MATEU 7
7
Kupayisa vakwenu
(Luka 6.37-38, 41-42)
1 #
Mako 4.24; Loma 2.1; 14.10. Kanda mukapayisa vakwenuko, kucina navakamipayisa.
2Mwomwo kupayisoco mweji kupayisanga naco vakwenu, cinavakamipayisa naco nayenu nawa. Kaha cesekeloco mweji kwesekelanga naco vakwenu, cinavakamyesekela naco nayenu nawa.
3 #
Luka 6.41-42. Ikaze weji kutalilanga ciswaswa cili muliso lyandumbwove, Oloze citondo cili muliso lyove ove lyavene kawacihaka mucimako?
4Kaha ngacilihize nawamba kuli ndumbwove? ngwove, Ngwitavile ngukutumbule oco ciswaswa muliso lyove, kaha kumana, oco citondo kana cili muliso lyove ove lyavene.
5Ove muka-kulyonga, vangilanyi kulitumbuloco citondo kana muliso lyove, numbanyi umone kanawa kutumbula cize ciswaswa muliso lyandumbwove.
6Kanda mukahaneci cajila kuli vatuwako, cipwe kumbila #7.6:Jipela jinapu usanga wandando yayinene. Veji kujiwananga mukalungalwiji.jipela jenu kumeso avanguluko, kucina navajilyatangila namahinji avo, hikumyalumukilenu nakumipula.
Kulomba nakusakasaka nakungongomweza
(Luka 11.9-13)
7 #
Mako 11.24; Yowa. 15.7; 16.23-24; Yako. 4.3; Yowa. 1, 3.22; 5.14. Lombenunga, kaha navakamihana. Sakasakenunga, kaha namukawana. Ngongomwezenunga, kaha navakamisokolwelako.
8Mwomwo woseji kulombanga mwatambula, kahou eji kusakasakanga mwawana, kahou eji kungongomwezanga navakamusokolwelako.
9Nyi muli enu muli mutu muka, nge mwanenyi mwamulomba mbolo, kaha himwamuhana lilolwa?
10Mokomoko nge mwalomba ixi, kaha himwamuhana linoka?
11Xikaho nge enu, cipwe muvapi, Oloze munatacikiza mwakuhanyina mawana amwenemwene kuli vana venu, kaha Senu ali mwilu mwahambakana cikuma nyi, kuhana vyuma vyamwenemwene kuli ava veji kumulombangavyo?
12 #
Luka 6.31. Xikaho vyexovyo vyuma mwasaka ngwenu, vatu vamilingilenu, nayenu nawa valingilenunga ngoco vakivo. Mwomwo #22.40; Ngale. 5.14; Loma 13.8-10.mukiko vene muvyaya Jiximbi namazu avapolofweto, xikaho.
Cikolo cacindende
(Luka 13.24)
13 #
Yele. 21.8; Luxi. 30.19; Yowa. 14.6; 10.7. Ingililenu kucikolo cacindende, mwomwo cikolo cinatoho, najila yinahweke, eyi yakuya kukunonga, kaha vaze veji kwingilangamo vanapu vavavulu.
14Mwomwo cikolo cacindende najila nawa yakupalakana, eyi yakuya kukuyoya, kahava navayiwana vanapu vavandende kaha.
Navatacikijila mutondo kumihako yawo
(Luka 6.43-44)
15 #
24.11, 24; Mako 13.22; Luka 6.26; Ezeke. 22.27; Yowa. 1, 4.1; Yowa. 10.12. Lilamenunga kuli ava navalyongela upolofweto, ava naveza kuli enu vanavwale vilambu vyamikoko, oloze mumicima yavo vanapu tungunge vaka-kutanyatanya.
16 #
Mateu 12.33-35; 3.10. Kumihako yavo kukiko vene namuvatacikijila kanawa. Kumingonga vatu veji kwahangako mihako yavinyo numba? Cipwe kumituvapoko veji kwahangako jikuyu numba?
17Ngoco mitondo yamwenemwene yosena yeji kwimanga mihako yamwaza, oloze mutondo wamokomoko weji kwimanga mihako yayipi.
18Mutondo wamwenemwene kawexi kuhasa kwima mihako yayipiko, cipwe mutondo wamokomoko kawexi kuhasa kwima mihako yamwazako.
19 #
3.10; Luka 13.7. Mitondo yoseneyi yakuzeneka kwima mihako yamwaza veji kuyitetanga nakuyimbila mukakahya.
20Xikaho kumihako yavo kukiko vene namuvatacikijila kanawa.
Kangwamitacikizako
(Luka 13.25-27)
21 #
Luka 6.46. Ava navangwamba ngwavo, Ove Mwata, Ove Mwata, kexi vakivo vosena navakengila muwangana wameluko, kuvangou kaha eji kulinganga mwaya mucima waTata ali mwilu.
22 #
25.11-12. Vavavulu navakangwamba halikumbi lize ngwavo, Ove Mwata, Ove Mwata, katwahanjikilile mazu aupolofweto halijina lyoveko numba? ngwavo, Katwalowelele vandemone halijina lyoveko numba? ngwavo, Katwalingilile vilinga vyangolo vyavivulu halijina lyoveko numba?
23 #
25.12. Kaha haze vene nangukavalweza ngwami, Myaka yosena kangwamitacikizako, ngwami, #25.41; Luka 13.27.Fumenu kuli Ami, enu vaka-kuzata mwaupapwoki.
Vihela vivali
(Luka 6.46-49)
24 #
Yako. 1.22-25. Xikaho wose mwevwawa mazu ami nakuwalinga, navamufwanyisa nge lunga wakuzangama, atungilile zuvo yenyi halilolwa.
25Vula yanokele, livaji lyejile, peho yahuhwile nakuliveta kuzuvo yize, oloze kayaxiukileko, mwomwo valile cihela cayo halilolwa, xikaho.
26Kaha wose mwevwawa mazu ami nakukana kuwalinga, navamufwanyisa nge lunga wakuhulama, atungile zuvo yenyi hamusekeseke.
27Vula yanokele, livaji lyejile, peho yahuhwile nakuliveta kuzuvo yize, kaha yaxiukile, kaha kuxiuka cayo capihile cikuma.
28Kaha casolokele, #11.1; 13.53; 19.1; 26.1.omu alingile Yesu hanakumisa lyehi vihandevi, #13.54; 22.33; Mako 1.22; 6.2; 11.18; Luka 4.32; Yowa. 7.46.aze mayongomena alihomokelelenga cikuma hakunangula cenyi.
29Mwomwo apwile nakuvanangula mwamuka-wata, kacapwile nge muze vavanangwilenga vaka-kusoneka javoko, xikaho.
Luvale Bible © Bible Society of Zambia, 1970.