MATEU 26
26
Vakulwane navamutwama Yesu punga
(Mako 14.1-2; Luka 22.1-2; Yowa. 11.45-53)
1Kaha casolokele, #7.28; 11.1; 13.53; 19.1.omu alingile Yesu hanakumisa lyehi mazu osenawa, avambile tumbaji twenyi ngwenyi,
2Munatacikiza ngwenu, omu namuhita makumbi avali, numba paseka yizenga, kaha Mwanamutu navakamusolola kuli vaka-kole mangana vakamusukike kukulusu.
3Haze vene vapilixitu vavalemu navaka-kusoneka navakulwane javatu vakungulukilile mucipango cakapilixitu wakulitulaho, uze vavulukilenga ngwavo, Kayafwase.
4 #
12.14. Vamutwamine punga ngwavo, vamone mwakumukwata Yesu namakuli, vakamujihe.
5Oloze valyambilenga ngwavo, Kanda cipwa haciwanyinoko, kucina kukatula cizungo muli vatu.
Navamuwavisa Yesu kuMbetane
(Mako 14.3-9; Yowa. 12.1-8)
6 #
Luka 7.37-39. Kaha jino, omu apwile Yesu kuMbetane muzuvo yayauze mukambumba Ximona,
7kuli Ikiye kwejile pwevo apwile nasaji yalilolwa lyaunga yamaji andando yayinene cikuma, kaha awahingunwinyine kumutwe wenyi haze apwile hanasendavala kumesa.
8Oloze tumbaji twenyi hakucimona vevwile kupihya cikuma, valyambile ngwavo, Nawamwangila ika ngana?
9Mwomwo maji awa kaci vawalandanga ndando yayinene nakuhana vaka-kuhutwa.
10Oloze Yesu acitacikijile, avambile ngwenyi, Ikaze muli nakumuyanjixilou pwevo ngana? Nazate milimo yamwaza hali Ami.
11 #
Luxi. 15.11. Mwomwo vaka-kuhutwa mwatwama navo makumbi osena, oloze Ami cexi kutwamanga nenu makumbi osenako.
12Mwomwo ikiye hakunguhingunwina maji awa kumujimba wami nacilingila #Yowa. 19.40.kungulongesela hakungulunda.
13Camwenemwene nangumilweza ngwami, Kwexokwo navakambulwilou mujimbu wamwaza kumafuci osena, naceci nawa nalingi uno pwevo nawa navakacivuluka nakumwanukilaho.
Yuta mwetava kumusolola Yesu
(Mako 14.10-11; Luka 22.3-6)
14Haze vene uze wakusokesa muli vaze likumi navavali, uze vavulukilenga ngwavo, Yuta Isakalyote, ayile kuli vapilixitu vavalemu,
15avehwile ngwenyi, Namusaka ngwenu, munguhane ika numbami ngumusolole kuli enu? Vakivo vamupezalixilile #26.15:Lumbongo lwapalata lumwe lwapwile nge Xekele. Tala 17.24.#Kulo. 21.32; Zeka. 11.12.jimbongo japalata makumi atatu.
16Kaha kufumisa haze asakilenga ngwenyi amone hamwaza hakumusolwela kuli vakivo.
Yesu mwalya paseka natumbaji twenyi
(Mako 14.12-25; Luka 22.7-23; Yowa. 13.21-30; Koli. 1, 11.23-26)
17Kaha jino, halikumbi #Kulo. 12.18-20.lyaciwanyino cajimbolo jakuzeneka cimbalwila lyatete, tumbaji twenyi vejile kuli Yesu, vamwihwile ngwavo, Kulihi unasake ngwove, tukulongesele mangana ukalileko paseka?
18Avambile ngwenyi, Yenunga munganda kuli nganji mukamwambulile ngwenu, Muka-kunangula nambe ngwenyi, #v. 45; Yowa. 7.6; 12.23; 13.1; 17.1.Lwola lwami luli kwakamwihi. Natulila paseka natumbaji twami muzuvo yove.
19Tumbaji twenyi valingile nge muze avalwezele Yesu, kaha #Luxi. 16.5-8.valongesele paseka.
20Kaha jino, hakulembalemba calikumbi apwile hanasendavala lyehi kumesa natumbaji twenyi likumi navavali hamwe.
