Isaías 24
24
Llapan runakunata Dios Yaya castigananpaq kanqan
1Kay patsata alläpa kuyutsirmi llapanta Dios Yaya ushakätsinqa.
Runakunatam wakpa kaypa qarqunqa.
2Tsay junaqmi lluta runapis, sacerdötipis,
patronpis, servikuq ollqupis,
patrönapis, servikuq warmipis,
rantiqpis, rantikuqpis,
prestaq kaqpis, prestakuq kaqpis,
rïcupis y waktsapis llapan ñakayanqa.
3Kay patsata ushakätsirmi tsunyaraykaqta dëjanqa.
Tsaynö kananpaqmi Dios Yaya nin.
4Jacha tsakir ushakaqnömi kay patsapis ushakanqa.
Ciëluwan patsapis alläpam llakikuyanqa.
5Tsaynö kananpaqqa kay patsachö runakunam jutsayuq kayan.
Tsaymi Dios Yayapa leyninkunata ni estatütunkunatapis cumpliyantsu.
Imaypis cumpliyänanpaq pactutapis manam cumpliyantsu.#Gén. 9.5-6.
6Kay patsatam Dios Yaya maldicionar ushakätsinqa.
Tsaymi kay patsachö täkuqkunapis sufriyanqa.
Wallkaqllanam kawaykar quëdayanqa.
7Üva plantakunatapis qeshyaymi ushanqa.
Vïnupis manam kanqanatsu.
Ñawpata kushishqa kawaqkunam llakishqana kawayanqa.
8Panderëtatapis mananam töcayanqanatsu.
Fiestata manana rurayaptinmi kushikuypis kanqanatsu ni arpakunatapis töcayanqanatsu.
9Vïnutapis cantar manam upyayanqanatsu.
Tukuyläya machätsikuq upyayanqanpis alläpam ayanqa.
10Dios Yayata mana cäsuq runakunapa markankunam juchushqa kanqa.
Wajinkunaman mananam ni pipis yaykunqanatsu.
11Vïnu manana kaptinmi cällikunachö waqayanqa.
Maytsaychö llakikuyllana kaptinmi pipis kushikunqanatsu.
12Raqällatanam markatapis dëjayanqa.
Markakunapa punkunkunatapis pakirmi ushayanqa.
13Wallkaq runakunallanam kay patsachö quëdayanqa.
Olïvuta cosechar tapsiyaptin juk ishkayllana quëdanqannömi kayanqa.
Üvata pallayaptin juk ishkayllana quëdaqnömi quëdayanqa.
14Kawaykar quëdaq runakunam kushikuyanqa.
Dios Yaya imanö ruranqanta rikarmi rupay jeqanan kaqlächö täkuqkuna cantayanqa.
15Rupay yarqamunan kaqlächö täkuqkunam Dios Yayata alabayanqa.
Lamar kuchunchö täkuqkunam Israel runakunata kuyaq Dios Yayata alabayanqa.
16Kay patsapa juk kuchunpitam jukaq kuchunyaq alabayanqa.
<<¡Allillata ruraq Dios Yayata alabashun!>> nir cantayanqanmi wiyakanqa.
¡Peru alläpa llakishqam kaykä!
¡Shonqüpis nanayparaqmi llakikun!
¡Mana alli runakunam traicionëru kayan!
¡Llakipäkuyninkunapis manam kantsu!
17Kay patsachö täkuqkunam alläpa mantsakäyanqa.
Uchkuman y trampaman jeqaqnömi kayanqa.
18Apäkuy tamyam tamyamunqa.
Kay patsata tukmaraqkunapis alläpam tsuktsukyäyanqa.
Mantsakaypaq kaptinmi qeshpir aywaqkuna uchkuman jeqayanqa.
Uchkupita yarquq kaqnam toqllaman shikwayanqa.#Jer. 48.43-44.
19Kay patsam alläpa mantsakaypaq tsuktsukyanqa.
Maytsaypam rachir ushakanqa.
20Machashqa tashtapaykachaqnömi kayanqa.
Tsuklla ushakaqnömi ushakäyanqa.
Jutsa rurayanqanmi kay patsata alläpa lasapan.
Tsaymi lasaq qepiwan shäriyta mana puëdiq runanölla kay patsapis lasätsikunqa.
21Tsay junaqmi ciëluchö kaq poderyuqkunatapis#24.21 Tsay poderyuqkunaqa supaykunam kaykäyan. Dios Yaya castiganqa.
Kay patsachö reykunatam castiganqa.
22Llapanta qoriskirmi pözuman wiñaqnö prësu qaykurätsinqa.
Tsaychö atska wata qaykuraykatsirmi mana llakipaypa castiganqa.
23Llapanta mandaq Dios Yaya Sión lömapita mandakamuptinmi killapis penqakunqa.
Rupaypis manam atsikyanqanatsu.
Jerusalénchö poderösu chipakyaq kanqantam mayor runakunapis rikäyanqa.
Currently Selected:
Isaías 24: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
