WAVAKA-LOMA 4
4
1Ngoco canawane Apalahama, ou kakuluka yetu kucisemwa cahamavu, ngwetu cika?
2Mwomwo kaci Apalahama vamuvulukilile kwoloka havilinga vyenyi, kaci ali nahakulisaxila vene, oloze #Koli. 1, 1.31.kexi ngoco kumeso aKalungako.
3Mwomwo Mazu-vasoneka anambe ngwawo ika? ngwawo, #Kupu. 15.6; Loma 4.9, 22; Ngale. 3.6; Yako. 2.23.Kaha Apalahama amwitavile Kalunga, kaha amuvulukilileco ngwenyi, Cikiko kwoloka.
4Jino #11.6. muka-kuzata navilinga, fweto yenyi kavexi kumuvulukilayo ngwavo, yalikojiko, oloze ngwavo, mukuli kaha.
5Oloze kuli ou wakuzeneka kuzata navilinga, ou mwafwelela kuli Ou mwavulukila muka-kumuzamukila kwoloka, kufwelela cenyi vanacivuluka ngwavo, kwoloka cenyi.
6Mwomwo vene mwavuluka Ndavici nawa kutokwa camutu ou navavulukila kwoloka kuli Kalunga cakuzeneka vilinga ngwenyi,
7 #
Samu 32.1-2. Vatokwava vanakonekela lyehi vilinga vyavo vyaupapwoki,
Ava vanafwikila lyehi milonga yavo yaxili.
8Atokwa lungou mwakana Yehova kuvulukila xili.
9Kaha jino, kutokwa kana vanacivulukila vangalami kaha tahi? nyi navilima nawa? Mwomwo ngwetu, #v. 3.Kwitava cenyi vamuvulukilileco Apalahama ngwavo, cikiko kwoloka.
10Kaha vacivulukile ngacilihi? Omu apwile muungalami tahi? nyi omu apwile muulima? Kapwile muungalamiko, oloze muulima.
11Kaha #Kupu. 17.10.atambwile cinjikizo cakumujihana, cikiko capwile katacikijilo kakwoloka kana cahakwitava cize etavile ximbu apwile acili muulima. #3.22, 30.Mangana apwenga sevo yavakakwitava vosena, cipwe vali muulima, mangana kwoloka kana vakavavulukileco navakivo nawa.
12Kaha mangana apwenga ise yaungalami, kexi kuli ava vakuli vangalami kahako, oloze kuli ava veji kulyatanga nawa mujitambo jakwitava kana cakakuluka yetu Apalahama, cize etavile ximbu apwile acili muulima.
Oco vaxika navacimwena hakufwelela
13Mwomwo #Kupu. 17.4-6; 22.17-18; Ngale. 3.29.kuxika cize vamuxikile Apalahama ngwavo, mwakapwa swana wakuswana lifuci lyahamavu, kavacihanyine kuli ikiye cipwe kuli vaka-tanga yenyi muJiximbiko, kuvanga mukwoloka kana cahakwitava kaha.
14Mwomwo #Ngale. 3.18.kaci nge ava yakuJiximbi vakivo vanapu vaswana, kaha kwitava vanacilingisa kupwa camokomoko, kaha luxiko vanalwenyeka.
15Mwomwo #Ngale. 3.10.Jiximbi jeji kunehanga ndombo, oloze #3.20.oku kwazeneka luximbi cipwe kuzomboka luximbi nawa kacexikoko.
16Xikaho cili hakwitava, mangana cipwenga #v. 4, 5.kulikoji, mangana luxiko lupwenga lwakuzama mbe kuli #v. 11; 9.8.vakatanga yenyi vosena, kexi kuli ava yakuJiximbi kahako, oloze nakuli ava nawa vanapu vakukwitava kana caApalahama, ou napu setu yayetu tuvosena.
17Nge muze vasoneka ngwavo, #Kupu. 17.5. Ngunakulingisa lyehi kupwa usevo yavaka-mafuci amavulu. Napu setu kumeso ayaUze etavile, Ivene Kalunga, Ou #Yowa. 5.21.Muka-kuvayoyesa vafu, Ikiye Muka-kuvuluka vyuma vyazeneka kupwako ngwenyi, Vyevivyo.
18Ou Apalahama, cipwe kamwene hakutalilililako, cipwe ngoco etavile nakutalilila, mangana apwenga sevo yavaka-mafuci amavulu, nge muze vamwambile ngwavo, #Kupu. 15.5.Mukiko vene munavakapwa vaka-tanga yove.
19Cipwe hakulixinganyeka mujimba wenyivene nomu #Hepe. 11.12.wapwile lyehi nge wakufwa mwomwo #Kupu. 17.17; 18.11.natwame lyehi kafwe myaka likulukaji, cipwe hakuxinganyeka lijimo lyaSala #Kupu. 18.11.nomu lyatutukile lyehi, oloze #Hepe. 11.12.kazeyele kukwitava cenyiko.
20Oloze hakutala kukuxika caKalunga, kakakasanyine nakuhona kufwelelako, oloze akwacile ngolo mukufwelela, amutohwesele Kalunga.
21Kaha enjikijile kanawa ngwenyi, Omwo naxiki lyehi Kalunga, mwahasa nakulingamo nawa.
22Xikaho nawa #v. 3.vamuvulukilileco ngwavo, Cikiko kwoloka.
23Jino kavacisonekele ikiye kahako, ngwavo, vamuvulukilileco ngana.
24Oloze #15.4; Koli. 1, 9.10; 10.11.vacisonekelele nayetu nawa, etu navavulukilaco, etu vakakufwelela kuli Ou amusangwile Mwata wetu Yesu kuvafu,
25Uze #8.32; Ngale. 2.20; Efwe. 52.2.vecele havilinga vyetu vyakuhingika, Uze #Koli. 1, 15.17.vasangwile nawa mangana vatuvulukile kwoloka.
Luvale Bible © Bible Society of Zambia, 1970.