Isaías 23

Tiro y Sidón markakunata ima päsananpaq kaqta ninqan

1Kaychömi qellqashqa kaykan Tiro markata ima päsananpaq kaqta Dios Yaya revelanqan.#Eze. 26.1—28.19; Joel 3.4-8; Amós 1.9-10; Zac. 9.1-4; Mat. 11.21-22; Luc. 10.13-14.

¡Jatusaq büquikunata manijaq runakuna, llakikur waqayay!

¡Tiro markata ushakätsirmi büquiwan chäyänayki sitiukunata ushakätsiyashqa!

Tsaynö ushakanqantam Quitim#23.1 Quitimmi Chipre islapa unay shutin karqan. islapita willakayämunqa.

2¡Lamar kuchunchö täkuq Sidón#23.2 Sidón markam Tiro markapita chusku chunka (40) kilömetru norti kaqlächö karqan. runakuna, alläpa llakikuyay!

Qamkunam negocianti kar büquikunawan maytsaypa aywayanki.

3Jatusaq lamarpa päsarmi mikuytapis rantiyämunki.

Tsay mikuymi Nilo mayu pampakunachö wayuq mikuy.

Qamkunawanmi maytsay nación runakuna negociuta rurayan.

4Lamar kuchunchö Sidón runakuna, ¡alläpa penqakuyay!

Tiro marka ushakashqa kaptinmi lamarpis llakikur nin:

<<Tiro runakunam wawänö kayarqan.

Paykuna ushakäyaptinmi kananqa imaypis mana wachaqnö y mana qeshyakuqnö kä.

Jövinkunata ni wamrakunata imaypis mana wätaqnömi kä>>.

5Tiro marka ushakanqanta musyaskirmi Egipto runakunapis alläpa llakikuyanqa.

6¡Lamar kuchunchö täkuqkuna, Tarsisman aywar waqayay!

7Tiro markam unay marka karqan.

Tsaychömi imaypis fiestalla kakuq.

Tiro runakunam mushuq markakunatapis maytsaychö shäritsiyaq.

8Tsay markakunamanmi reykunatapis churayaq.

Tiro markapita negociantikunam reynöraq maytsaychö respitashqa kayaq.

Tiro markata ushakätsiyänanpaq pï permïtinqantapis tantiyakushun. 9Llapanta mandaq Dios Yayam permïtishqa allish tukuqkunata penqakatsir y poderyuq runakunatapis manakaqman churar.

10Tarsis runakuna, lamar kuchunchö büquikuna ichiräyänanpaq puertukuna manam kannatsu. Kananqa büquiwan mikuyta apayämunqaykipa rantin kikikikunana Nilo mayu kaqchö täkuqkunanö murukuyay.

11 Dios Yayam lamar jananpa makinta lamkar maytsay nacionkunata tsuktsukyätsishqa.

Canaánchö # 23.11 Canaánchömi Tiro marka y Sidón markapis karqan. tsinkakuna corralashqa markakunata ushakätsiyänanpaqmi nishqa.

12Sidón marka runakunatam nishqa:

<<Qamkunam violashqa jipashnö kaykäyanki.

Tsayqa fiestatapis amana rurayaynatsu.

Quitim islaman aywarpis manam jamayta tariyankitsu>>.

13¡Rikäyay Babilonia markata imanö ushakätsiyanqanta!

Asiria runakunam yaykuskir atacayänanpaq törrikunatapis shäritsiyashqa.

Markaman yaykurmi palaciukunatapis raqällatana dëjayashqa.

Tsaymi kananqa chucaru wätakunallana tsaychö pärayan.#23.13 Kay versïculuchömi nin Babilonia nacionta ushakätsinqannö Tiro markatapis ushakätsinanpaq.

14¡Büqui manijaq Tarsis runakuna, llakikur waqayay!

¡Büqui chänanpaq sitiupis manam kannatsu!

15Ushakätsiyanqanpita qanchis chunka (70) watayaqmi Tiro markata pipis yarpanqatsu. Tsay watakunam kanqa qanchis chunka wata rey kawanqannö. Qanchis chunka wata cumpliptinmi prostitütapaq cantayanqannö Tiro markapaqpis cantayanqa. Cantarmi niyanqa:

16<<Qonqakashqa kaykaq prostitüta, arpaykita achkukurkur markapa tumamuy.

Pillapis yarpäshunaykipaq töcarnin yapay yapay cantay>>.

17Qanchis chunka wata cumpliskiptinmi Tiro markata Dios Yaya yapay yanapanqa. Tsaymi tsay markachö täkuq runakuna yapay rantikuyanqa. Maytsay nación runakunawanmi negociuta yapay rurayanqa. 18Peru manam kikinkunapaqnatsu gänayanqanta qoriyanqa, sinöqa Dios Yayapaqnam. Tiro runakuna gänayanqanwanmi Dios Yayata serviqkuna pacha junta mikuyanqa y alli llatapatapis shukukuyanqa.

Currently Selected:

Isaías 23: qxn

Highlight

Copy

Compare