21Omu vapwile nakulya, avambile ngwenyi, Camwenemwene nangumilweza ngwami, Minenu umwe mwangusolola kuli vaka-kole.
22Vanyengetelele cikumakuma. Kaha vaputukile kumwihula umwe naumwe ngwenyi, Ove Mwata, yami tahi nyi?
23Ikiye avakumbulwile ngwenyi, Ou vene mwatata livoko lyenyi hacenga cimwe nayAmi, ikiye vene mwangusolola.
24Mwanamutu mwaya kwenyi #Samu 41.9; Luka 24.25; Koli. 1, 15.3; Vili. 17.2-3.nge muze vasoneka hakumuvuluka. Oloze #18.7; Mako 14.21.mama lelo hali mutu ou mwamusolola Mwanamutu kuli vaka-kole! Cawahile kuli mutu kana kaci kasemukileko.
25Kaha Yuta, uze amusolwele, ahanjikile nakumwihula ngwenyi, #26.25:Tala 23.7.Ove Lapi, yami tahi nyi? Ikiye himwamwamba ngwenyi, #v. 64; 27.11; Luka 22.70; 23.3.Mwomwo vene unahanjika.
26Omu vapwile nakulya, Yesu anonele mbolo, #14.19; 15.36.ayiwahixile, ayipuzwile, avahanyineyo tumbaji twenyi, avambile ngwenyi, Tambulenu, lyenu, ou mujimba wami.
27Anonele lupasa nawa, asakwililile, avahanyinelwo ngwenyi, Nwenumo muvosena,
28mwomwo #Hepe. 9.20; Kulo. 24.6-8.awa akiko manyingami akuxikeci cacihya, akuhicisa #20.28.hali vavavulu, #Mako 1.4.akuneha kuvakonekela milonga yaxili.
29Oloze nangumilweza ngwami, Kufumisoholili kangwexi kukanwa ceka wala wamihako yavinyoko, kuvanga halikumbi lize kaha haze nangukaunwa wauhya nayenu hamwe muwangana waTata.
Yesu mwamulweza Petulu omu mwamuhamikila
(Mako 14.26-31; Luka 22.31-34; Yowa. 13.36-38)
30Omu valingile hivanembi lyehi mwaso, valovokele vayile kupili yaMilive.
31Haze vene Yesu avambile ngwenyi, Enu muvosena namulimbuka hali Ami ufuku uno, mwomwo vasoneka ngwavo, #Zeka. 13.7.Kafunga nangukamuveta, kaha mikoko vakuutanga wenyi #Yowa. 16.32.navakavapuzumuna.
32Oloze omu nangukalinga hingunasanguka lyehi, #28.7, 10, 16; Mako 16.7.nangukaya kulutwe lwenu kuNgalileya.
33Oloze Petulu amukumbulwile ngwenyi, Kaci nge vatu vosena navalimbuka hali Ove, oloze ami cexi kwiza kukalimbukako.
34Yesu amwambile ngwenyi, Camwenemwene nangukulweza ngwami, Ufuku uno, ximbu kanda ndemba ahanjike welewewe, naunguhamikiia katatu.
35Petulu himwamwamba ngwenyi, Cipwe nge catelami kufwila nayOve hamwe, cipwe ngoco kangwexi kwiza kukakuhamikilako. Mukiko muvambile natumbaji vakwavo vosena nawa.
Yesu mwalomba kuNgetesemane
(Mako 14.32-42; Luka 22.39-46)
36Haze vene Yesu ahetele navo kuma kuze vavuluka ngwavo, kuNgetesemane. Kaha avambile tumbaji twenyi ngwenyi, Twamenu kuno, ximbu nanguya kuze nakulomba.
37Ayile #17.1; Mako 5.37.naPetulu navaze vana vaZevete vavali, kaha aputukile kunyengetela nakulihohoma cikuma mumucima wenyi.
38Kaha himwavamba ngwenyi, #Yowa. 12.27; Hepe. 5.7-8.Mwono wami uli nakulyonyinga cikumakuma, nge kufwa kaha. Salenu kuno, tonenunga nayAmi hamwe.
