Amós 4
4
1Samaria warmikuna, shumaq wiyayay.
Qamkunam rïca kar Basán partichö wera wäkakunanöraq llutuy llutuy kaykäyanki.
Waktsakunatam sufriykätsiyanki.
Mana imannaqkunatam maqaykäyanki.
Upyaman churashqa karmi ollquykikunatapis <<vïnuta upyanäpaq apamuy>> nikäyanki.
2 Santu Dios Yayam jurar nin:
<<Höra chämunqanam qamkunatawan wamraykikunata pescäduta anzuëluwan shimikikunapita achkuqnö prësu apayäshunaykipaq.
3Markapa murällan uchkukunapa jipiskirmi prësu apayäshunki.
Tsaypitam Hermón jirkakunapa qarquyäshunki>>.
Dios Yayam tsaynö nin.
Dios Yaya piñapanqan
4<<Ïdulukunata adorayta munarqa ¡Bet-elman y Gilgalman#Ose. 4.15; Amós 5.5-6. aywar adorayay!
¡Jutsa kanqanta musyaykar adorarqa tsaychö mas jutsata rurayay!
¡Cada alliq sacrificiuta waykayay!
¡Cada kimsa junaqchö diezmuta apayay!
5¡Agradëcikur levadürayuq tantakunatapis waykayay!
Qamkunatam gustayäshunki ofrendakuna churayanqaykipita aläbakuy>>.
Tsaynö kayanqaykipitam poderösu Dios Yaya nin.
6 Dios Yayam nin:
<<Muchuychö katsiyaptiq y maytsay markakunachö mikuy mana kaptinpis manam perdonta mañakayämashkankitsu.
7Tsaynöllam mikuykuna poqunanpaq kimsa killa faltaykaptin usyätsirqä.
Wakin kaq markachö tamya kananpaq y wakin kaq markachö usya kananpaqpis noqam permïtirqä.
Tsaymi juk partiman tamya chaptinpis juklä partichö mikuykuna tsakirqan.
8Mana yaku kaq markachö täkuq runakunam yaku kaq markakunaman yakuta mañakuq aywayarqan.
Tsaychö yakuta upyarpis manam teqllayarqantsu.
Tsaynö castigaykäyaptiqpis manam perdonta mañakayämashkankitsu>>.
Dios Yayam tsaynö nin.
9<<Noqam castigayarqaq ranchawan y mikuyta ushaq kurukunawan.
Chakraykikunachö hïgustawan üvatapis chukllushkunawanmi ushatsirqä.
Tsaynö castigaykäyaptiqpis manam perdonta mañakayämashkankitsu>>.#Deut. 28.38; Joel 1.4-6; 2.4-9.
Dios Yayam tsaynö nin.
10<<Egipto nacionta castiganqä plägakunawanmi qamkunatapis castigayarqaq.#Éxo. 9.1-6; Deut. 28.27, 60.
Jövinkunata guërrachö contraykikuna wañutsiyänanpaq y bestiaykikunata apayänanpaqmi permïtirqä.
Contraykikuna venciyäshuptiki wañuq runakuna ismushqa jitaräyänanpaqpis noqam permïtirqä.
Tsaynö castigaykäyaptiqpis manam perdonta mañakayämashkankitsu>>.
Dios Yayam tsaynö nin.
11<<Sodomata y Gomorrata#Gén. 19.24. ushakätsinqänömi wakin kaq markaykikunatapis ushakätsirqä.
Tsaymi qamkunaqa nina rupar dëjanqan tisunnöllana quëdayarqayki.
Tsaynö castigaykäyaptiqpis manam perdonta mañakayämashkankitsu>>.
Dios Yayam tsaynö nin.
12<<Mana cäsuyämanqaykipitam masraq castigayäshayki.
¡Shamur castigayänaqpaq listu shuyäyämay!>>
13Noqam jirkatapis y wayratapis kamashkä.
Noqam imata yarpanqätapis runakunata musyatsï.
Junaqtam paqasman tikratsï.
Jirkakunapam purï.
Shutïpis poderösu Yahwehmi.
Currently Selected:
Amós 4: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
