Hebreos 2

Jesucristupa willakuyninta cäsunapaq ninqan

1 Angelkunapitapis Jesucristo mas poderösu kaykaptinqa willakuyninta wiyanqantsikkunata shumaq cäsukushun. Mana cäsukurqa mana allitapis rurashwanmi. 2Angelkuna apayämunqan leykunata#Gál. 3.19. mana cäsukuq runakunatapis Dios Yaya castigaykaptinqa 3¡imanöparaq castïgunpita qeshpishun salvamänapaq kaq willakuyta mana cäsukurqa!

Tsay willakuytam Señor Jesucristo puntata willakurqan. Tsaypitanam willakunqanta wiyaqkuna noqantsikta willamashkantsik. 4Willakuynin rasunpa kanqantam Dios Yaya musyatsimashkantsik señalkunata y mantsakaypaq milagrukunata rurar. Tsaynöllam musyatsimashkantsik Espíritu Santuwan habilidäkunata kikin munanqannö qaramarnintsik.#1Cor. 12.11.

Jesucristo yanapakuq kanqan

5Mushuq patsata manam angelkunapa makinmantsu Dios Yaya churashqa, sinöqa Jesucristupa makinmanmi. 6Tsaymi palabranchö nin:

¿Imanatan runa tsayläya paypaq yarpachakunaykipaq?

¿Imanatan runa alläpa kuyanaykipaq?

7Runatam kamashkanki cäsi angelnö poderyuq kananpaq.#2.7 O runatam kamashkanki juk tiempulla angelpita mënus poderyuq kananpaq.

Reytanömi churashkanki poderösu y respitashqa kananpaq.

[Llapan kamanqaykitam poderninman churashkanki.]

8Kay patsachö kaqkunatam poderninman llapanta churashkanki.#Sal. 8.4-6.

Poderninman llapanta churanqanta niptinpis manaraqmi rikantsikraqtsu runapa poderninchö llapan kanqanta. 9Peru tsayta mana rikarpis y Jesucristo kay patsachö kanqanyaq angelkunapita mënus poderyuq kaykaptinpis musyantsikmi poderösu y respitashqana kananpaq Dios Yaya payta churanqanta. Llapan runakunata salvananpaq wañunqanpitam Dios Yaya llakipäkuq kar payta tsaynö churarqan.#Fil. 2.6-11; Heb. 12.2. 10Jesucristo salvamaqnintsik kananta munarmi llapantapis kamaq y poderösu Dios Yaya payta kachamurqan noqantsik rayku ñakar wañunanpaq. Tsaynöpam wamrankunata salvar gloriaman pushanqa.

11Tsaymi runakunata salvaq Jesúspis y salvanqan kaqkunapis tsay Taytallapana kantsik. Tsay Taytallapana kashqam salvanqan kaqkunata Jesucristo mana penqakuypa nimantsik wawqinkuna y paninkuna kanqantsikta. 12Dios Yayapa palabranchömi Jesucristo nin:

<<Salvakuq kanqaykitam wawqïkunata willashaq.

Paykunawan qorikaykurmi alabashayki>>.#Sal. 22.22.

13Mastam nin: <<Noqaqa payllamanmi confiakushaq>>.#Isa. 8.17.

Tsaynöllam nin: <<Dios Yaya qaramanqan wamräkunawanmi kaychö kaykä>>.#Isa. 8.18.

14Diospa wamrankuna ushakaqlla kayaptinmi Jesucristupis noqantsiknö yurirqan y noqantsiknö wañurqan. Tsaynö wañurmi wañuypaq poderyuq diabluta vencirqan. 15Tsaynöpam wañuyta mantsar kawanqantsikpita jipimashkantsik. Tsaymi kananqa wañuy chämuptinpis mantsantsiknatsu.

16Jesucristuqa manam angelkunata yanapananpaqtsu shamurqan, sinöqa Abrahampa castankunata yanapananpaqmi. 17Yanapamänapaqmi noqantsiknö kay patsachö runa karqan. Tsaynöpam Dios Yayapa puntanchö llakipäkuq y llapantapis cumpliq mandakuq sacerdöti kayman charqan. Paymi jutsantsikkunapita Dios Yaya perdonamänapaq sacrificiu karqan. 18Jesucristutapis Satanás tentar ñakatsishqa kaptinmi noqantsiktapis tentamashqa Jesucristo yanapamäshun.

Currently Selected:

Hebreos 2: qxn

Highlight

Copy

Compare