39Aswenyele cacindende kulutwe, alimbilile cameso-hamavu, alombele ngwenyi, Ove tata, kaci nge Cinahase, #20.22; Yowa. 18.11.lupaselu lungufume. Oloze kanda ulinga mwaya mucima wayamiko, xina mwaya mucima wayOve kaha.
40Kaha himweza kuli tumbaji twenyi, kuvawana vali mutulo. Amwambile Petulu ngwenyi, Kumana, kamwahaxile kutona lwola lumwe nayAmi hamweko?
41Tonenunga, lombenunga, #6.13; Luka 11.4.kucina namwingila mukumyeseka. Xipilitu yamutu yinazange vene, oloze cisemwa cahamavu cinahehela.
42Aswenyeleko nawa kamucivali, alombele ngwenyi, Ove Tata, kaci nge kacahaxile lupasa kana kungufumako, xina kuvanga ngulunwe, #Yowa. 4.34; 5.30; 6.38.linga mwaya mucima wove.
43Ejile ceka nawa, kuvawana vali mutulo, mwomwo meso avo alemene natulo, xikaho.
44Avasezele ceka, aswenyeleko, alombele kamucitatu nakuhanjika ceka mazu wowamwe.
45Haze vene himweza ceka kuli tumbaji twenyi mwavamba ngwenyi, Jino savalenu tuhu tulo, nokenu. Talenu, #v. 18; Yowa. 12.27; 13.1; 17.1.wola lunahete lyehi, kaha Mwanamutu navamuhana kumavoko avaka-xili.
46Hindukenu, tuyenu, talenu, ou mwangusolola kuli vaka-kole ali hakamwihi.
Yesu navamusolola, navamukasa
(Mako 14.43-50; Luka 22.47-53; Yowa. 18.2-11)
47Ximbu apwile acili nakuhanjika, naYuta hiwe, apwile wakusokesa muli vaze likumi navavali, naliyongomena lyalinene hamwe, vapwile najipoko jamikwale najimbweci, vafumine kuli vapilixitu vavalemu navakulwane javatu.
48Jino uze amusolwele avalwezele lyehi cinjikizo ngwenyi, Wexowo nangukasweswenya, Ikiye venyowo, mukwatenu.
49Linwomu vene ayile kuli Yesu, amwambile ngwenyi, #26.49:Tala 23.7.Ove Lapi, vulye! kaha amusweswenyele cikuma.
50Yesu amwambile ngwenyi, #20.13; 22.12.Ove mukwetu, linga tuhu cuma unakatukila. Kaha vejile, vamukwacile Yesu, vamutwalile.
51Kaha kumana, kuli vaze vapwile naYesu umwe olwele livoko lyenyi, asolomwene poko yenyi, avetele ndungo yakapilixitu wakulitulaho, amuvatwile litwitwi lyenyi.
52Yesu amwambile ngwenyi, Someka ceka poko yove mucindalo cayo, mwomwo #Kupu. 9.6; Kuso. 13.10.vexovo navakwata kupoko yamukwale navakanonga kupoko yamukwale.
53Nyi unaxinganyeka tahi? ngwove, kangwexi kuhasa kulembelela Tata numba cipwe oholili angufumixile mayongomena avangelo akuhambakana likumi naavaliko?
54Oloze kaci ngoco kaci #v. 24.Mazuvasoneka nawalumbunuka ngacilihi? ngwawo, kuvanga cipwe ngana vene.
55Halwola luze Yesu avambile mayongomena ngwenyi, Munalovoka najipoko najimbweci nakungukwata nge kulovokela cihwanga? #Mako 12.35; Luka 19.47; 20.1; 21.37; Yowa. 7.14, 28; 8.2, 20; 18.20.Ngunatwamenga hakumbi hakumbi mutembele nakunangula vatu, oloze kamwangukwacileko.
56Oloze vyosenevi vinasoloka mangana Mazu-vasoneka kuli vapolofweto alumbunuke. Haze vene tumbaji twenyi vosena vamusezele, vacinyine.
Yesu mwemana kumeso avakulwane
(Mako 14.53-65; Luka 22.54, 63-71; Yowa. 18.12-14, 19-24)
57Jino vaze vakwacile Yesu vamutwalile kuli kapilixitu wakulitulaho Kayafwase, kuze vapwile vanakunguluka lyehi vaka-kusoneka navakulwane.
