WAVAKA-LOMA 2
2
Omu apayisa Kalunga vatu mwakwoloka
1Xikaho, ove mutu, ove weji kuhananga vakwenu milonga, kawexi nomu mwakulihakwilako, #Samwe. 2, 12.5-7.mwomwoho weji kuhanyinanga mukwenu milonga weji kulipayisangaho ove lyavene, mwomwove weji kuhananga mukwenu milonga weji kulinganga mwomwo mumwe.
2Kaha tunatacikiza ngwetu, kupayisa caKalunga caya mwaya mucano, hakuvapayisa vaze veji kulinganga vyuma vyangoco.
3Kaha, ove mutu muka-kuvahanangava navalinga vyuma vyangoco milonga, kahove nawa weji kuvilinganga nawa, unaxinganyeka tahi, ngwove, ove naukahasa kucina kukupayisa kuli Kalunga?
4Nyi #9.23; 11.33; Efwe. 1.7, 18; 2.7; Fwili. 4.19; Kolo. 1.27; 2.3.luheto lwakukokweza cenyi nomu axipwokela kutenuka nomu eji kukutalililanga cikoki weji kuvilumbilisanga tahi? hakuzeneka kutacikizomu #Petu. 2, 3.9.cili nakukukokela kukokweza caKalunga kukwalumuka cakupihilila.
5Oloze nge mwaya kukaluhwa cove namucima wove wakukana kupihilila nakwalumuka, uli nakulilunjikilove lyavene ndombo halikumbi lyandombo, hakusolola kupayisa caKalunga cakwoloka.
6Ikiye #Mateu 16.27; Koli. 1, 3.8; Koli. 2, 5.10; Kuso. 22.12.mwakaxixixilamo mutu himutu nge kutesa navilinga vyenyi.
7Vaze veji kukakacilanga nakulinga mwamwenemwene nakusaka upahu naulemu nakuhona kupola, mwakavahana kuyoya cahaya myaka yosena.
8Oloze kuli vaka-kutakilika, #Teso. 2, 1.8; 2.12; Petu. 1, 4.17.vaze vakana kwononoka kumucano, vaze veji kwononokanga kukuhenga, nakukapwanga ndombo
9namatoto naluyando navihuli, kuli mutu himutu eji kulinganga mwamupi, #1.16.kulivanga kuli vaYuleya, kaha nakuli vaHelase nawa.
10Oloze kuli mutu himutu eji kulinganga mwamwenemwene, nakukapwanga upahu naulemu nakuunda, #1.16.kulivanga kuli vaYuleya, kaha nakuli vaHelase nawa.
11Mwomwo #Luxi. 10.17; Miji. 2, 19.7; Ngale. 2.6; Efwe. 6.9; Kolo. 3.25; Petu. 1, 1.17.Kalunga kamona vatu mweka namwekako, xikaho.
12Mwomwo vexovo vanavulumuna cakuzeneka Jiximbi navakanonga nawa cakuzeneka Jiximbi. Kaha vexovo vanavulumwina mujiximbi #3.19.navakavapayixila mujiximbi.
13Mwomwo #Yako. 1.22-23, 25.kexi nge vaka-kwivwilila Jiximbi vakivo vanapu vakakwoloka kumeso aKalungako, xina vaka-kulinga mwaya Jiximbi, vakivo vene navakavavuluka ngwavo, vakakwoloka,
14(Mwomwo vaka-mafuci eka, vaze vahona Jiximbi, omu veji kulinganga nge mwaya Jiximbi kucisemwa cavo, vakivo cipwe Jiximbi kavexi najoko, oloze vavene vanapu Jiximbi kuli vavene.
15Vakivo milimo yaJiximbi veji kuyisololanga yakusoneka lyehi mumicima yavo, kaha vivezu vyavo veji kuvulukilanga unjiho hohamwe, kaha vixinganyeka vyavo navivasopesa nakuvahanahana milonga, mokomoko nakuvahakwila),
16 #
Kwambu. 12.14; Vili. 10.42; 17.31. halikumbi lize mwakapayisa Kalunga evi vyavatu vyakusweka, #16.25; Cimo. 2, 2.8; Koli. 1, 15.1; Ngale. 1.11-12; Cimo. 1, 1.11.nganomu waya mujimbu wami wamwaza, muli Kulixitu Yesu.
VaYuleya najiximbi
17Oloze nge ove vanakuvuluka ngwavo, ukaYuleya, nge #Yowa. 5.45.weji kukundaminanga haJiximbi, nge weji kulisaxila muli Kalunga,
18nge unatacikiza mwaya mucima wenyi, nge #Fwili. 1.10.weji kukundwizanga vyuma vinahambakana kuwaha, mwomwo hakukunangula kujiximbi,
19nge unalifwelelove lyavene ngwove, utwamina yatupuputa, ngwove, umumunyi wakumunyikila vaze vali mumilima,
20ngwove, umuka-kulongesa vaze vahulama, ngwove, umuka-kunangula vakemba, mwomwo ngwove, mujiximbi mukiko vene weji kumwenangomu vyafwana cinyingi namucano,
21xikaho, ove muka-kunangula vakwenu, #Mateu 23.3-4.ove lyavene kawalinangulako? Ove weji kwambululanga ngwove, Mutu kanda akevako, kawexi kwivako tahi?
22Ove weji kwambululanga ngwove, Mutu kanda akalinga ujilako, kawexi kulinga ujilako tahi? Ove weji kwivwilanga makombelo unyengwe, kawexi kupupa mujitembele javoko tahi?
23Ove weji kulisaxilanga mujiximbi, kawexi kumufwefulula Kalunga hakuzombwojoka cove Jiximbiko tahi?
24 #
Isa. 52.5; Ezeke. 26.20-21. Mwomwo lijina lyaKalunga veji kulisaulanga muli vaka-mafuci eka hali enu, nge muze vasoneka.
25Mwomwo kaci nge #v. 13.umukakulinga mwaya Jiximbi, kaha ungalami naukuwahisa vene. Oloze kaci nge umuka-kuzombwojoka Jiximbi, kaha #Yele. 4.4; 9.25-26.ungalami wove unalumuka lyehi kupwa ulima.
26Xikaho #Koli. 1, 7.19; Vili. 10.35.kaci nge cilima eji kulamanga mazu akuyula akuJiximbi, kaha ulima wenyi navauvuluka ngwavo, ungalami nyi?
27Kahava vanapu vilima kucisemwa, ava veji kutesangamo mwaya Jiximbi, #Mateu 12.41.navakupayisove, ove ukweci muze vasonekele naungalami, ove weji kuzombwojokanga Jiximbi.
28Mwomwo #Mateu 3.9; Yowa. 8.39; Loma 9.6-7; Ngale. 6.15.kaYuleya kexi ou apwa ngoco kumeso avatuko, kaha ungalami kawexi ou wakumeso avatu mumujimbako.
29Oloze #Fwili. 3.3; Kolo. 2.11.apwa kaYuleya ou napu ngoco mumucima, kaha ungalami unapu ou wakumucima, #7.6; Koli. 2, 3.6; Fwili. 3.3; Kolo. 2.11; Petu. 1, 3.4.muxipilitu, kawexi wamuze vasonekele kahako, ukiko #Koli. 1, 4.5; Koli. 2, 10.18; Yowa. 5.44; 12.43.kavexi kuwalisa kuli vatuko, kuvanga kuli Kalunga kaha.
Luvale Bible © Bible Society of Zambia, 1970.