2 Tesalonicenses 1
1
Apóstol Pablo saludakunqan
1Tesalónica markachö#Hech. 17.1; 1Tes. 1.1. creyikuqkuna:
Noqa Pablum, wawqintsik Silvanuwan#1.1 Silvanupa jukaq shutinmi Silas (Hech. 15.22, 40). y Timoteuwan kay cartata apatsikayämü. Taytantsik Dios Yayapa y Señornintsik Jesucristupa poderninchömi kaykäyanki. 2Taytantsik Dios Yaya y Señornintsik Jesucristo llakipäyäshurniki alli päsakuychö kawakuyänaykipaq yanapaykuyälläshuy.
Dios Yayata agradëcikur mañakunqan
3Wawqikuna y panikuna, Jesucristuman waran waran firmi creyikuyanqaykita y runa majikikunata kuyayanqaykita musyarmi Dios Yayata imaypis agradëcikuykäyä. 4Tsaymi juklä markakunaman charpis wawqikunata y panikunata willayä runakuna chikiyäshurniki sufritsiyäshuptikipis Jesucristuman creyikuykäyanqaykita. 5Mana ajayaypa Jesucristuman tsaynö creyikuyaptikim tantiyayä alli juzgaq Dios Yayapa mandakuyninman yaykuyänaykipaq kanqanta.
Jutsa ruraqkunata Dios Yaya juzgananpaq kanqan
6Dios Yaya alli juzgaq karmi contrayki shäriqkunata castiganqa 7y qamkunatana noqakunatawan manana sufrinapaq qorikamäshun. Tsaynömi kanqa Señor Jesucristo poderösu angelninkunawan ciëlupita kutimuptin. 8Dios Yayata mana cäsur Señornintsik Jesucristupa alli willakuyninta mana chaskikuqkunatam lunyaykaq nina chawpinchö shamur castiganqa. 9Paykunam poderösu Dios Yayapa puntanman chäyanqanpa rantin infiernuchö imayyaqpis ñakayanqa. 10Tsaynömi kanqa Señor Jesucristo kay patsaman kutimuptin. Tsay junaqmi payman creyikuqkuna alläpa kushikur alabayanqa. Tsaychömi qamkunapis Jesucristupa alli willakuyninta willakuyanqäta cäsuyanqaykipita kushishqa alabayanki.
11Tsaymi Diosnintsikta imaypis mañakuyä pay munanqannö shumaq kawakuyänaykipaq. Tsaynö kawakuyänaykipaqmi qayayäshushkanki. Poderninwan yanapaykuyälläshuy payman creyikur allikunata imaypis rurayänaykipaq. 12Tsaynö kawakuyaptikim Señornintsik Jesucristupa shutinchö alabayanqa y qamkunapis Jesucristo kanqannö kayanki. Tsaynömi kanqa Diosnintsik y Señornintsik Jesucristo kuyayäshurniki yanapayäshuptiki.
Currently Selected:
2 Tesalonicenses 1: qxn
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.