Isaías 18
18
Etiopía nación imanö kananpaq ninqan
1¡Allaw, imanöraq kayanqa Etiopía nacionchö mayukunapita mas washaninchö täkuq runakuna!#18.1 Tsay witsaymi Etiopía nación karqan Sudán nación kanan kaykanqanchö.
Tsay nacionchömi chukllushkunapis tiwillyarraq timpullyäyan.#Sof. 2.12.
2Etiopía runakunam ututupita rurashqa büquikunawan Nilo mayupa kachata kachakuyan.
¡Kacha aywaqkuna, nacionnikikunaman kutiyay!
¡Jatusaq y shaprannaq runa majikikuna täkuyanqanman cörrilla kutiyay!#18.2 Tsay witsaymi Etiopía runakuna Jerusalénman aywayarqan Asiria nacionta pärapuyänanpaq willanakuq. Dios Yayallaman runakuna confiakuyänanta munarmi Isaías nirqan nacionninman kutikuyänanpaq.
Nacionnikikunachö täkuq runakunatam maytsay nación runakuna mantsayan.
Alläpa kallpatsapa y valienti runakunam kayanki.
Nacionnikikunapis atska mayukunapa chawpinchömi kaykan.
3Jirkakunaman señalta churamuqnö y cornëtata töcamuqnömi Diospa willakuyninta willakuykä.
Entëru munduchö täkuqkuna, tsay willakunqäta wiyayay.
4 Dios Yayam nimarqan:
<<Täkunqäpitam Etiopía nacionta rikaraykä.
Tamya päsaskiptin mana tantiyaylla achanqannömi mana tantiyaylla rikaraykä.
Cosëcha witsay mana tantiyaylla shushallinqannömi mana tantiyaylla rikaraykä>>.
5Tsaynö rikararmi Etiopía runakunata Dios Yaya illaqpita castiganqa.
Manaraq üva cosëcha kaptin,
üvapa waytan shushuykaptin
y wayuynin poquykaptinmi
runakunata kachamunqa Etiopía runakunata ushakätsiyänanpaq.
Tsay runakunam üvapa rämankunata llawmipar jitariqnö Etiopía runakunata ushakätsiyanqa.
6Tsaymi wiskulkuna y chucaru wätakuna mikuyänanpaq ayakunata dëjaskiyanqa.
Usya witsaymi wiskulkuna mikuyanqa.
Tamya witsaynam chucaru wätakunana tullunkunatapis waqruyanqa.
7Kawaykar quëdaqkunanam llapanta mandaq Dios Yayapaq qaraynin apayämunqa.
Tsay runakunam jatusaq y shaprannaq kayan.
Paykunatam maytsay nacionchö täkuq runakuna mantsayan.
Alläpa kallpatsapa y valienti runakunam kayan.
Nacionninkunapis atska mayukuna chawpinchömi.
Sión lömamanmi qaraykunata apayämunqa.
Tsaychömi llapanta mandaq Dios Yaya kaykan.
Currently Selected:
Isaías 18: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
