Oseas 1

1Kaychömi Dios Yayapa willakuyninta Beeripa tsurin Oseas willakunqan qellqashqa kaykan. Judá nacionchö Uzías rey kanqan witsaymi Oseas willakurqan.#2Rey. 15.1-7; 2Crón. 26.1-23. Tsaynöllam willakurqan Jotam rey kanqan witsay,#2Rey. 15.32-38; 2Crón. 27.1-8. Acaz rey kanqan witsay#2Rey. 16.1-20; 2Crón. 28.1-27. y Ezequías rey kanqan witsaypis.#2Rey. 18.1—20.21; 2Crón. 29.1—32.33. Israel nacionchönam Joáspa tsurin Jeroboam rey kaykarqan.#2Rey. 14.23-29.

Prostitütawan churakänanpaq Oseasta Dios Yaya mandanqan

2Puntata parlaparmi Oseasta Dios Yaya nirqan: <<Prostitüta warmiwan churakaptiki tsurikikuna yuriyätsun. Israel runakuna dëjaskayämar juk dioskunata adorarmi prostitüta warminö kaykäyan>>.

Oseaspa tsurinkuna yuriyanqan

3Tsaypitam Diblaimpa tsurin Gomerta warminpaq Oseas ashirqan. Tsay warmichömi Oseaspa mayor tsurin ollqu yurirqan. 4Tsaymi Oseasta Dios Yaya nirqan: <<Jezreel markachö maytsikaq runakunata Jehú wañutsinqannömi#1.4 Jezreelchömi Jehú wañutsirqan Israel nacionpa mandakuqnin rey Joramta (2Rey. 9.24), Acabpa warmin Jezabelta (2Rey. 9.33), Acabpa wakin kaq ayllunkunatawan kuyanakunqan amïgunkunata y Acab churanqan sacerdötikunatapis (2Rey. 10.11). noqapis castigar Jehúpita miraqkunata wañutsishaq. Tsaynö castigaptïmi Israel nacionpa mandakuqnin reykuna kanqanatsu. Tsaynö ruranäpaq kanqanta musyayänanpaq tsurikipa shutin churanki Jezreelta. 5Tsaynöllam Israel nacionpa soldädunkunata Jezreel pampachö chipyat ushakätsishaq>>.

6Tsaypitanam Oseaspa warmin Gomer warmi wamrata qeshyakurqan. Tsaymi Oseasta Dios Yaya nirqan: <<Tsay tsurikipa shutin churanki Lo-ruhamata#1.6 Lo-ruhama ninanqa mana llakipashqa ninanmi.. Tsaynö shutin kanqa Israel runakunata manana llakipänäpaq kaptinmi. Paykunataqa mananam perdonashaqnatsu.

7<<Peru Judá nación runakunatam sïqa llakipar kikï salvashaq. Manam guërrawantsu, flëchawantsu, espädawantsu, bestiawantsu ni bestiankunata montashqa soldädukunawantsu salvashaq, sinöqa poderösu kaynïwanmi>>.#Zac. 4.6.

8Lo-ruhamata waqtsaskirnam Gomerqa yapay ollqu wamrata qeshyakurqan. 9Tsaymi Oseasta Dios Yaya nirqan: <<Tsurikipa shutin churanki Lo-ammita#1.9 Lo-ammi ninanqa manam noqapatsu ninanmi.. Tsay shutinmi kanqa Israel runakuna noqapa manana kayanqanta musyayänanpaq. Tsaymi noqapis paykunapa Diosninkunanatsu kashaq>>.

Israel runakuna allina kawakuyänanpaq ninqan

10 10 (2.1) <<Tsaypitam Israel runakuna maytsikaman mirayänanpaq bendicionnïta churashaq.

Lamar kuchunchö arenïllanöraqmi yupaytapis mana puëdiypaq maytsikaq kayanqa.#Gén. 22.17.

<Paykunaqa manam noqapanatsu> ninqächöpis runakunam niyanqa:

<Paykunaqa imayyaqpis kawaq Dios Yayapa wamrankunam kaykäyan>.#Rom. 9.25-26.

11 11 (2.2) Tsaymi Judá nación runakunawan Israel nación runakuna juk nacionllana kayanqa.

Mandaqnin reytapis jukllayllatanam churayanqa.

Maytsay nacionkunachö täkuyanqanpita kutiyämuptinmi kushikuypaq kanqa.

Tsay junaqtam shutitsiyanqa Jezreel#1.11 Jezreel ninanqa Diosmi murun ninanmi. Tsaynö nin Israel runakunata muruman iwalatsirmi. Israel runakunata nacionninkunaman kutitsir atskaqman mirayänanpaq permïtirmi chakraman muruta muruqnö Dios Yaya kanqa. kananpaq.

Currently Selected:

Oseas 1: qxn

Highlight

Copy

Compare