Isaías 64
64
1 1 (63.19b) ¡Imanöllaraq ciëluta kichaskir urämunkiman!
Urämuptikim jirkakunapis alläpa tsuktsukyäyanman.#Éxo. 19.16-18; Jue. 5.4-5; Hab. 3.3-15.
2 2 (1) Kasha muntikunata nina rupar ushanqannö y manka timpunqannömi shamuptiki nacionkunapis tsuktsukyäyanman.
Poderösu kanqaykitam contraykikunapis tantiyayanman.
3 3 (2) Unay urämurmi alläpa mantsakaypaq kaqkunata rurarqayki.
Tsaynö ruraptikim jirkakunapis alläpa tsuktsukyäyarqan.
4 4 (3) Manam ni pipis wiyashqatsu ni rikashqatsu qamnö poderösu kanqanta.
Qamman confiakamuqkuna raykum mantsakaypaq kaqkunata ruranki.#1Cor. 2.9.
5 5 (4) Munanqaykinö kushishqa kawaqkunatam yanapanki.
Peru tsaynö kaykaptinpis manam munanqaykinötsu kawayä.
Unaypitam kananyaqpis jutsata rurayaptï alläpa rabyakunki.
Tsaynölla kawarqa ¿imanöraq salvakuyäman?
6 6 (5) Noqakunam taqranö melanaypaq kayä.
Allita rurayanqäpis warmipa costumbrinwan taqrashqanömi kaykan.
Llapämi jachapa rapran qarwatar ushakaqnö ushakäyä.
Wayra apaqnömi mana alli yarpaynïkuna jutsaman apayäman.
7 7 (6) Manam ni pipis qamman mañakayämuntsu ni confiakayämuntsu.
Tsaymi noqakunapita tsinkakushkanki.
Jutsa ruraq kayaptïmi dëjayämashkanki.
8 8 (7) Dios Yaya, imanö kashqa kayaptïpis qammi Taytäkuna kanki.
Noqakunam mitunölla kayä.
Qamnam manka ruraqnö kanki.
Llapäpis makiki ruranqallanmi kayä.#Isa. 29.16; 45.9; Jer. 18.1-6.
9 9 (8) Dios Yaya, alläpa amana piñakuykuynatsu.
Jutsa rurayanqätapis amana yarpaykuynatsu.
Kuyanqayki runakuna kaykäyaptïqa llakipaykayällämay.
10 10 (9) Santu markaykikunata ushakätsiyaptinmi tsunyaraykanllana.
Sión lömata ushakätsir tsunyätsiyaptinmi Jerusalén markapis raqällana tikrashqa.
11 11 (10) Unay castäkuna adorayäshunqayki kuyakuypaq templuykitapis jankatmi waykayashqa.
Mas kuyakuypaq kaqkunatapis llapantam ushakätsiyashqa.
12 12 (11) Dios Yaya, tsaynö rurayanqanta rikaykar ¿manatsuraq paykunata castigankiman?
¿Manatsuraq yanapayämankiman?
¿Tsaynöllatsuraq imaypis castigayämanki?
Currently Selected:
Isaías 64: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
