Isaías 21

Babilonia nación imanö kananpaq ninqan

1Kaychömi qellqashqa kaykan lamar kuchunchö kaykaq desiertu imanö kananpaq Dios Yaya revelanqan.

Neguevpita shamuq shukukuynömi maytsayta ushaq soldädukuna shamuykäyan.

Alläpa mantsakaypaq tsunyapam shamuykäyan.

2Alläpa mantsakaypaqta revelamarmi Dios Yaya rikätsimashqa mana alli runakuna llullakuykaqta.

Tsaynöllam rikätsimashqa wañutsikuq runakuna runa majinta wañuykätsiqta.

¡Elam runakuna, atacayänaykipaq shayämuy!

¡Media runakuna, wañutsiyänaykipaq yaykayämuy!

¡Babilonia runakuna amana pitapis sufritsiyätsunnatsu!

3Babilonia nacionta Dios Yaya ushakätsinanpaq kanqanta musyaptïmi shonqüpis nanayparaq nanan.

Qeshyakunanpaq nanakur llakikuq warmitanömi llakikuy tsariman.

Revelacionchö wiyanqäwan rikanqämi alläpa mantsakätsiman.

4Mantsakaywanmi juiciüta oqrashqanö kä.

Mantsakarmi tsuktsukyaykä.

Patsa tutapänanta munarpis tutapaskiptinmi alläpa mantsakü.

5Babiloniachömi mësapis churaraykan.

Jananchömi mantilpis mashtashqa kaykan.

Tsaychömi mikuykäyanna y upyaykäyanna.

¡Capitankuna, shäriyay!

¡Pelyar tsapakuyänayki escüduykikunata alistayay!

6Dios Yayam nimashqa: <<Imata rikanqantapis willakamunanpaq juk rikachakuqta churamuy. 7Guërra carrëtankuna qarachashqa ishkay ishkay bestiakuna shamuykäyaqta rikar o ashnunkuna montashqa o camëllunkuna montashqa shamuykäyaqta rikar saslla willakamunqa>>.

8Tsaypitanam rikachakuq churanqä runa qayakamur nimurqan: <<Taytay, churamanqaykillachömi paqasta junaqtapis mana kuyur kaykä. 9Kananmi rikä ishkay bestiakuna guërra carrëtankuna qarachashqa shamuykaqta>>.

Paykuna chaykurmi niyarqan: <<¡Ushakashqanam, ushakashqanam Babilonia marka!#Apoc. 14.8; 18.2. ¡Adorayanqan dioskunapa ïdulunkunapis jankat ñutushqam patsakunachö jitarparaykäyan!>>

10Marka majikuna, ërachö trïgu wirushqanö y wayrar jitashqanömi alläpa sufriykäyanki. Qamkunatam willayaq kuyamaqnintsik llapanta mandaq Dios Yaya llapan nimanqanta.

Edom imanö kananpaq ninqan

11Kaychömi qellqashqa kaykan edomita runakuna imanö kayänanpaq Dios Yaya revelamanqan.

Seirpitam juk runa qayakamur nimushqa:

<<Tayta rikachakuq, ¿imay höranatan patsa waranqa?#21.11 Imay höranatan patsa waranqa ninanqa imaynatan ñakay ushakanqa ninanmi.

¿Aykaraqtan faltan patsa waränanpaq?>>

12Tsaymi rikachakunqächö#21.12 Profëta Isaías rikachakuqmanmi iwalatsikurqan. Tsaynöllam kaykan Eze. 3.17 versïculuchöpis. nirqä:

<<Patsa waraskirpis yapaymi tutapanqa.

Masta musyayta munarqa yapay tapukuq kutimunki>>.

Arabia runakuna imanö kayänanpaq ninqan

13Kaychömi qellqashqa kaykan Arabia runakuna imanö kayänanpaq Dios Yaya revelanqan.

Negociuta apar Arabiachö ichishaq jachakunachö patsakuq Dedán runakuna, 14qeshpir aywakuqkunata yakun qatipätsiyay.

Temachö täkuq runakuna, mikuyninkuna qarayay.

15Arabia runakunam espädawan wañutsiyänanpita qeshpir aywakuyan.

Flëchawan wañutsiyänanpitam qeshpir aywakuyan.

Guërrachö wañuyta mantsarmi qeshpir aywakuyan.

16Dios Yayam nimashqa: <<Kananpita juk watatam Cedar runakuna poderyuq kayanqan ushakanqa. Juk wata arunanpaq conträtu ruraq runa cada junaqta yupanqannömi tsay wata yupashqalla kanqa. 17Flëchawan flëchaq valienti runakunam wallkaqllana Cedarchö kawaykar quëdayanqa>>.

Israel runakunata kuyaq Dios Yayam tsaynö nishqa.

Currently Selected:

Isaías 21: qxn

Highlight

Copy

Compare