Matayo 3
3
Kop kame Yokana Ngaibatis Opwonyo
(Marako 1.1-8; Luka 3.1-18; Yokana 1.19-28)
1I kare nono, Yokana Ngaibatis oko neeno i tim me Yudea di epwonyo be, 2#Matayo 4.17; Marako 1.15“Swilarunu, pien Ajakanut me malo odoko iyapiyapi.” 3#Isaya 40.3 Yokana en oudo ngat kame bin enabi Isaya owaco kop i kome be,
“Dwan ngatamoro tie lelemo i tim be,
‘Iikunu ne Rwot yongayo,
rieunu ne yote.’ ”
4 #
2 Abakai 1.8
Yokana oudo ngapo egoe kame kotimo kede yer me aguragura, di etweo piere kede rakoba me lau, cam mere oudo obedo obonyo kede mokic. 5Jo atot me Yerusalem kede Yudea kede adulion dedede koluko Yorodan oko ot but Yokana. 6Gin kiko tuco dub gi, di Yokana oko batiso gi i ecilet me Yorodan.
7 #
Matayo 12.34; 23.33 Do kakame bin Yokana oneno kede Iparisayon kede Isadukayon atot di kitie bino pi udo batisimu, en eko waco ne gi be, “Wun idwe me twole! Ngai ber kokwenyaro wu be iringunu tenge ki lilo ka Rubanga kame tie bino? 8Timunu tice kame nyuto be itiekunu swilaro. 9#Yokana 8.33Doko da kur itamunu be, ‘Aburaam en kwaru wa.’ Awaco ne wu be Rubanga twero kwanyo kide gi di eko loko gi kidoko ikwae ka Aburaam. 10#Matayo 7.19Akadi ber nan da, kotieko keto le cuto i dud yen; yat acelacel kalikame nyako anyakini abeco kobino tonge piny di oko uce i mac. 11Ango abatiso wu kede pii pi nyuto be wun itiekunu swilaro, do ngat kame tie bino i cen ngea oyaro batiso wu kede Tipo Kacil kede mac. En etie kede twer kame loa, doko ango likame apoore pi mako amuka mere. 12En etie kede oderu mere i cinge cuto, doko ebino weno diakal mere me canyo, di en eko coko engano mere eonyo i dero, do cucung ebino wango i mac kalikame to.”
Kobatiso Yesu
(Marako 1.9-11; Luka 3.21-22)
13Di Yesu oko yai ki Galilaya en eko ot Yorodan but Yokana me wek Yokana batiso en. 14Yokana oudo mito genge di ewaco be, “In en kame miero ibatiso ango, do benyo bobo komio in ibino buta?”
15Do Yesu oko dwoko ne be, “Wek do ber etimere kamanono nan, pien eber ne wan cobo poore dedede iepone noni.” Di do Yokana oko yei.
16Ingei batiso Yesu, en eko wok ki dud pii, cucuto di malo oko yabere ne, di eko neno Tipo ka Rubanga di bino oko poto i kome bala awele. 17#Ageini 22.2; Sabuli 2.7; Isaya 42.1; Matayo 12.18; 17.5; Marako 1.11; Luka 9.35Dwan oko wok ki malo di waco be, “Man en Woda kame amaro, cunya yom i kome.”
Currently Selected:
Matayo 3: BILKDC13
Highlight
Share
Copy
Want to have your highlights saved across all your devices? Sign up or sign in
Baibuli I Leb Kumam © Bible Society of Uganda, 2013.