Isaías 43
43
Dios Yayalla salvakuq kanqan
1Jacobpita miraq Israel runakuna, kamayäshuqniki Dios Yayam niyäshunki:
<<Ama mantsakäyaytsu.
Kikïpa kayaptikim shutikikunapa qayayarniki salvayashkaq.
2Jundu mayukunata tsimpayaptikipis qamkunawanmi kaykäshaq.
Mayjina mayu jeqarpis manam apayäshunkitsu.
Nina pullanpa päsayaptikipis manam rupayäshunkitsu.
Manam qashpayllapis qashpayäshunkitsu.
3<<Noqam salvashuqniki Dios Yaya kä.
Israel runakunapa santu Diosninmi kä.
Qamkunata salvayämurnikim Egipto runakunata castigashkä.
Tsaynöllam Etiopía y Seba nación runakunata rantikikuna sufriyänanpaq churashkä.
4Qamkunatam alläpa kuyayaq.
Imaykapitapis masmi väliyanki.
Tsaymi rantikikuna wañuyänanpaq juk nación runakunata churashkä.
5<<Qamkunawan kaykaptïqa ama mantsakäyaytsu.
Rupay yarqamunan kaqläpitam kutitsiyämushayki.
Rupay jeqanan kaqläpitam qoriyämushayki.
6Nortitam y surtam nishaq:
<¡Wamräkunata ama katsikuyaytsu!
¡Mayjina karuchö katsirpis ollquta y warmitapis kutitsiyämuy!
7¡Noqata adoramaqkunata llapanta kutitsiyämuy!
Munanqänö kawar alabayämänanpaqmi kamashkä.
Paykunatam kikï kamashkä>.
8<<Kuyanqä runakuna, qapranö, upanö karpis shayämuy.
9Maytsay nacionkunachö y markakunachö täkuq runakuna, shayämuy.
Mä niyämay: Adorayanqayki mayqan ïdulupis ima päsananpaq kanqanta ¿willakushqatsuraq?
Willakushqa kaptinqa testïgukuna mä niyätsun.
Tsay ïdulukuna willakuyanqanta mä pillapis parlarkamutsun>>.
10Kuyanqan runankunatam Dios Yaya nin:
<<Qamkunam testïgükuna kayanki.
Akranqä servimaqnïkunam kayanki.
Qamkunatam akrayashkaq reqiyämänaykipaq, confiakayämänaykipaq y japallä Dios kanqäta musyayänaykipaq.
Imaypitapis noqallam Dios kä.
Noqapita masqa manam juk Dios kantsu.
11<<Noqam Dios Yaya kä.
Noqapita masqa manam ni pipis salvakuq kantsu.#Deut. 4.35.
12Salvayänaqpaq kanqanta willakatsirmi salvayashkaq.
Juk nacionkunapa diosninqa manam imaypis salvayäshushkankitsu.
Japallä Dios kanqätam testïgü kayanki.
13<<Imaypitapis noqallam Dios kä.
Podernïpita manam ni pipis qeshpintsu.
Imata rurayta munaptïpis manam ni pï amatsamantsu>>.
14Salvayäshuqniki kar Israel runakunapa santu Diosninmi niyäshunki:
<<Qamkunata salvayäshunaykipaqmi Babiloniaman soldädukunata mandashaq.
Tsay soldädukuna atacayaptinmi Babilonia#43.14 Hebreo idiömachömi Caldea nin. Caldeaqa Babiloniapa jukaq shutinmi. runakuna confiakuyanqan büquinkunawan qeshpir aywakuyanqa.
15Noqam santu Dios Yaya kä.
Israel nacionta kamashqa karmi mandaqnikikuna rey kä.
16<<Noqam Dios Yaya kä.
Lamar pullanpam nänita rurarqä.
Laqchikaykaq yaku pullanpam cällitanö rurarqä.#Éxo. 14.13-31.
17Tsaychömi atska carrëtankunawan y bestiankunawan Israel runakunata qatipämuq soldädukunata ushakätsirqä.
Ushakätsiptïmi imaypis kawayämushqanatsu.
Aktsi upiqnömi llapan illakäyashqa.
18<<Kananqa unay päsanqankunata amana yarparäyaynatsu.
19Noqam mushuqtana rurashaq.
Manaraq unaytam salvashaq.
¡Tantiyakuyay! ¡Qallashkänam!
Salvarmi nacionninkunaman desiertu nänipa kutitsimushaq.
Imapis mana kanqan tsaki patsakunachömi mayukunata yuritsimushaq.
20<<Tsaymi chucaru wätakunapis agradëcikayämanqa.
Chacalkunapis y avestruzkunapis kushishqam alabayämanqa.
Akranqä runakuna upyayänanpaqmi tsaki patsakunachö mayukunata pashtatsimushaq.#Éxo. 17.1-7; Isa. 35.6-8; 41.18; 44.3-4.
21Tsay runakunatam kikïpaq rurarqä.
Alabayämänanpaqmi paykunata kamarqä.
22<<Jacobpita miraq Israel runakuna, manam mañakayämashkankitsu yanapayänaqpaq.
Qamkunam mana cäsuyämar dëjayämashkanki.
23Manam tsaki mikuy ofrendata apayämunaykipaq obligayashkaqtsu.
Manam inciensiuta cada vez qoshnïtsiyänaykipaq obligayashkaqtsu.
Sacrificiupaq wätakunata apamurpis manam munanqänötsu apayämushkanki.
24Manam mushkuq jachakunatapis rantipäyämashkankitsu ni wätakunapa wiranta waykayämushkankitsu.
Tsaypa rantinmi jutsata rurar alläpa ajayätsiyämashkanki.
Mana allikunata rurarmi alläpa rabyatsiyämashkanki.
25<<Peru tsaynö kayaptikipis llakipäyarnikim tukuyläya jutsaykikunapita perdonayäshayki.
Perdonayarnikim ni imaypis yarpäshaqnatsu.
26Imallapitapis jaqayätsishqa kayaptiqqa mä niyämay.
Jutsannaq kayanqaykita yarparqa mä niyämay.
27Unay castaykikuna Jacobpis jutsatam rurarqan.
Yachatsiyäshuqnikikunapis manam cäsuyämashqatsu.
28Tsaymi sacerdötikikunatapis templüpita qarqushkä.
Qamkunata castigayaptiqmi pïmaypis maldicionäyäshunki>>.
Currently Selected:
Isaías 43: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
