WAVAKA-LOMA 7
7
1Nyize, enu vandumbwami, munahono kutacikiza tahi? (Mwomwo nguli nakuhanjika kuli vatu vatacikiza Jiximbi). Ngwetu, Jiximbi jinapu kaka yamutu ximbu omu acili wamutonyi.
2Mwomwo #Koli. 1, 7.39.pwevo ukweci lunga lyenyi, Jiximbi jinamukaxila hali lunga lyenyi ximbu acili lunga lyenyi wamutonyi. Oloze kaci nge lunga lyenyi mwafwa, kaha uze pwevo nakasunuka jino kuluximbi lwakuvuluka lunga lyenyi.
3Xikaho jino, ximbu acili lunga lyenyi wamutonyi, kaci nge uze pwevo mwasomboka kuli lunga weka, kaha navamuvuluka ngwavo, muka-ujila. Oloze kaci nge lunga lyenyi nafu lyehi, nalihehwa lyehi kuluximbi kana, kaha cipwe nge mwasomboka kuli lunga weka, oloze kexi muka-ujilako.
4Ngoco, enu vandumbwami, nayenu nawa #6.2, 11; Ngale. 2.19.vamilingixile kupwa mwahandunuka lyehi kujiximbi hakufwa, mumujimba waKulixitu, mangana mupwenga muvaweka, muvayOu vene vasangwile kuvafu, mangana tumwiminenga Kalunga mihako.
5Mwomwo ximbu twapwilenga mucisemwa cahamavu, jipeha javilinga vyaxili, japwilenga mwomwo haJiximbi, #6.13, 21; 8.8; Yako. 1.15.azacilenga muvyuma vyamijimba yetu, jeminenga mihako yakutwala kukufwa.
6Oloze jino tunakasunuka lyehi kujiximbi, mwomwo hakufwa twahandunukile kujize jatuyiyilenga, ngoco tuli nakuzata muundungo #6.4.mwamuhya mwaxipilitu, kexi nge #2.29.muze vasonekele mwamwakako.
Xili yatwama muli ami
7Ngoco #3.5.natwamba ngwetu ika? Ngwetu, Jiximbi jinapu xili tahi? Cijiloco! Oloze xili kangwayitacikijileko, #3.20; 5.20.kuvanga najiximbi kaha. Mwomwo kaci Jiximbi kajahanjikilengako ngwajo, #Kulo. 20.17; Luxi. 5.21.Kanda mukevwa lwisoko, kaci lwiso kangwalutacikijileko.
8Oloze #Koli. 1, 15.56. xili hakuwana kengililo mujiximbi, yazacile muli ami nakunehamo lwiso lwavyuma vyeka navyeka. Mwomwo cikexi Jiximbi kaci xili yinafu.
9Kaha hamwaka hakuhona Jiximbi ami ngwaliyoyelelenga. Oloze omu jejile Jiximbi, xili yayoyele ceka, kahami ngwafwile.
10Kaha Jiximbi jize #Levi 18.5; Loma 10.5; Ngale. 3.12; Luka 10.28.japwile jakuneha kuyoya, jajize vene ngwajiwanyine ngwami, jakuneha kufwa.
11Mwomwo xili, hakuwana kengililo #3.20.mujiximbi, #Kupu. 3.13.angutangixile, kaha mukiko vene yangujihililile.
12Ngoco #v. 16; Cimo. 1, 1.18.Jiximbi japwa jajila, kaha eji jinatulweze jinapu jajila, joloka, jamwenemwene.
13Kaha jino, eci capwa camwenemwene, kumana, cinalumuka kupwa kufwa kuli ami tahi? Cijiloco! Oloze mangana xili yilumbunuke yikiko vene xili, hakuzata kufwa muli ami mucuma kana cinapu camwenemwene, mangana mujiximbi xili yipwenga yayipi cikumakuma.
14Mwomwo tunatacikiza ngwetu, Jiximbi jinapu jaxipilitu, oloze ami kwami #Koli. 1, 3.1.ngumuka-cisemwa cahamavu kaha, nguwakulanjiwila mungolo jaxili.
15Mwomwo omu ngweji kuzatanga kangwatacikizamoko, mwomwomu ngweji kulinganga kamwexi omu ngunazangeko, xinomu ngwahunga, mukiko vene mungweji kulingilanga.
16Oloze umona nge omu ngwazeneka kuzanga, mukiko vene mungweji kulingilanga, kaha Jiximbi ngunajitavila ngwami, #v. 12.Jinawahe.
17Xikaho jino kexi ceka yami ngweji kuzatangamoko, oloze xili yatwama muli ami yikiko vene yeji kuzatangamo.
18Mwomwo ngunatacikiza ngwami, muli ami, mucisemwa cami cahamavu, kamwatwama cuma nacimwe camwenemweneko. Mwomwo kuzanga muli ami mucili, oloze kuzata cuma camwaza caucimo.
19Mwomwo mwamwenemwene omu ngwazanga kangwalingamoko, oloze mwamupi omu ngwazeneka kuzanga mukiko vene mungweji kulingilanga.
20Oloze umona nge ngweji kulingangomu ngwazenekami kuzanga, kaha kexi ceka yami ngweji kuzatangamoko, oloze xili yatwama muli ami yikiko vene yeji kuzatangamo.
21Xikaho ngunawane luximbi elu, mwomwo muli ami muka-kuzanga kulinga mwamwaza, kumana kupihya mucatwama.
22Mwomwo ngweji kwivwanga kuwaha kujiximbi jaKalunga nge mwaya #Koli. 2, 4.16; Efwe. 3.16; Petu. 1, 3.4.mutu wamutulo.
23Oloze ngunamono luximbi lweka muvyuma vyamujimba wami, lweji kulwanga jita naluximbi elu lwamumucima wami nakungutwala muufunge waluximbi lwaxili elu luli muvyuma vyamujimba wami.
24Omu ngwayandami papu! Iyaze mwanguyovola #6.6; Kolo. 2.11.mumujimba uno waufu?
25Ngunamusakwilila Kalunga muli Yesu Kulixitu Mwata wetu. Ngoco ami lyavene namucima wami ngweji kuzacilanga Jiximbi jaKalunga muundungo, oloze kucisemwa cahamavu ngweji kuzacilanga luximbi lwaxili muundungo.
Luvale Bible © Bible Society of Zambia, 1970.