qayanqan
Marcos 1.16-20; Lucas 5.1-11
18Galilea qocha kuchunpa aywaykarmi ishkaq runakunata Jesús rikarqan. Pescädu achkuq karmi atarräyankunata yakuman jitaykäyarqan. Paykunam kayarqan Simón y wawqin Andrés. Simónpa jukaq shutinmi karqan Pedro. 19Paykunatam Jesús nirqan: <<Qatiyämay. Noqam yachatsiyäshayki runakunata pescayänaykipaq>>.
20Tsaynö niptinmi atarräyankunata dëjaskir Jesúswan aywayarqan.
21Tsaypita mas waklächönam Santiagutawan wawqin Juanta rikarqan. Paykunam taytan Zebedeuwan büquinkunachö atarräyankunata allitsaykäyarqan. Paykunatapis Jesús qayaptinmi 22taytankunata y büquita jaqiskir sas aywayarqan.
Qeshyaqyashakunata Jesús kutikätsinqan
Lucas 6.17-19
23Entëru Galileapa Jesús purirmi Dios Yayapa mandakuyninpa alli willakuyninta sinagögakunachö yachatsikurqan y tukuyläya qeshyaywan qeshyaykaqkunata kutikätsirqan.#Mat. 9.35; Mar. 1.39. 24Tsaytam Siria nación markakunachöpis musyayarqan. Tsaymi paykunapis Jesús kaqman apayarqan tukuyläya qeshyaywan qeshyaykaqkunata, supay ñakatsinqan runakunata, atäquiwan qeshyaqyashakunata y paralïticukunatapis. Tsay llapan qeshyaykaqkunatam Jesús kutikätsirqan.
25Atskaqmi Jesústa qatiyarqan. Tsay runakunam kayarqan Galileapita, Decápolispita, Jerusalénpita, Judeapita y Jordán mayu wak tsimpankunapita.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.