58Oloze #Yowa. 18.15.Petulu amukavile munyimanyima cikuma, mbwe nakucipango cakapilixitu wakulitulaho, kahengililemo, atwamine natupitau hamwe, mangana atale noho navikumba.
59Jino vapilixitu vavalemu #26.59:Tala 5.22.navakasunendeline vosena vasakilenga unjiho wakumuvangila Yesu mangana ngwavo, vamujihe.
60Oloze cipwe kwejile vinjiho vakakwonga vavavulu, kavauwanyineko. Oloze hakukuminyina kwejile vavali,
61vambile ngwavo, Mutu ou ambile ngwenyi, #27.40; Mako 14.58; 15.29; Yowa. 2.19.Zuvo yaKalunga yajila ngunahase kuyixiula nakuyitunga ceka hamakumbi atatu kaha.
62Kapilixitu wakulitulaho auanyine, amwihwile ngwenyi, Kawexi kuvakumbulula cipwe lizu limweko tahi? Unjiho kana vanavulukava hali ove unapu ngacilihi?
63Oloze #27.12, 14; Yowa. 19.9.Yesu aholele kulu. #Luka 22.67-71.Kapilixitu wakulitulaho amwambile ngwenyi, #Levi 5.1.Ngunakuxingi #16.16.KalungOu ayoya ngwami, tulweze numba nge #27.11; Yowa. 18.33.ove yove Kulixitu MwanaKalunga.
64Yesu himwamwamba ngwenyi, #v. 25.Mwomwo vene unahanjika. Ngwenyi, Oloze nangumyamba ngwami, Kufumisoholili Mwanamutu namukamumona #28.18; Samu 110.1.hanatwame kulivoko lyaNgolo lyacilyo, #16.28; Ndanye. 7.13.ali nakwiza hamavwi amwilu.
65Haze vene kapilixitu wakulitulaho #Kula. 14.6; Vili. 14.14.apulile mahinenyi, ambile ngwenyi, Nasaula Kalunga. Nyi ikaze nawa natusakila ceka vinjiho veka? Talenu, munevu oholili omu nasaula Kalunga.
66Munaxinganyeka muka? Vakivo vamukumbulwile ngwavo, #Levi 24.16; Yowa. 19.7.Nalikokela kufwa.
67 #
Luka 22.63-65. Haze vene #27.30; Mako 10.37.vamufwijilile maleji kumeso enyi, vamulukwile jikonyi, kaha vamwe vamuvetele jimbanda
68vamwambile ngwavo, Ove Kulixitu, hanjika mazu aupolofweto kuli etu, ou nakuvetezeya?
Petulu mwamuhamikila Yesu
(Mako 14.66-72; Luka 22.55-62; Yowa. 18.15-18, 25-27)
69Jino Petulu atwamine muweluka mucipango. Kaha kuli ikiye kwapandamine mwanapwevo, amwambile ngwenyi, Nayove nawa wapwanga naYesu wakuNazaleta.
70Oloze ikiye alihamikile kumeso avatu vosena ngwenyi, Kangwatacikizeci unavulukako.
71Omu alingile hanalovoka lyehi namusenge, kwamuwanyine mwanapwevo weka, avambile vaze vapwile kuze ngwenyi, Ou apwanga naYesu wakuNazaleta.
72Kaha ceka nawa alihamikile nakulixinga ngwenyi, Mutu ou kangwamwijivako.
73Hakuximbula cacindende numbanyi vaze vemanyineko vapandame kuli Petulu hikumwamba ngwavo, Mwamucano vene, ove uminavo, mwomwo hanjikiso yove yili nakukusolola.
74Kaha himwaputuka kulyangula nakulixinga ngwenyi, Mutu ou kangwamwijivako. Linwomu vene ndemba himwahanjika nawelewewe.
75Kaha Petulu anukile lizu lyaYesu omu amwambile ngwenyi, #v. 34.Ximbu kanda ndemba ahanjike welewewe naunguhamikila katatu. Kaha alovokele alilile cikumakuma.
Luvale Bible © Bible Society of Zambia, 1970.