Ezequiel 41
41
Templu rurinchö imanö kanqan
1Tsaypitam Lugar Santuman tsay runa pushamarqan. Punkuchö ishkanlä perqakunata mïdiptinmi kimsa metru anchun karqan. 2Punkupa anchunta mïdiptinnam pitsqa metru karqan. Punkupa cada lädunchö kaykaq perqakunapa largunta mïdiptinmi ishkay metru pullan karqan. Yaykuna punkupita frentinchö kaq punkuyaqmi ishkay chunka (20) metru karqan. Tsay cuartupa anchunmi chunka metru karqan.
3Tsaypitam pushamaq runa ruri kaq cuartuman yaykurqan. Tsay punkuchö ishkanlä perqakunata mïdiptinmi juk metru anchun karqan. Punkupa anchunta mïdiptinnam kimsa metru karqan. Punkupa cada lädunchö perqakunapa largunta mïdiptinmi kimsa metru pullan karqan. 4Ruri kaq cuartupa cada lädunta mïdiptinmi largun y anchunpis chunka metru karqan. Tsaypitam pushamaq runa nimarqan: <<Kay cuartum Lugar Santïsimu>>.
Templuman laqaraq cuartukuna
5Tsaypitanam tsay runa templupa perqanta mïdiptin anchun kimsa metru karqan. Tsaynöllam tumat templuman laqaraq cuartukuna karqan. Tsay cuartukunapa anchunmi ishkay metru karqan. 6Kimsa chunka (30) cuartukunam ishkay jana altusyuq karqan. Cada altusninkunata tsaränanpaqmi templu waqtan perqachö patakkuna karqan. Tsay patakkuna jananchömi altuschö kaq cuartukunapa terantinkuna churararqan. Tsaynöpam terantikunata churayänanpaq templuta uchkuyarqannatsu.
7Altuspita mas jananchö kaq altuschö cuartukunam patsachö cuartukunapita mas anchu karqan. Ishkan jana altuskunaman lätayänanpaqmi tuman tuman escalëra karqan.
8Tsaynöllam templu waqtanpa kimsa metru altu tumat perqashqa cimientuta rikarqä. Tsay cimientu jananchömi templu waqtanchö laqaraq cuartukuna karqan.
9Cuartukunapa perqanpa anchunmi ishkay metru pullan karqan. Tsaymi tsay cuartukunapita 10sacerdötikunapa cuartunkunayaq chunka metru jäku karqan. Sacerdötikunapa cuartunkunaqa templu waqtanpa tumaypam karqan. 11Templuchö laqaraq cuartukunapa punkunkunam jäku kaqläpa karqan. Jukaq punkum rikakarqan norti kaqläpa y jukaq punkunam sur kaqläpa. Templu waqtanpa tumamuq jäkuqpam anchun ishkay metru pullan karqan.
Templupa qepanchö kaq waji
12Templu qepanchömi jatun waji karqan. Tsay wajim frentinchö kaykaq patiu kaqläpa rikakarqan. Tsay wajipa anchunmi kimsa chunka pitsqa (35) metru karqan. Largunnam chusku chunka pitsqa (45) metru karqan. Wajipa perqanpa anchunnam ishkay metru pullan karqan.
Templuta mïdinqan
13Templuta mïdiptinmi pitsqa chunka (50) metru largun karqan. Tsaynöllam templupa qepanchö patiuta, wajita y perqata mïdiptin pitsqa chunka (50) metru largun karqan. 14Templupa anchunta y punkun patiupa anchunta mïdiptinmi pitsqa chunka (50) metru karqan. 15Tsaypitam mïdirqan templupa qepanchö jatun wajita. Tsay wajim frentinchö patiuman rikakarqan. Tsay wajita mïdiptinmi ishkanlä cuartuntin pitsqa chunka (50) metru karqan.
Templu rurin imanö kanqan
Templupa rurin y yaykunanmi 16entablashqa karqan. Tsaynöllam marcunkunapis, rejïllayuq ventänakuna y llapan perqakunapis patsapita ventänayaq y ventänapita janaqman entablashqa karqan. 17Mas ruri kaq cuartupa y wakin kaq cuartukunapa llapan perqankunachöpis 18querubinkuna y palmërakunam tumat dibujashqa karqan. Juk querubín y juk palmëra, juk querubín y juk palmëram tumat dibujashqa karqan.
Tsay querubinkunam ishkay qaqllayuq kayarqan. 19Jukaq qaqllanmi runapa qaqllannö karqan. Tsay kaq qaqllanmi palmëra kaqläpa rikakarqan. Jukaq qaqllannam leonpa qaqllannö karqan. Tsay kaq qaqllannam jukaqlä palmëra kaqläpa rikakarqan. Templupa entëru perqanchömi tumat tsaynö dibujashqa karqan. 20Tsaynöllam querubinkuna y palmërakuna patsapita punku jananyaq dibujashqa karqan.
21Templuman yaykuna marcunkunam chusku esquïnayuq karqan.
Diospa puntanchö kaykaq mësa
Lugar Santïsimuman yaykunachömi 22qerupita rurashqa altar karqan. Altunmi juk metru pullan karqan. Largunwan anchunnam juk metru karqan. Tsay altarpam esquïnankuna, janankuna y churaräkunankuna qerupita rurashqa karqan. Tsaymi pushamaq runa nimarqan: <<Kaymi Dios Yayapa puntanchö mësa>>.
Templuchö punkukuna
23Lugar Santuman y Lugar Santïsimuman yaykunam punkuyuq karqan. 24Cada punku ishkay höjayuq karmi ishkanläman kichana karqan. 25Querubinkuna y palmërakuna perqakunachö dibujashqa kanqannöllam tsay punkukunachöpis tällar dibujashqa karqan.
Templuman yaykuna punkum tablawan qatashqa karqan.
26Yaykuna cuartukunapis ventänayuqmi karqan. Tsaychömi palmërakuna dibujashqa karqan.
Templuman laqaraq cuartukunapis qerupita rejïllayuqmi karqan.
Currently Selected:
Ezequiel 41: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
