Hechos 24

Félixpa puntanchö Pablo parlanqan

1Tsaypita pitsqa junaqtanam juk ishkay Israel mayor runakunata y Tértulo shutiyuq abogäduta pushashqa mas mandakuq sacerdöti Ananías Cesareaman chäyarqan. Pablupa contran parlayänanpaqmi Félixpa despächunman aywayarqan. 2Despächuman Pabluta chaykatsiyaptinnam Tértulo nirqan: <<Tayta Félix, qam alli mandakuq kaptikim noqakuna alli kawakuyä. Tsaynöllam shumaq tantiyar kay nacionchö alli kaqkunata ruratsishkanki. 3Tsayta rikarmi maytsaychöpis kushishqa pächi nikuyaq.

4<<Tiempuykita alläpa mana perditsinaqpaq juk rätulla wiyaykamänaykipaq rugakulläshayki. 5Kay prësu apayämunqan runam imayka qeshyaynö kaykan. Paymi Nazareno sectapa mandakuqnin kar maytsaychö Israel runakunata chikinakaykätsin. 6Jerusalénchö templutapis manakaqmanmi churayta munashqa. Tsaymi prësu achkuskir [leynïkuna ninqannö arreglayta munayashkä. 7Prësu kaykätsiyaptïmi Lisias chaykamur maqayämar qechuyämashqa. 8Tsaypitam niyämashqa qampa puntaykichöraq ima jutsan kanqantapis shimpiyänäpaq.] Llapan niyanqäkuna rasun kaq kanqanta musyanaykipaq kanan kikiki tapuykullay>>.

9Tértulo ninqannöllam paqtan kaykaq Israel runakunapis niyarqan.

10Tsaymi parlamunanpaq Félix sëñasta ruraptin Pablo nirqan: <<Tayta Félix, atska watanam kay nacionchö runakuna quëjakuyanqanta patsätsishkanki. Tsaymi manakaqkunapita conträ shäriyanqanta mana mantsakur willashayki. 11Dios Yayata adoraq Jerusalénman chanqä tsayraqmi chunka ishkay junaq. Tapukuptiki pïmaypis ninqaqnöllam willayäshunki. 12Templuchö, sinagögakunachö ni markachöpis manam ni piwan piñanakuykaqtatsu ni pitapis rabyaykätsiqtatsu tariyämashqa. 13Tumpayämanqannö mana allita rurashqa kaptïqa kanan mayqanpis shimpiyämätsun.

14<<Peru Diospa Nänin#24.14 Diospa Näninpaq parlarqa Jesucristupa willakuyninpaqmi parlaykan. ninqannöllam unay castäkuna adorayanqan Dios Yayata servï. Diospa Nänin juk secta kanqanta paykuna niyaptinpis Moisés llapan qellqanqan leykunaman y profëtakuna llapan qellqayanqanmanmi creyï. 15Alli runakunata y mana alli runakunatapis Dios Yaya kawatsimunanpaq kanqanta paykuna creyiyanqannömi noqapis creyï. 16Tsaymi Dios Yayapa puntanchö y runakunapa rikänanchöpis allillata rurayta munä.

17<<Atska watatam qellayta apar Jerusalénman kutishkä waktsakunata yanapanäpaq y Dios Yayapaq sacrificiuta waykanäpaq. 18Sacrificiukunata sacerdötikunaman templuchö entregaykaptïmi [Asia provinciapita shamuq Israel runakuna] templuchö purificäkushqa kaykaqta tariyämashqa. Manam atskaq runakunatawantsu ni pitapis büllata ruraykätsiqtatsu tariyämashqa.#Hech. 21.17-28. 19Imatapis manakaqkunata rurashqa kaptïqa puntaykichö shimpiyämänanpaq tsay runakuna shayämunman karqan. 20Sanedrín juezkunapis manam ni ima jutsätapis tariyashqatsu. Tapuptikim kay runakunapis tsaynö kanqanta niyäshunki. 21Tsay autoridäkunapa puntanchömi nirqä: <Wañushqakunata Dios Yaya kawatsimunanpaq kanqanta creyiptïmi juzgaykäyämanki>.#Hech. 23.6. Tsay imach jutsä>>.

22Tsaynö ninqanta wiyaykurmi Félix nirqan: <<Comandanti Lisias shamur willamaptinraqmi arreglayäshayki>>.

Félixmi shumaq tantiyarqan Diospa Näninta qatiraqkuna#24.22 Diospa Näninta qatiraqkunapaq parlarmi Jesucristuman creyiqkunapaq parlan. imata creyiyanqantapis.

23Tsaypitam Pablo cuidaq capitanta nirqan: <<Carcelman Pabluta kutitsiy. Imallanpis aparkur pipis watukaqnin shamuptin ama amatsankitsu>>.

24Tsaypita waräninmi warmin Drusilawan despächunman Félix kutiykur Pabluta qayatsirqan. Drusilaqa Israel warmim karqan. Pablo chaykurmi paykunata parlaparqan Jesucristuman creyikuyänanpaq. 25Tsaynöllam tantiyatsirqan Dios munanqannö kawakuyänanpaq, manana jutsata rurayänanpaq y día del juiciuchö Dios Yaya juzgananpaq kanqanta. Tsayta wiyaykurmi Félix mantsakashqa nirqan: <<Qaykuranqaykiman kutikuy. Tiempü kanqan höram yapay qayatsimushayki>>.

26Pakayllapa pägananta munarmi Pabluta atska kuti Félix qayatsir paywan parlarqan. 27Tsaypita ishkay watatanam Félixpa rantin gobernador kananpaq jukna yaykurqan. Paypa shutinmi karqan Porcio Festo. Félix yarqukurmi alli autoridä kanqanta Israel runakuna niyänanta munar carcelchö Pabluta dëjarqan.

Currently Selected:

Hechos 24: qxn

Highlight

Compare

Copy