Colosenses 2

1Qamkunapaq yarpachakurmi llapan shonqüwan Dios Yayata imaypis mañakü. Tsaynöllam mañakü Laodicea markachö#2.1 Laodicea markaqa Colosaspita ishkay lëwa pullanmi karqan.#Apoc. 3.14-22. creyikuq majintsikkunapaq y wakin mana reqimaqkunapaqpis. 2Qamkunapaqmi mañakü Dios Yaya munanqannö kushishqa kawayänaykipaq y juknin jukninwanpis juk shonqulla kuyanakur kawakuyänaykipaq.

Tsaynöllam mañakü Dios Yayapa willakuyninta shumaq tantiyakuyänaykipaq. Tsaynöpam runakuna mana musyashqa kayaptinpis musyantsik Jesucristo rayku salvamanqantsikta. 3Jesucristum tantiyatsimantsik Dios Yayapa willakuynin imanö kanqanta y pay munanqannö kawakunapaq kanqantapis. 4Pipis alli shimillankunapa parlapar llutankunata mana creyitsiyäshunaykipaqmi tsaynö niyaq.

5Karuchö karpis qamkunapaqmi imaypis yarparaykä. Dios Yaya munanqannö kawakuyanqaykita y Jesucristuman imaypis creyikuyanqaykita musyarmi kushikü.

Mushuq kawayta chaskinqantsik

6Señor Jesucristuta chaskishqana kaykarqa pay munanqannö imaypis kawakuyay. 7Alli jawayuq jacha jinchi kanqannö y alli cimientushqa waji firmi kanqannö paychö imaypis kawakuyay. Yachakuyanqaykinölla Jesucristuman creyikur llapan imaykapitapis Dios Yayata agradëcikuyay.

8Cuidädutaq pipis llutankunata creyitsiyäshurniki manakaqkunata yachatsiyäshunkiman. Llutanta yachatsikuqkunaqa manam Jesucristo munanqannötsu yachatsikuyan, sinöqa runakunapa yarpayllanta y Satanáspa munayllantam yachatsikuyan.

9Jesucristuqa runa karpis Diosmi kaykan. 10Tsaymi Jesucristuchö kaykarqa salvashqana kantsik. Manam angelkuna ni supaykunapis payman iwalayantsu.

11Tsaynömi Jesucristuchö kar señalashqana kantsik. Tsaynö kanapaqqa manam runakunatsu cuerpuntsikta señalamashkantsik, sinöqa Jesucristum shonquntsikta señalamashkantsik. Tsaynö señalamashkantsik jutsapa poderninchö kanqantsikpita jipimarnintsikmi.#Deut. 10.16; 30.6; Jer. 4.4; Rom. 2.28-29; 8.2.

12Bautizakurmi Jesucristuwan pampakashqanö karqantsik. Jesucristuwan kawamushqanöna karmi kananqa mushuq kawaytana kawantsik. Tsaynö kawaykantsik poderösu kayninwan Jesucristuta kawatsimuq Dios Yayaman creyikurmi.#Rom. 6.4.

13Shonquntsik manaraq señalashqa kaptin y jutsantsikpita manaraq perdonashqa karmi wañushqanö karqantsik. Peru kananmi sïqa jutsantsikpita perdonashqana kar Jesucristuwan kawamushqanöna kaykantsik.#Efe. 2.1-5.

14Tsaynöllam leyninkunata mana cumplir Dios Yayata dëbir castigashqa kanapaq karqantsik. Peru kananmi sïqa Jesucristo cruzchö wañuptin Dios Yayata dëbintsiknatsu, sinöqa llapan jutsantsikpita perdonashqanam kaykantsik.#Gál. 3.13.

15Jesucristo tsaynö wañurmi Satanásta y supaykunatapis vencishqa. Contran soldädukunata rey venciskir pïmay rikay watarkur penqakuypaq puritsiqnömi Satanástawan supaykunata venciskir penqakuyman churashqa.

Llutan yachatsikuqkunata mana chaskinapaq ninqan

16Tsaynö kaykaptinqa llutan yachatsikuqkuna rimayäshuptikipis ama cäsuyaytsu. Paykunam niyan: <<Kayta ama mikuyaytsu ni upyayaytsu>>.

Tsaynöllam niyan: <<Llullu killa fiestata y wakin fiestakunatapis rurashun. Jamay junaqtapis respitashun>>.#Rom. 14.1-6.

17Tsaynö niyaptinpis paykuna yachatsiyanqankuna llantunö päsaqlla karmi Jesucristo shamunqanyaqlla kashqa.

18Tsaynö kaykaptinqa ama cäsuyaytsu llutan yachatsikuqkuna manakaqkunata yachatsiyäshuptiki. Paykunam obligamantsik niyanqankunata cumplinapaq y angelkunata adoranapaq. <<Tsaykunata yachatsiyänaqpaqmi Dios Yaya sueñuynïkunachö revelayämashqa>> nirpis llullakuyanmi. Paykunam kikinkunapa yarpayllanpita parlar alläpa yachayyuq tukuyan. 19Jesucristo iglesiapa uman kaykaptinpis tsay runakunaqa manam cäsuyantsu. Moquntsikkunata ankuntsikkuna tsararanqannömi noqantsiktapis Jesucristo poderninchö tsararämantsik paywan jukllayllanö kanapaq. Tsayraqmi Dios Yaya munanqannö kawayta yachakuntsik.#Efe. 1.22; 4.15-16.

20Jesucristuwan wañushqana kaykarqa#Rom. 6.6-7; Gál. 2.19-20. y supaykunapa yachatsikuyninkunata mana cäsuykarqa ¿imanirtan llutan yachatsikuqkuna yachatsiyäshunqaykita chaskiyanki? 21Paykunam niyäshunki: <<¡Tsayta ama yataytsu! ¡Kayta ama mikuytsu! ¡Taqaytaqa ama ni yatayllapis yataytsu!>>

22Tsaynö yachatsikurmi ushakaqkunallapaq kikinkunapa munayllankunapita yachatsikuyan. 23Obligayanqankunata cumplirmi runakuna alläpa sufriyan. Tsay sufriqkuna religiösu kayanqanta yarparmi wakin runakuna niyan tsay yachatsikuyninkuna alli kanqanta. Peru tsaynö niyaptinpis tsay yachatsikuyta cumpliqkuna manam jutsankunata dëjayta puëdiyantsu.

Currently Selected:

Colosenses 2: qxn

Highlight

Copy

Compare