2 Tesalonicenses 3
3
Dios Yayaman mañakuyänanpaq yätsinqan
1Wawqikuna y panikuna, maytsaychöpis alli willakuyninta yachatsikuyänäpaq Dios Yayata mañakuyay. Tsaynölla mañakuyay qamkunata willayaptiq chaskiyanqaykinölla wakin runakunapis chaskiyänanpaq. 2Tsaynölla mana alli runakunapita tsapämänapaq Dios Yayata mañakuyay. Manam llapan runakunatsu Jesucristuman creyikuyan.
3Dios Yayam imaypis yanapayäshunki payman creyikuyänaykipaq y ima jutsamanpis Satanás mana ishkitsiyäshunaykipaq. 4Dios Yaya tsaynö yanapayäshuptikim musyayä yachatsiyanqaqta imaypis cumpliyänaykipaq kanqanta.
5Dios Yaya yanapaykuyälläshuy pay kuyakuq kanqannö qamkunapis kuyakuq kayänaykipaq. Tsaynölla yanapaykuyälläshuy imaykata sufrirpis Jesucristunö pacienciakur kawakuyänaykipaq.
Wawqikuna y panikuna arukuyänanpaq yätsinqan
6Wawqikuna y panikuna, Señornintsik Jesucristupa shutinchömi niyaq: Yachatsikuyanqäta mana cäsuq qela wawqikunapita y panikunapita witikuyay. 7Musyayankim noqakunata rikäyämanqaykinö qamkunapis kawayänaykipaq kanqanta. Qamkuna kaqchö kar manam imaypis jitaräkuyashkätsu. 8Dembaldiqa manam mikuyashkätsu, masbienmi mana afanayänaqpaq paqasta junaqta aruyashkä.#Hech. 18.3; 1Tes. 2.9. 9Apóstol kar yanapayämänaykipaq mañayänaq kaptinpis manam mañayarqaqtsu, masbienmi arukuyarqä qamkunapis rikäyämar arukuyänaykipaq.
10Qamkuna kaqchö kaykarmi yachatsiyarqaq pipis aruyta mana munaptinqa mikuytapis mana qarayänaykipaq. 11Peru tsaynö yachaykätsiyaptiqpis ¿imanirtan wakin wawqikuna y panikuna mana arukuyänan rayku runa imanö kawakunqanta rikapar puriykäyan? 12Señornintsik Jesucristupa shutinchömi tsaynö kawaq wawqikunata y panikunata nï: Wajin wajin puriyanqaykipa rantin mikuyänaykipaq arukuyay.
13Peru qamkunaqa wawqikuna y panikuna, mana ajayaypa alli kaqkunallata imaypis rurayay.#Gál. 6.9. 14Kay cartachö qellqamunqäta mayqanpis mana cäsukuyaptinqa paykunawan amana juntakäyaynatsu. Tsaynöpach talvezqa penqakur tantiyakuyanman. 15Peru ama chikiyaytsu, tsaypa rantinqa wawqikitanö y panikitanö shumaq tantiyatsiyay.
Cartapa ushanan
16Ima päsayäshuptikipis alli kawakunapaq yanapamaqnintsik Dios Yaya alli kawakuyänaykipaq imaypis yanapaykuyälläshuy. Dios Yaya qamkunawan kaykullätsun. 17Kay cartata dictaptï juk qellqamushqa kaptinpis ushanan kaqtaqa noqa Pablum qellqamushkä. Llapan cartakunqäkunachöpis ushanan kaqtaqa kikïmi qellqä. 18Señornintsik Jesucristo llakipäyäshurniki imaypis yanapaykuyälläshuy. [Amén.]
Currently Selected:
2 Tesalonicenses 3: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
