Joel 3
3
Llapan nación runakunata Dios Yaya juzgananpaq ninqan
1 1 (4.1) Dios Yayam nin:
<<Tsay junaqkuna chämuptinmi Judá runakunata y Jerusalén runakunata alli kawakuyänanpaq yanapashaq.
2 2 (4.2) Llapan nación runakunata qayaskatsirmi Josafat Pampaman#3.2 Josafat ninanqa Dios Yayam juzgan ninanmi. Tsaymi Josafat Pampaman apashaq ninanqa juzganäpaq apashaq ninan. Tsaynöllam kaykan 3.12 versïculuchöpis. apashaq.
Tsaychömi paykunata juzgashaq kuyanqä Israel runakunapa contran kayanqanpita.
Entreganqä nacionninkunapitam Israel runakunata tsay contrankuna maytsay nacionkunaman qarquyashqa.
Israel nación kikïpa kaykaptinpis kikinkunapaqmi aypunakuyashqa.
3 3 (4.3) Kuyanqä runakunatam sortiyarnin rakipunakuyashqa.
Wamrakunatam ollquta y warmitapis rantikur ushayashqa.
Tsay qellaywanmi upyar machäkuyashqa y prostitüta warmikunawan kakuyashqa.
4 4 (4.4) <<¡Tiro y Sidón markachö täkuq runakuna!#Isa. 23.1-18; Eze. 26—28; Amós 1.9-10; Zac. 9.1-4; Mat. 11.21-22; Luc. 10.13-14.
¡Filistea nacionchö täkuq runakuna!#Isa. 14.29-31; Jer. 47; Eze. 25.15-17; Amós 1.6-8; Sof. 2.4-7; Zac. 9.5-7.
¿Imanirtan rabyatsiyämanki?
¿Imanirtan conträ shäriyanki?
Ichikllanam faltaykan qamkunata castigayänaqpaq.
5 5 (4.5) Qamkunam suwapayämar yuraq qellaynïta, qorïta y tesörükunatapis templuykikunaman apayashkanki.
6 6 (4.6) Judá runakunata y Jerusalén runakunatam karu markaman apaykur griego runakunapa serviqnin kayänanpaq rantikuyashkanki.
7 7 (4.7) Peru karuman rantikushqa kayaptikipis kikïmi qorimushaq.
Paykunata rantikuyanqaykinöllam qamkunatapis rantikuyäshayki.
8 8 (4.8) Ollqu y warmi tsurikikunatapis Judá runakunamanmi rantikushaq.
Paykunanam karuchö täkuq sabeo runakunaman rantikuyanqa.
Noqa Dios Yayam nï>>.
9 9 (4.9) Maytsay nacionkunaman willakuyay:
<<¡Guërraman aywayänaykipaq alistakuyay!
¡Valienti kaq soldädukunata qoriyay!
¡Valienti kaqkunaqa llapayki guërraman aywayay!
10 10 (4.10) Lampaykikunapita espädaykikuna rurayay.
Ösikikunapita lanzaykikuna rurayay.#Isa. 2.4; Miq. 4.3.
Waylläyu mantsallïshu karpis <¡valientim kä!> niyay.
11 11 (4.11) Israelpa cercankunachö kaq nacionkuna, llapayki sas qorikäyämuy>>.
Dios Yaya, soldäduykikunata pushaykällämuy.
12 12 (4.12) <<Llapan nación runakuna alistakuskir Josafat Pampaman aywayätsun.
Tsaychömi Israelpa cercankunachö kaq nacionkunata juzgashaq.
13 13 (4.13) Paykunapa jutsankunaqa alläpanam kaykan.
Tsakishqa trïguta ösiwan sëgaqnö chipyat wañutsiyay.#Apoc. 14.14-16.
Vïnu ruraqkuna üvata jaruyanqannö jankat ushakätsiyay.
Tsaynö rurayay juzgar castiganäpaq tiempu chämushqana kaptin>>.#Isa. 63.3; Lam. 1.15; Apoc. 14.19-20; 19.15.
14 14 (4.14) Juzgana Pampamanqa waranqa waranqa runakunam qorikashqa kaykäyan.
Paykunata Dios Yaya juzganan junaq chaykämunnam.
15 15 (4.15) Tsay junaqqa rupaypis killapis jankatmi tutapaskiyanqa.
Qoyllurkunapis manam atsikyäyanqanatsu.
16 16 (4.16) Dios Yayam Sión lömapita leonnö qayarämunqa.
Jerusalénpita qayakamunqanmi maqakuynöraq wiyakämunqa.#Jer. 25.30; Amós 1.2.
Tsaymi ciëluwan kay patsapis tsuktsukyäyanqa.
Peru kuyanqan Israel runakunatam sïqa castïgupita tsapanqa.
Judá runakunaman bendicionninta churananpaq kanqan
17 17 (4.17) Dios Yayam nin:
<<Tsay junaq chämuptinmi musyayanki Diosnikikuna kanqäta.
Noqaqa santu Sión lömachömi täkü.
Jerusalénmi santu markä kanqa.
Tsaymi juklä nación runakuna ni imaypis venciyanqanatsu.
18 18 (4.18) Tsay witsaymi jallqakunachö y lömakunachö vïnuwan lichipis yakunöraq maytsika kanqa.
Judá nación raqrakunapapis ni imay mana tsakirmi yaku aywanqa.#Eze. 47.1-5.
Templüpita yaku pashtamurmi Sitim Pampatapis#Núm. 25.1; Jos. 2.1. parqunqa.#3.18 Tsaynöqa nin templupita bendición shamunanpaq kanqantam.
19 19 (4.19) <<Egipto nacionmi raqällana kanqa.
Edom nacionpis tsunyam kanqa.
Tsaynömi ushakanqa Judá nacionta atacar jutsannaqkunata wañutsiyanqanpita.
20 20 (4.20) Peru Judáchö y Jerusalénchömi sïqa imaypis runakuna täkuyanqa.
21 21 (4.21) Kikïpis Sión lömachömi täkushaq.
Runakunata tsaychö wañutsiyanqanpitam mana perdonaypa llapanta juzgashaq>>.
Currently Selected:
Joel 3: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
