1 Tesalonicenses 3
3
1Qamkuna kaqpa shamuyta mana puëdirmi alläpa llakikushkä. Tsaymi Atenas#Hech. 17.15. markachö japalläkuna kayänäpaq kaptinpis 2wawqintsik Timoteuta qamkuna kaqman kachamushkä. Musyayanqaykinömi Timoteuqa Diospa serviqnin kar Jesucristupa alli willakuyninta willakur purin. Paymi Jesucristuman firmi creyikuyänaykipaq animatsiyäshurniki yachatsiyäshunki.
3Tsaynö animatsiyäshuptikim runakuna chikiyäshuptikipis llakikuyankitsu. Musyayankim Jesucristuta chaskinqantsikpita sufritsimänapaq kanqanta. 4Qamkunawan kaykarmi willayarqaq Jesucristuman creyikunqantsikpita chikimänapaq kanqanta. Tsaychö niyanqaqnöllam llapan päsaykan. 5Tsaymi qamkunapaq llakikur Dios Yayaman creyikuykäyanqaykita musyanäpaq Timoteuta kachamushkä. Alläpam llakikurqä Satanás imayka tsapata churapuyäshuptiki Jesucristuman manana creyikuyanqaykita yarpar. Tsaynö kaptinqa alli willakuyta willayanqaqkunapis manakaqllapaqmi kanman karqan.
Tesalónicapita Timoteo kutinqan
6Qamkuna kaqpita Timoteo kutiskamurmi willamashqa Dios Yayaman firmi creyikur kuyanakuykäyanqaykita. Tsaynöllam willamashqa noqakunapaq llakikur kutiyämunäta munaykäyanqaykitapis. Tsaymi noqakunapis watukaqnikikuna kutimuyta yarpaykäyä.#Hech. 18.5. 7Firmi creyikuykäyanqaykita willayämaptinmi sufrirpis kushishqa kaykäyä. 8Alli kawakuykäyanqaykita musyaskirmi shonqükunapis atsikyarkun.
9Diosnintsik yanapayäshunqaykipitam alläpa kushikur llapan shonqükunawan payta agradëcikuyä. 10Tsaymi paqaspis junaqpis llapan shonqükunawan mañakuykäyä qamkuna kaqman kutiyämunäpaq. Chämurnam masta yachatsiyäshayki Dios Yaya munanqannö kawakuyänaykipaq.
11Qamkuna kaqman kutiyämunäpaq Taytantsik Dios Yaya y Señornintsik Jesucristo yanapaykayämätsun. 12Señor Jesucristo yanapaykuyälläshuy qamkunata kuyayanqaqnölla kikikipura y wakin runakunawanpis kuyanakuyänaykipaq. 13Tsaynölla yanapaykuyälläshuy llapan shonquykikunawan creyikur pay munanqannö kawakuyänaykipaq. Tsaynöpam salvanqan runakunawan Señornintsik Jesucristo kutimuptin Taytantsik Dios Yayapa puntanchö jutsannaq kayanki.
Currently Selected:
1 Tesalonicenses 3: qxn
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
