Joroma 9
9
Rubanga kede Jo mege
1Ango atie waco kop me ateni i Kirisito, likame atie ngalo, ngec me cunya da, pi twer me Tipo Kacil, jurao ango 2be ango atie kede par adwong kede cwercuny kalikame jik i cunya. 3Pien oudo amito be ka koto twerere, ango kikoma koto kolama di oko poka kede Kirisito pi imiegu na, kame obedo joawade na. 4#Yai 4.22Gin jo me Isirael, jo kame Rubanga omio odoko idwe mege. Komio gi deyo, isikan, Iswil, woro Rubanga, kede cikere. 5Joakwari me agege me Isirael obedo mergi, doko i kom kop kame mako anywali me kom, Kirisito owok ki ateker gi. Pak bed but Rubanga ngat kame lo jame dedede ikar kede ikar. Amen.
6Do likame etie bala kop ka Rubanga do oudo likame ocobere kakare. Pien likame anywali dedede me Isirael obedo jo me Isirael, 7#Ageini 21.12doko likame ikwae ka Aburaam dedede obedo idwe ka Rubanga; do Rubanga bin owaco ne Aburaam be, “Ikwae ni bino wok kibut Isaka.” 8Man dwong mere be likame idwe me anywali me kom en kame idwe ka Rubanga, do idwe kame kocikere pirgi en kame kotero be ikwae mege. 9#Ageini 18.10Pien cikere nono bin waco be, “Abino dwogo tetu kare noni di ako bino udo Sara tie kede atin awobi.”
10Do likame man kenekene, do doko da i kare kame bin Rebeka oyaco kede idwe kede icuo acel, en kwaru wa Isaka. 11Akadi di oudo pwodi likame konywalo gi, arabo di pwodi likame kitimo gimoro aber amoto arac, do pi mino iik me yer ka Rubanga meede, 12likame pi tice do pi lwongo mere, omio en eko waco ne Rebeka be, “Awobi adwong bino tic ne awobi atidi.” 13#Malaki 1.2-3Bala kame kowandiko be, “Amaro Yakobo, do adagi Esau.”
14Nan do owacunu benyo? Mam be Rubanga likame timo gi dedede i yore me ateni? Likame kamano. 15#Yai 33.19Pien bin Rubanga owaco ne Musa be, “Cunya bino bedo kede kisa i kom jo kame kisa maka kede gi, doko cunya bino bedo kede isasir i kom jo kame cunya bino mito bedo kede isasir i kom gi.” 16Pi mano, likame etimere pi mit ka dano arabo cane mere, do pi Rubanga ngat kame nyuto cuny me kisa. 17#Yai 9.16 Pien iwandik kacil bin owaco ne Parao be, “Ango atingi malo pi nyuto twer na di beo kibuti, tetekeny bin tatamo nyinga i wi lobo lung.” 18Pi mano, en kisa make kede ngat kame cunye oyero, doko ngat kame en emito be bed ngaepali emio bedo ngaepali da.
Lilo ka Rubanga kede Cuny me Kisa mere
19Wun ibinunu waco na be, “Pinyo komio pwodi Rubanga waco be odubo? Pien ngai kame karuno dagi gikame en emito?” 20#Isaya 29.16; 45.9Do in ngai, in kom dano adana dwoko dog Rubanga? Iparo be gikame kocweo bino waco ne ngat kocwee be, “Pinyo komio icwea kaman?” 21Mam ngacwei agune tie kede akarunikin i kom elupe, pi cweno tabo acel kame cil kede doko cweno acel ararac kede atukit acel me elupe kame onyongo nono?
22Etie kamanono da kede Rubanga, pien di bin emito nyuto lilo mere kede mino twer mere ngere, di do en eko kanyakino kede dire adwong, pi jo kame etie kede lilo i kom gi, kame epoore dudubo. 23En etimo kaman pi nyuto abar me deyo mere ne jo kame ebino bedo kede cuny me kisa ikom gi, jo kame egeo iiko sek pi udo deyo mere, 24akadi kiton wada jo kame elwongo wa, likame kibut Iyudayan kenekene, do kibut jo kalikame Iyudayan da. 25#Kosea 2.23Bala kite kame ewaco kede i itabu ka Kosia be,
“Jo kalikame oudo obedo jo na
abino lwongo gi be ‘jo na,’
kede ngat kalikame oudo atie kede amara bute,
abino lwonge be ‘me amaro.’
26 #
Kosea 1.10
Doko i kabedo kame oudo owaco ne gi kiye be, ‘Wun likame jo na,’
kobino lwongo gi kiye be
idwe ka Rubanga kakuo.”
27 #
Isaya 10.22-23 Isaya oko yamo kop i kom Isirael be, “Akadi bed bala wel me idwe me Isirael rom kede asinge me nam adwong, donge gi mogo anonok en kame bino bwot; 28pien Rwot bino mino kop kame engolo ne lobo timere iepone kame en emito abongo gal.” 29#Isaya 1.9 Doko etie bala kame Isaya bin omurao kede be, “Ka koto Rwot me yi likame oweko ne wa idwe mogo, koto odoko cal bala Sodoma kede bala Gomora.”
Ilega ka Paulo pi Jo me Isirael
30Nan owac do benyo? Owac kaman be, jo kalikame obedo Iyudayan, gin jo kalikame oudo cane pi bedo jo kopoore, odoko jo kopoore pien kibedo kede yei. 31Do jo me Isirael kame oudo ocane lubo iswil pi bedo jo kopoore, likame oko twero cobo gikame iswil nono mito. 32Pinyo? Pien gin likame kicane bedo jo kopoore pi yei, do pi timo tice kame Iswil mito. Pi mano, gin kiko gete ki wi engaro kame getaro jo, 33#Isaya 28.16 bala kame kowandiko be,
“Neningo, ango atie keto engaro i Sion
kame bino getaro jo,
lela kame bino mino gi kipopoto.
Do ngat kame yei en likame kobino mino lewic mako.”
Currently Selected:
Joroma 9: BILKDC13
Highlight
Copy
Compare
Share
Want to have your highlights saved across all your devices? Sign up or sign in
Baibuli I Leb Kumam © Bible Society of Uganda, 2013.
