Mateo 3
3
Bautizaq Juan willakunqan
Marcos 1.1-8; Lucas 3.1-9, 15-17; Juan 1.19-28
1Tsay watakunam Judea provincia desiertuchö Bautizaq Juan willakur 2nirqan: <<¡Dios Yayapa mandakuynin chämushqanam! ¡Jutsaykikunapita arrepentikur Dios Yaya munanqannöna kawayay!>>#Mat. 4.17; Mar. 1.15.
3Tsaynö willakunanpaqmi profëta Isaías qellqanqanchö nin:
<<Juk runam desiertuchö qayakuypa willakur nin:
<Dios Yaya shamunanpaq nänita allitsayay.
Wiksu nänikunata derechayay> >>.#Isa. 40.3.
4Juanpa llatapanmi camëllupa aqtsanpita awashqa karqan. Wachukunpis camëllupa qaranpitam rurashqa karqan.#2Rey. 1.8. Mikuyninpis chukllushkunawan abëjapa mishkinmi karqan.
5Juan willakunqanta wiyayänanpaqmi Jerusalénpita, Judeapita y Jordán mayu cercan markakunapita aywayarqan. 6Dios Yayata perdonta mañakuyaptinmi Jordán mayuchö tsay runakunata Juan bautizarqan.
7Tsayman atskaq fariseukuna y saduceukuna bautizakuq chäyanqanta rikarmi Juan nirqan: <<¡Culebra casta runakuna!#Mat. 12.34; 23.33. ¡Pitan qamkunata niyäshushkanki Dios Yayapa castïgunpita qeshpiyänaykipaq kanqanta! 8Jutsaykikunapita rasunpa arrepentikushqa karqa Dios Yaya munanqannöna kawayay. 9Ama yarpäyaytsu Abrahampa ayllun kayanqaykipita#Juan 8.33. Dios Yaya salvayäshunaykipaq kanqanta. Noqam niyaq: Dios Yaya munarqa kay rumikunatapis Abrahampa ayllunmanmi tikratsinman. 10Mana wayuq jachata chapapita walluskir ninaman jitaykuqnömi jutsa ruraqkunata castigananpaq Dios Yaya listu kaykan.#Mat. 7.19.
11<<Jutsaykikunapita arrepentikur Dios Yaya munanqannö kawakuyänaykipaqmi yakuwan bautizayaq. Peru qepäta shamuq kaqmi sïqa Espíritu Santuwan y ninawan bautizayäshunki. Noqapita mas poderyuq kaptinmi llanqinta apanällapaqpis välïtsu. 12Trïguta wayrananpaqmi jurquïtan aptashqa kaykan. Wayraskirmi trïguta wajinman churanqa. Päjantanam imaypis mana wañuq ninaman jitaykunqa>>.
Jesústa Juan bautizanqan
Marcos 1.9-11; Lucas 3.21-22
13Juan bautizananpaqmi Jesúspis Galileapita Jordán mayuman aywarqan. 14Peru Juannam bautizayta mana munar nirqan: <<Taytay, manam qamta bautizaqmantsu. Tsaypa rantinmi qam bautizamankiman>>.
15Jesúsnam nirqan: <<Imanö kaptinpis bautizamay. Bautizamänaykitam Dios Yaya munan>>.
Tsaynö niptinmi bautizarqan. 16Bautizakuskir yakupita yarqaykämuptinmi ciëlu kichakarqan. Tsaychömi Jesús rikarqan Espíritu Santu imayka palumanö jananman uraykämuqta. 17Tsaynöllam ciëlupita Dios Yaya nimurqan: <<Paymi kuyay tsurï. Paypitam kushikü>>.#Sal. 2.7; Mat. 17.5; Mar. 1.11; Luc. 9.35.
Currently Selected:
Mateo 3: qxn
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Mateo 3
3
Bautizaq Juan willakunqan
Marcos 1.1-8; Lucas 3.1-9, 15-17; Juan 1.19-28
1Tsay watakunam Judea provincia desiertuchö Bautizaq Juan willakur 2nirqan: <<¡Dios Yayapa mandakuynin chämushqanam! ¡Jutsaykikunapita arrepentikur Dios Yaya munanqannöna kawayay!>>#Mat. 4.17; Mar. 1.15.
3Tsaynö willakunanpaqmi profëta Isaías qellqanqanchö nin:
<<Juk runam desiertuchö qayakuypa willakur nin:
<Dios Yaya shamunanpaq nänita allitsayay.
Wiksu nänikunata derechayay> >>.#Isa. 40.3.
4Juanpa llatapanmi camëllupa aqtsanpita awashqa karqan. Wachukunpis camëllupa qaranpitam rurashqa karqan.#2Rey. 1.8. Mikuyninpis chukllushkunawan abëjapa mishkinmi karqan.
5Juan willakunqanta wiyayänanpaqmi Jerusalénpita, Judeapita y Jordán mayu cercan markakunapita aywayarqan. 6Dios Yayata perdonta mañakuyaptinmi Jordán mayuchö tsay runakunata Juan bautizarqan.
7Tsayman atskaq fariseukuna y saduceukuna bautizakuq chäyanqanta rikarmi Juan nirqan: <<¡Culebra casta runakuna!#Mat. 12.34; 23.33. ¡Pitan qamkunata niyäshushkanki Dios Yayapa castïgunpita qeshpiyänaykipaq kanqanta! 8Jutsaykikunapita rasunpa arrepentikushqa karqa Dios Yaya munanqannöna kawayay. 9Ama yarpäyaytsu Abrahampa ayllun kayanqaykipita#Juan 8.33. Dios Yaya salvayäshunaykipaq kanqanta. Noqam niyaq: Dios Yaya munarqa kay rumikunatapis Abrahampa ayllunmanmi tikratsinman. 10Mana wayuq jachata chapapita walluskir ninaman jitaykuqnömi jutsa ruraqkunata castigananpaq Dios Yaya listu kaykan.#Mat. 7.19.
11<<Jutsaykikunapita arrepentikur Dios Yaya munanqannö kawakuyänaykipaqmi yakuwan bautizayaq. Peru qepäta shamuq kaqmi sïqa Espíritu Santuwan y ninawan bautizayäshunki. Noqapita mas poderyuq kaptinmi llanqinta apanällapaqpis välïtsu. 12Trïguta wayrananpaqmi jurquïtan aptashqa kaykan. Wayraskirmi trïguta wajinman churanqa. Päjantanam imaypis mana wañuq ninaman jitaykunqa>>.
Jesústa Juan bautizanqan
Marcos 1.9-11; Lucas 3.21-22
13Juan bautizananpaqmi Jesúspis Galileapita Jordán mayuman aywarqan. 14Peru Juannam bautizayta mana munar nirqan: <<Taytay, manam qamta bautizaqmantsu. Tsaypa rantinmi qam bautizamankiman>>.
15Jesúsnam nirqan: <<Imanö kaptinpis bautizamay. Bautizamänaykitam Dios Yaya munan>>.
Tsaynö niptinmi bautizarqan. 16Bautizakuskir yakupita yarqaykämuptinmi ciëlu kichakarqan. Tsaychömi Jesús rikarqan Espíritu Santu imayka palumanö jananman uraykämuqta. 17Tsaynöllam ciëlupita Dios Yaya nimurqan: <<Paymi kuyay tsurï. Paypitam kushikü>>.#Sal. 2.7; Mat. 17.5; Mar. 1.11; Luc. 9.35.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.