Isaías 20

Egipto y Etiopía nacionkunata Asiria runakuna venciyänanpaq ninqan

1Jukpunnam Asiria nacionpa mandakuqnin rey Sargón mandarqan soldädunkunatawan mas mandakuq capitanta Asdod markaman. Mandaptin aywarmi Asdod markata venciskir poderninchö katsirqan.

2Tsay witsaymi Amozpa tsurin Isaíasta Dios Yaya nirqan: <<Lütu llatapa shukuranqaykita llushtiskir llanqikitapis jipiy>>.

Tsaymi Dios Yaya ninqannölla qarashtu y qara chakilla Isaías purirqan.

3Tsaypita kimsa watatanam Judá runakunata Dios Yaya nirqan: <<Egipto y Etiopía runakuna imanö ñakayänanpaq kanqanta musyayänaykipaqmi servimaqnï Isaías kimsa wata qarashtulla y qara chakilla purishqa. 4Isaías purinqannömi Egipto y Etiopía runakunata qalapätuta, qara chakita y qara sikita Asiria nacionpa mandakuqnin rey prësu apanqa. Jövinkunatawan awkinkunatam penqakatsir tsaynö prësu apanqa.

5<<Tsaynö prësu apanqanta musyarmi alläpa mantsakäyanki. Etiopía runakunaman y Egipto runakunaman confiakuyanqaykipitam alläpa penqakuyanki. 6Tsay witsaymi lamar kuchunkunachö täkuq runakuna niyanqa: <¡Maski rikäyay! ¡Imanömi kaykäyan confiakunqantsik runakuna! Paykunamanmi confiakurqantsik Asiria runakunapita libramänapaq. Kananqa ¿piraq libramäshun?> >>

Currently Selected:

Isaías 20: qxn

Highlight

Copy

Compare