MATEU 28
28
Mwata Yesu mwasanguka kuvafu
(Mako 16.1-8; Luka 24.1-12; Yowa. 20.1-10)
1Kaha jino, omu lyasakile likumbi lyasambata kuhwa, omu lyatwalile mulungulungu lyakuca calikumbi lyasemana lyatete, #27.56, 61; Luka 8.2.Maliya wakuMangatala nauze Maliya mukwavo vayile nakutala kucimbumbe.
2Kaha kumana, #27.51.kwapwile mundenda waunene, mwomwo mwilu mwafumine kangelo kaYehova, ejile axindumwineko #27.60.lize lilolwa, kaha atwamineho.
3Hakumutala afwanyine nge muveso, nakuvwala cenyi citoma to, nge vula yacixika.
4Kaha #27.62-66.vaze vaka-kulama kucimbumbe hakumwivwa woma, vandendele, vapwile nge hivafu kaha.
5Uze kangelo ahanjikile nakuvamba vaze mapwevo ngwenyi, Enunyi #14.27.kanda mwivwa womako. Mwomwo ngunatacikiza ngwami, muli nakumutonda Yesu, Uze vasukikanga kukulusu.
6Kexi ceka munoko, nasanguka lyehi nge #16.21.muze ambile. Twayenu mutale oho vamusavalikanga Mwata.
7Kaha yenu lumbuxi mukavambulile tumbaji twenyi ngwenu, Nasanguka lyehi kuvafu, kaha talenu, #v. 16; 26.32.mwalivangaho kulutwe lwenu nakuya kuNgalileya, kwakuze vene namukainumwena. Ivwenu, ngunamilweze lyehi.
8Kaha vafumine waxi kucimbumbe, nawoma, nakuwahilila cikuma. Valahile nakuvambulilako tumbaji twenyi.
9Kaha kumana, Yesu avahumanganyine, avambile ngwenyi, Wahililenunga! Vejile vamukwacile kumahinji enyi, vamulemesele.
10Kaha Yesu himwavamba ngwenyi, Kanda mwivwa womako. Yenu mukavalweze #Yowa. 20.17; Loma 8.29; Hepe. 2.11-12, 17.vandumbwami vakatuke vaye kuNgalileya. Kwakuze vene navakangumwena.
Omu vambulwile vaze vaka-kulama
11Kaha jino, omu vapwile nakuya, kumana, #27.66.vaze vaka-kulama kucimbumbe vamwe vayile kunganda nakuvalweza vapilixitu vavalemu vyuma vyosena vize vyasolokele.
12Kahomu valingile hivanakunguluka lyehi navakulwane nakulivwasana, vavahanyine vaze maswalale jimbongo jajivulu,
13vavambile ngwavo, Ambululenu ngwenu, Tumbaji twenyi vezanga naufuku nakumwivamo ximbu twapwangetu mutulo.
14Kaha kaci nge nguvulu mwakacivwa, etu natukamukunyula nakumifumisa kuzakama.
15Ngoco vakivo vatambwile jize jimbongo, valingile nge muze vavalwezele. Kaha cihande kana cevwakana muli vaYuleya nakulikumbi lyalelo.
Mwata Yesu mwavatuma vaze likumi naumwe
(Mako 16.14-18; Luka 24.36-49; Yowa. 20.19-23)
16Kaha vaze tumbaji likumi naumwe vayile kuNgalileya kuze kupili yize avaxikile Yesu.
17Hakumumona, vamulemesele, oloze vamwe vakakasanyine.
18Yesu ejile kuli vakivo, ahanjikile kuli vakivo ngwenyi, #11.27; 26.64; Ndanye. 7.13-14; Loma 14.9; Efwe. 1.20-22; Fwili. 2.9-10; Kolo. 2.10; Petu. 1, 3.22.Ngolo josena vananguhanejo lyehi, neji jamwilu neji jahamavu.
19Xikaho #Mako 16.15.yenunga, #Luka 24.47; Vili. 1.8.mukavetavise vaka-mafuci osena, #Vili. 2.38; 8.16.mukavambapacisenga mulijina lyaTata naMwana naXipilitu wajila,
20mukavanangulenga kulamanga vyuma vyosena vize ngwamilwezele. Kaha talenu, #18.20; Vili. 18.10.Ami nguli nayenu hamwe makumbi osena, palanga #13.39, 49; 24.3.nakukukuma camyaka.
Luvale Bible © Bible Society of Zambia, 1970.