Joroma 11
11
Rubanga Obedo kede Cuny me Kisa but Jo me Isirael
1 #
Jopilipi 3.5
Ango nan do apenyere be, Rubanga do otieko dagi jo mege? Likame kamano! Ango da kikoma abedo dano me Isirael, akwar Aburaam, ngat acel kikom jo me ateker ka Benjamin. 2Likame Rubanga odagi jo mege kame oudo engeo cako sek. Mam ingeunu gikame iwandik kacil waco i kom Elia, kite kame ebako kede doge but Rubanga di edadangun pi jo me Isirael? 3#1 Abakai 19.10, 14En ewaco be, “Rwot, kineko inabin nin, kirereto alutari nin, ango en kame adong kena, doko da nan kitie mono kuo na.” 4#1 Abakai 19.18Do Rubanga oko dwoko ne benyo? Be, “Ango aweko cuo tutumia kanyaare pira, kalikame oriondiko i nyim Baal.” 5Aso, etie kamanono i kare kanataman da, tie donge anonok me jo kame Rubanga oyero pi kisa mere. 6Do ka koyero gi pi kisa, udo likame koyero gi be pien kitimo gikame Iswil mito, pien ka koto kamanono, koto kisa do likame en kisa.
7Benyo do nan? Jo me Isirael likame oko twero udo gikame oudo kimoo. Jo kame koyero en koude, do jo apat bin komio gi kibedo jokany kop, 8#Iswilia 29.4; Isaya 29.10bala kame kowandiko be, “Rubanga omio gi cuny kodil, wang kalikame neno, kede yit kalikame winyo kop, etie kamanoni tuno tin.”
9 #
Sabuli 69.22-23 Daudi da owaco be,
“Wek ibagai gin dok ne gi bala owic kede obek,
kibed bala bur kame kipopoto iye kede alola pi dub gi.
10Wek mi wang gi dok col tetekeny likame kikaruno neno piny,
di oko mino ngei gi gomi atwal.”
11Ango ako do penyere be, oudo kigete pi poto? Likame kamano! Do pi dub gi omio jo kalikame Iyudayan da oko udo alako, tetekeny nyeko mak jo me Isirael. 12Nan do ka dub gi kelo abar i piny, kede ka poto gi kelo abar ne jo kalikame Iyudayan, bero mere bino bedo rom amene ka gin dedede do kidwogo!
Lakere me Jo kalikame Iyudayan
13Nan ango atie yamo kede wun jo kalikame Iyudayan. Bala kite kame ango atie kede ngaor but jo kalikame Iyudayan, 14amio tic na dwongo tetekeny nyeko mak Iyudayan wad wa, di ako bino mino mogo kibut gi udo alako. 15Pien ka pi kite kame kodagi gi kede omio Rubanga kede piny odok i nywak, gamo gi bino kelo nyo do? Mam ebino kelo kuo ne jo oto?
16Ka dul me alos kame konyongo di oko mino Rubanga bala giamia me anyakini me agege obedo gikacil, udo en dedede do ebedo gikacil, doko ka alias me yat obedo gikacil, udo ajange mege da obedo gikacil. 17Do ka koturo ajange mogo me yat, di in alibo me olibeti me obar oko ropi kargi pi nywako abar me aliasin mege, 18kur iwakere ne ajange apat. Aso nan ka in iwakere, ngei kiber be in en kalikame itie pito aliasin kede cam, do aliasin en kame tie pitin.
19In ibino waco be, “Kotieko turo ajange apat tetekeny ropa kargi.” 20Mano tie ateni. Bin koturo gin tenge pien oudo likame gin kiyei, do in icungo di itek pi yei kenekene. Pi mano, kur idok ngaewaka, do bed kede lworo. 21Pien ka Rubanga likame oweko Iyudayan, jo kame obedo bala ajange me olibeti kikokome, akadi wuda likame ebino weko wu. 22Nan do nenunu ber mwolo kede gero ka Rubanga. En eger kede jo kame opoto, do emwol kede wun ka idongunu di icungunu i mwolo mere; do ka li, wuda kobino tongo wu tenge. 23Akadi Iyudayan da, ka likame kimoko i kom bedo abongo yei, kobino ropo gi i kom yat, pien Rubanga tie kede twer me ropo gi i kom yat bobo. 24Pien ka in kotongi kikom yat kame i cwec mere ebedo olibeti me obar, di oko ropi i kom olibeti kikokome, gi kalikame upere kede ekite me cwec, mam ebino bedo do yot kalamo pi Rubanga ropo jange nogi me olibeti kikokome dok i kom yat kame koturo gi kiye?
Cuny me Kisa ka Rubanga but Jo Dedede
25Imiegu kede amiegu na, pi mino wu kur itamunu kenu be iriekunu kalamo kite kame itienu kede, ango amito ingeunu gikame omungere noni be, jo mogo me Isirael nan tie kede epali, ebino bedo kamanono tuno di wel me jo kalikame Iyudayan kame bino but Rubanga oromo, 26#Isaya 59.20 di do oko bino lako jo dedede me Isirael, bala kame kowandiko be,
“Ngalak bino wok ki Sion;
en ebino kwanyo tenge kibut Yakobo tam me dagi woro Rubanga.
27 #
Yeremia 31.33-34
Manoni bino bedo isikan na kede gi,
kame akwanyo dub gi.”
28I kom kop kame mako ejiri, gin kitie jokwor ka Rubanga piru; do i kom kop kame mako ayero, Rubanga maro gin pi joakwari gi. 29Pien giamia kede lwongo ka Rubanga likame lokere. 30Bala kite kame i kare moro bin wuda oudo idagunu kede winyo kop ka Rubanga, do nan Rubanga oko timo wu kisa pi kite kame gin kidagi winye kede, 31kamanono da, gida nan kidagi winyo dwan Rubanga tetekeny Rubanga tim gi kisa, pi kisa kame kotieko nyuto ne wu. 32Pien Rubanga otieko jalo jo dedede i tim me dagi winyo kop mere, tetekeny ebed kede cuny me kisa but jo dedede.
33 #
Isaya 55.8
Abar ka Rubanga tin dwong benyo! Rieko kede ngec mere tin tut benyo! Mono epone kame en engolo kede kop kede niang yote mege tin tek benyo! 34#Isaya 40.13 Bala kame kowandiko be,
“Pien ngai kotieko ngeno tam ka Rubanga,
arabo ngai kobedo ngat kame mie tam?
35 #
Yobu 41.11
Arabo ngai kotieko mino Rubanga giamia me wek Rubanga da cul eda kede giamia?”
36 #
1 Jokorinti 8.6
Pien jame dedede owok kibute, kitie pi en, doko kidok bute. Deyo bed bute ikar kede ikar. Amen.
Currently Selected:
Joroma 11: BILKDC13
Highlight
Copy
Compare
Share
Want to have your highlights saved across all your devices? Sign up or sign in
Baibuli I Leb Kumam © Bible Society of Uganda, 2013.
