Habacuc 3
3
Dios Yayata Habacuc yapay mañakunqan
1Profëta Habacuc Dios Yayata cantapayllapa mañakurmi nirqan:
2 Dios Yaya, Israel majïkunata unay yanapanqaykitam willayämashqa.
Llapan ruranqaykikunata musyarmi alläpa kushikü.
Taytay, unay yanapanqaykinölla kananpis yanapaykayämay.
Tsaynöpam noqakunapis ruranqaykikunata rikäyäshaq.
Jutsäkunapita piñashqa karpis llakipaykayällämay.
3Temán markapitam Dios Yaya shamun.
Parán lömapitam santu Dios shamun.#3.3 Temán markapita y Parán lömapita Dios Yaya shamun nirmi yarpätsin Egiptupita Israel runakunata jipimur milagrukunata rurar tsay partikunapa päsatsinqanta. Selah
Entëru ciëluchömi poderösu kanqan rikakaykan.
Entëru munduchömi payta alabayan.
4Chipakyayninpis chiyätsikurraqmi atsikyämun.
Makinpitapis illaqunöraqmi atsikyämun.
Poderösu kayninmi maytsaychö musyakan.
5Contrankunata castigananpaq shamuptinmi mantsakaypaq pesti qeshyay puntanta shamun.
Qepantanam fiebri qeshyay shamun.
6Dios Yaya ichiskiptinmi patsapis alläpa tsuktsukyan.
Rikaraptinmi maytsay markakunapis alläpa mantsakäyan.
Unay jirkakunapis jankatmi juchun.
Tsaynöllam lömakunapitapis juchu aywan.
Peru Dios Yayam sïqa mana ushakaq kaykan.
7Cusánchö täkuq runakuna alläpa desgraciakunachö kaykaqtam rikashkä.
Madiánchö täkuq runakunatapis alläpa mantsakar tsuktsukyaykaqtam rikashkä.
8Dios Yaya, ¿mayuwanku o lamarwanku piñashqa kaykanki?
¿Tsaychi bestiayki montashqa y guërra carrëtaykiwan llapanta vencir puriykanki?
9Flëchawan flëchanaykipaqmi alistashqallana kaykanki.
Flëchaykitapis jitaq jitaqllanam kaykanki. Selah
Mayuwanmi kay patsatapis raqratsashkanki.
10Jirkakunapis rikarnikim mantsakar tsuktsukyäyan.
Apäkuy tamyapis alläpam tamyamun.
Lamarpis bunyaypa bunyarraqmi qayaran.
Yakupis alläpam laqchikan.
11Flëchaykita y lanzaykita jitaptiki alläpa chipakyarraqmi aywan.
Aywaqta rikarmi rupaywan killapis ichiskiyan.
12Contraykikunata castiganaykipaqmi alläpa rabyashqa kay patsachö maytsaypa puriykanki.
Castigarmi nacionkunatapis jarukachanki.
13Kuyanqayki runakunata salvaqmi yarqamushkanki.
Akranqayki reyta yanapanaykipaqmi shamushkanki.
Tsaymi contrayki shäriq reykunata ushakätsishkanki.
Paykuna mandayanqan nacionkunatam ushakätsishkanki. Selah
14Tsay nacionkunapita shamuq soldädukunam imayka apäkuy tamyanö wakpa kaypa qarquyämänanpaq shayämurqan.
Mana alli ruraq runa tsunyachö asaltar kushikunqannömi paykunapis atacayämar kushikuyarqan.
Tsaymi kikinkunapa flëchankunallawan flëchar ushakätsishkanki.
15Bunyaypa bunyaykaq lamar jananpam bestiayki montashqa purinki.
16Shamunqaykita wiyarmi alläpa mantsakashkä.
Wirpäpis jankatmi tsuktsukyashqa.
Tullükunapis jankatmi witsikashqa.
Valornïpis jankatmi ushakashqa.
Tsaynö kaykaptinpis conträkunata ushakätsinaykipaq kanqanta musyarmi qamman confiakamü.
17Hïguskuna mana tuktuptinpis,
üvakuna ni olïvukuna mana wayuptinpis,
chakrachö ima cosëcha mana kaptinpis
y üshakunawan wäkakuna ushakaptinpis
18 Dios Yayaman confiakurmi kushishqa kaykäshaq.
Salvamänanpaq kanqanta musyarmi payta imaypis alabashaq.
19Dios Yayam mas valoratsiman imanö karpis payman confiakunäpaq.
Pay yanapamaptinmi imayka lluytsunö cörrï.
Jirkakunapa purirpis manam ishkïtsu.#2Sam. 22.34.
(Kay salmuqa cantaqkunapa mandakuqninpaqmi. Cuerdayuq instrumentuta töcar cantayanki.)
