Mateo 10

Apostolninkunata Jesús akranqan

Marcos 3.13-19; Lucas 6.12-16

1Tsaypitanam chunka ishkay discïpulunkunata qayaskir poderninta Jesús qararqan runakunapita supaykunata qarquyänanpaq y tukuyläya qeshyaywan qeshyaykaqkunata y imayka nanaywan kaqkunatapis kutikätsiyänanpaq.

2Tsay chunka ishkay apostolkunam kayarqan Simón (paypam jukaq shutin karqan Pedro), Simónpa wawqin Andrés, Zebedeupa tsurinkuna Santiaguwan Juan, 3Felipe, Bartolomé, Tomás, Romapaq impuestuta cobraq Mateo, Alfeupa tsurin Santiago, Tadeo, 4Zelote niyanqan Simón y Jesústa rantikuq Judas Iscariote.

Apostolninkunata willakuyänanpaq Jesús kachanqan

Marcos 6.7-13; Lucas 9.1-6

5Tsay chunka ishkay apostolninkuna willakuq aywayänanpaq kacharmi Jesús nirqan: <<Ama aywayankitsu mana Israel runakunapa markankunaman ni Samariachö markakunamanpis ama yaykuyankitsu. 6Masbien Israel runakunallaman aywayanki. Paykunam oqrakashqa üshanö kaykäyan. 7Paykunata niyanki: <¡Dios Yayapa mandakuyninmi chämushqana!> 8Qeshyaqyashakunata kutikätsiyanki. Wañushqakunatapis kawatsiyanki. Leprawan qeshyaykaqkunata kutikätsiyanki. Supaykunatapis runakunapita qarquyanki. Podernïta dembaldilla chaskiyanqaykinö pitapis dembaldilla kutikätsiyanki.

9<<Qellayta, qorita ni cobritapis gastuykikunapaq ama apayankitsu. 10Tsaynölla ama apayankitsu millkapata, cambiakuyänaykipaq llatapaykikunata ni tukruykikunatapis. Shukuräyanqayki llanqillaykikunawan aywayanki. Arupukuq runa päguta chaskinanpaq derëchun kanqannömi qamkunapapis qarayäshunaykipaq derëchuykikuna kan.#1Cor. 9.14; 1Tim. 5.18.

11<<May markaman charpis mayqan alli runa kanqanta tapukuyanki. Tsay runapa wajillanchö juk markaman päsayanqaykiyaq quëdakuyanki. 12Wajinman chaykur niyanki: <Alli kawakuy qamkunachö kaykullätsun>. 13Alli chaskiyäshuptikiqa niyanqaykinömi alli kawakuy kanqa. Peru mana chaskiyäshuptikim sïqa alli kawakuy kanqatsu. 14Willakuyanqaykita tsay wajichö o tsay markachö mana chaskiyäshuptikiqa chakikikunachö polvuta tapsikuskir aywakuyanki.#Hech. 13.51. 15Rasun kaqtam niyaq: Sodoma y Gomorra runakunata castiganqanpitapis#Gén. 19.24-28; Mat. 11.24. mas peormi día del juiciuchö tsay runakunata Dios Yaya castiganqa.#Luc. 10.4-12.

Discïpulunkuna chikishqa kayänanpaq Jesús ninqan

Marcos 13.9-13; Lucas 21.12-17

16<<Löbukunaman üshakunata qaykuqnömi#Luc. 10.3. qamkunata kachayaq. Culebranö alcäbulla puriyanki y wätay palumanö humildi kayanki. 17Runakunapita cuidakuyanki. Chikiyäshurnikim prësu achkuskir autoridäkunaman apayäshunki. Sinagögakunachömi astayäshunki. 18Noqa raykum gobernadorkunaman y mandakuq reykunaman prësu apayäshunki. Tsaynöpam willakuynïta paykunata y wakin mana Israel kaqkunatapis willayanki. 19Autoridäkunaman apayäshuptikipis ama llakikur niyankitsu: <¿Ima nishaqraq? ¿Imanöraq parlashaq?> nirqa. Dios Yayam tantiyatsiyäshunki imata parlayänaykipaqpis. 20Manam kikikikuna yarpäyanqaykitatsu parlayanki, sinöqa Taytaykipa Espïritun tantiyatsiyäshunqaykillata.#Mar. 13.9-11; Luc. 12.11-12; 21.12-15.

21<<Noqa raykum wawqinta, tsurinta y taytantapis wañutsiyänanpaq autoridäkunaman entregayanqa.#Mar. 13.12; Luc. 21.16. 22Noqa raykum pïmaypis chikiyäshunki.#Mat. 24.9; Mar. 13.13; Luc. 21.17. Tsaynö chikiyäshuptikipis wañuyanqaykiyaq creyikurqa salvakashqam kayanki.#Mat. 24.13. 23Juk markachö chikiyäshuptiki juk markaman qeshpir aywakuyanki. Rasun kaqtam niyaq: Israelchö llapan markakunapa purir manaraq ushayaptikim Runapa Tsurin kutimunqa.

24<<Manam ni mayqan yachakuqpis yachatsiqninpita masqa yachantsu.#Luc. 6.40. Tsaynöllam servikuqpis patronninpita masqa poderyuqtsu.#Juan 13.16; 15.20. 25Yachakuqkunapis yachatsiqninnö karmi kushikuyan y servikuqkunapis patronninnö karmi kushikuyan. Noqatapis Beelzebú#10.25 Beelzebúqa Satanáspa jukaq shutinmi. nikäyämarqa#Mat. 9.34; 12.24; Mar. 3.22; Luc. 11.15. qamkunatapis wamräkuna kayaptiki masraqmi ashayäshunki.

Mana mantsakuyänanpaq Jesús ninqan

Lucas 12.2-7

26<<Runakuna chikiyäshuptikipis ama mantsakuyankitsu. Paykuna pakayllapa jutsata rurayanqanmi día del juiciuchö musyakanqa.#Mar. 4.22. 27Tsaynö kaykaptinqa pakayllapa niyanqaqkunata pïmay wiyananpaq willakuyay. Kikillaykikunata niyanqaqtapis waji jananman lätarkur jinchi willakuyay. 28Ama mantsakäyankitsu pipis wañutsiyäshunaykipaq jurayäshuptiki. Wañutsiyäshurnikipis almaykikunataqa manam wañutsiyanqatsu. Masbien Dios Yayapita mantsakuyay. Paymi sïqa poderyuq kar almantinta pitapis infiernuchö ushakätsinqa.

29<<¿Manaku ishkay pishqukunata juk centimullachö rantikuyan? Tsaynö kaptinpis manam ni jukllayllapis wañuntsu Taytayki mana munaptinqa. 30Aqtsaykikunapis paypaqqa yupashqam kaykan. 31Qamkunaqa maytsika pishqukunapitapis masmi väliyanki. Tsaynö kaykaptinqa ama mantsakuyaytsu>>.

Favornin parlaqkunapaq Jesús ninqan

Lucas 12.8-9

32<<Pipis runakunapa puntanchö favornï parlaptinqa noqapis ciëluchö Taytäpa puntanchömi paykunapa favornin parlashaq. 33Pipis runakunapa puntanchö nëgamaptinqa noqapis ciëluchö Taytäpa puntanchömi nëgashaq.#2Tim. 2.12.

Jesúsman creyikuqkuna chikishqa kayänanpaq ninqan

Lucas 12.51-53; 14.26-27

34<<Ama yarpäyaytsu shamunqäpita kay patsachö runakuna alli päsakuychö kawakuyänanpaq kanqanta. Tsaypa rantinmi kikinkunapura chikinakuyanqa. 35Taytanwan tsurinmi chikinakuyanqa, mamanwan wawanmi chikinakuyanqa y suegranwan llumtsuyninmi chikinakuyanqa. 36Ayllunkunawanmi contra kawayanqa.#Miq. 7.6.

37<<Pipis discïpulü kayta munarqa taytanta y mamanta kuyanqanpita noqata mas kuyamätsun. Tsaynö mana kuyamarqa manam discïpulü kayanmantsu. Tsaynölla wamrankunata kuyayanqanpita noqata mas kuyamätsun. Tsaynö mana kuyamarqa manam discïpulü kayanmantsu. 38Cruzninta apaqnö mana qatirämarqa#10.38 Cruzninta apaqnö mana qatirämar nirqa ima ñakaychö karpis Jesucristuta qatiränanpaq kanqantam nin. manam discïpulü kayanmantsu.#Mat. 16.24; Mar. 8.34; Luc. 9.23; Juan 12.24. 39Kawayninta salvayta munaqkunam kawayninta oqrayanqa. Kawayninta noqa rayku oqraqkunam sïqa kawayninta salvayanqa.#10.39 Tsaynö nirmi Jesucristo nirqan: <<Kikin munanqannö mana alli kawaqkunaqa manam salvakuyanqatsu. Noqa munanqänö kawaqkunam sïqa salvakuyanqa>>.#Mat. 16.25; Mar. 8.35; Luc. 9.24; 17.33; Juan 12.25.

Premiuta chaskinapaq Jesús ninqan

Marcos 9.41

40<<Qamkunata chaskiyäshuqnikikunaqa noqatam chaskiyäman.#Luc. 10.16; Juan 13.20. Noqata chaskimaqkunaqa kachamaqnïtam chaskiyan.#Mar. 9.37; Luc. 9.48. 41Profëtakunata chaskiq kaqqa profëtanömi premiuta chaskiyanqa. Tsaynöllam jutsannaq runata chaskiq kaqqa tsay runanö premiuta chaskinqa. 42Mayqan discïpulüta juk täza yakullatapis qaraq kaqtaqa Dios Yayam premiuta qaranqa>>.

Currently Selected:

Mateo 10: qxn

Highlight

Copy

Compare