Currently Selected:
Habacuc 3: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Habacuc 3
3
Dios Yayata Habacuc yapay mañakunqan
1Profëta Habacuc Dios Yayata cantapayllapa mañakurmi nirqan:
2 Dios Yaya, Israel majïkunata unay yanapanqaykitam willayämashqa.
Llapan ruranqaykikunata musyarmi alläpa kushikü.
Taytay, unay yanapanqaykinölla kananpis yanapaykayämay.
Tsaynöpam noqakunapis ruranqaykikunata rikäyäshaq.
Jutsäkunapita piñashqa karpis llakipaykayällämay.
3Temán markapitam Dios Yaya shamun.
Parán lömapitam santu Dios shamun.#3.3 Temán markapita y Parán lömapita Dios Yaya shamun nirmi yarpätsin Egiptupita Israel runakunata jipimur milagrukunata rurar tsay partikunapa päsatsinqanta. Selah
Entëru ciëluchömi poderösu kanqan rikakaykan.
Entëru munduchömi payta alabayan.
4Chipakyayninpis chiyätsikurraqmi atsikyämun.
Makinpitapis illaqunöraqmi atsikyämun.
Poderösu kayninmi maytsaychö musyakan.
5Contrankunata castigananpaq shamuptinmi mantsakaypaq pesti qeshyay puntanta shamun.
Qepantanam fiebri qeshyay shamun.
6Dios Yaya ichiskiptinmi patsapis alläpa tsuktsukyan.
Rikaraptinmi maytsay markakunapis alläpa mantsakäyan.
Unay jirkakunapis jankatmi juchun.
Tsaynöllam lömakunapitapis juchu aywan.
Peru Dios Yayam sïqa mana ushakaq kaykan.
7Cusánchö täkuq runakuna alläpa desgraciakunachö kaykaqtam rikashkä.
Madiánchö täkuq runakunatapis alläpa mantsakar tsuktsukyaykaqtam rikashkä.
8Dios Yaya, ¿mayuwanku o lamarwanku piñashqa kaykanki?
¿Tsaychi bestiayki montashqa y guërra carrëtaykiwan llapanta vencir puriykanki?
9Flëchawan flëchanaykipaqmi alistashqallana kaykanki.
Flëchaykitapis jitaq jitaqllanam kaykanki. Selah
Mayuwanmi kay patsatapis raqratsashkanki.
10Jirkakunapis rikarnikim mantsakar tsuktsukyäyan.
Apäkuy tamyapis alläpam tamyamun.
Lamarpis bunyaypa bunyarraqmi qayaran.
Yakupis alläpam laqchikan.
11Flëchaykita y lanzaykita jitaptiki alläpa chipakyarraqmi aywan.
Aywaqta rikarmi rupaywan killapis ichiskiyan.
12Contraykikunata castiganaykipaqmi alläpa rabyashqa kay patsachö maytsaypa puriykanki.
Castigarmi nacionkunatapis jarukachanki.
13Kuyanqayki runakunata salvaqmi yarqamushkanki.
Akranqayki reyta yanapanaykipaqmi shamushkanki.
Tsaymi contrayki shäriq reykunata ushakätsishkanki.
Paykuna mandayanqan nacionkunatam ushakätsishkanki. Selah
14Tsay nacionkunapita shamuq soldädukunam imayka apäkuy tamyanö wakpa kaypa qarquyämänanpaq shayämurqan.
Mana alli ruraq runa tsunyachö asaltar kushikunqannömi paykunapis atacayämar kushikuyarqan.
Tsaymi kikinkunapa flëchankunallawan flëchar ushakätsishkanki.
15Bunyaypa bunyaykaq lamar jananpam bestiayki montashqa purinki.
16Shamunqaykita wiyarmi alläpa mantsakashkä.
Wirpäpis jankatmi tsuktsukyashqa.
Tullükunapis jankatmi witsikashqa.
Valornïpis jankatmi ushakashqa.
Tsaynö kaykaptinpis conträkunata ushakätsinaykipaq kanqanta musyarmi qamman confiakamü.
17Hïguskuna mana tuktuptinpis,
üvakuna ni olïvukuna mana wayuptinpis,
chakrachö ima cosëcha mana kaptinpis
y üshakunawan wäkakuna ushakaptinpis
18 Dios Yayaman confiakurmi kushishqa kaykäshaq.
Salvamänanpaq kanqanta musyarmi payta imaypis alabashaq.
19Dios Yayam mas valoratsiman imanö karpis payman confiakunäpaq.
Pay yanapamaptinmi imayka lluytsunö cörrï.
Jirkakunapa purirpis manam ishkïtsu.#2Sam. 22.34.
(Kay salmuqa cantaqkunapa mandakuqninpaqmi. Cuerdayuq instrumentuta töcar cantayanki.)
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.