Matayo 14
14
Tatua na Yoane Kabatisanit
(Köli Marako 6.14-29; Luka 9.7-9)
1A i ŋinu diŋit a Erode kasaranit iŋge yiŋ liŋio i kulya ti Yesu,
2a nye takiŋdye koliponök kanyit adi, Ŋilo a Yoane Kabatisanit; lepeŋ aje toŋiyu i twan, nyena ŋina a kwe nagon kine riŋitön dumalak kikita kanyit i mugun. 3#Luk 3.19, 20Kogwon Erode koju a morga Yoane, a toŋi lepeŋ, a tiŋdi lepeŋ i kadi rereket, kogwon kulya ti Erodia nakwan na Pilipo luŋaser lonyit, 4#Lew 18.16; 20.21kogwon Yoane köju a takiŋdya Erode adi, Saret a ko ruk adi ti do riŋuŋdye lepeŋ. 5A Erode ’deke tatuja lepeŋ, ama a nye kujönöni ŋutu, kogwon lepeŋat kiuŋdyö Yoane a nebi. 6Ama a lor yuŋweet lo Erode ko poŋdi, a ŋuro na Erodia gwoji gwoja kase i komor, a tulyoŋgi Erode, 7nyena a nye milyekiŋdye tiŋdu ŋina ŋuro nene ŋo nagon lepeŋ a piyun. 8A ŋuro na ruŋge gwoso nagon ŋote aje jujukiŋdye lepeŋ adi, Tiki nan ni kwe na Yoane Kabatisanit i kalaba. 9a mor iŋge delya, ama kogwon milye lo nyo nye lo, koti kogwon kulya ti kömu kanyit, a nye sarakiŋdye adi ti ŋina ŋuro tikine tiki. 10A nye soŋdi ŋuto i ’dupuŋdyö na kwe na Yoane i kadi rereket. 11A kwe na jweni i kalaba a tikine ŋuro, a nye jakiŋdye ŋote. 12A ŋutu ti Yoane kajujumuk poŋdi i ’doggu na öpu nanyit i nugga; a se iti tu a tukökiŋdye Yesu.
Yesu a tunyeju ŋutu alipan mukanat
(Köti Marako 6.30-44; Luka 9.10-17; Yoane 6.1-14)
13A Yesu ko yiŋge kine kulya, a nye ŋine ŋien nyu ko ki ’bo, a iti i pirit nagon ŋutu ’bayin kata. Ama a na yiŋge lodir lo ŋutu nu, a se poŋdi kase i köjino, kepoddu lepeŋ wöro ko mok.
14A nagon Yesu aje kiyuŋdya kaŋo i ki ’bo nu, a nye meddi lodir duma lo ŋutu; a nye wone konyen ko se, a toke ’yi ŋutu kase logon a gigilotu.
15A nagon kak gwe a sömukö nu, a ŋutu kanyit kajujumuk kulo poŋdi ko lepeŋ ni, a kulyani adi, Na pirit ’bak ŋutu, tuparan aje ’baka. Sonyoro kilo ŋutu ko ti se iti i köjinö i gwörökiŋdyö na ’börik kinyo. 16A Yesu waddi adi, Lepeŋat ti tu. Ta ko ’borik tiki ta se ŋo lo nyenyei. 17A se waddi lepeŋ adi, Yi tuŋ gwon ko ambatajin mukanat ko somot murek ni. 18A nye kulyani adi, Jo ta se köyö ni. 19A kirut nye sarakiŋdye lodir lo ŋutu anyen si ’daki kak i doru loki. A nye ’dumuŋdye ambatajin mukanat se ko somot murek kune, a nye diŋe ki, a ’boroji ’boroja, a nye pipiŋdye ambatajin kune, a tiŋdi ŋutu kanyit kajujumuk, a kajujumuk tiŋdi ŋutu kulo. 20a ŋutu liŋ nyesi nyesu a iŋge yimönö. A lepeŋat iŋge ’du ’dumun kupöjin puök wot murek ti ambatajin na pipinya nagon a ko nyei.
21A ŋutu lyan logon a nyesu kulo gwe gwoso alipan mukanat, wat ŋutu wate se ko ŋwajik.
Yesu a wörö i tör loki
(Köli Marako 6.45-52; Yoane 6.16-21)
22A Yesu ri ’dikiŋdye ŋutu kanyit kajujumuk kulo anyen kiyaddu i ki ’bo kata i tu kanyit ŋerot i nu pele, a nye nyuŋ leru toreja lodir lo ŋutu. 23a nagon nye aje toreja ŋutu nu, a nye ki yaddi i mere nye geleŋ i kwakwaddu. A ko kak gwe a sömukö, a lepeŋ gwe nyu ka ’de.
24Ama i ŋinu diŋit a ki ’bo gwe pajo i tör kiden, a yoyöŋoni ko yala lo pioŋ kogwon kobuŋot wukuŋdyö ko lepeŋat ni. 25A i waran na kak, a nye poŋdi ko lepeŋat ni wöri ’e i tör loki. 26Ama a na meddi ŋutu kajujumuk Yesu wöri ’e i tör loki nu, a se rigwököni rigwökö, a se yeyeji adi kode ŋona a mulökötyo! A se luluje lulujö kogwon se kukujönö,
27Ama a Yesu nyoŋgi kulya ko se adi, Togo ’yi ta töilyet, ŋo lo a nan; an ta ko kujönö ta. 28a Petero waddi lepeŋ adi, MATAT, ko ŋilo a do, luŋuddi nan i tu konut ŋini i pioŋ loki. 29A Yesu luŋgi adi, Poŋdi koi. Nyena a Petero kiyuŋdye kaŋo i ki ’bo kata, a wöröjine i pioŋ loki tu ko Yesu yu. 30Ama a nye ko meddi köbuŋöt i wuggö parik, a nye iŋge moka ko kujönö, a suluje ’dirörö kak, a nye luluje adi, Woidio, lwöki nan pon MATAT! 31’De ’de a Yesu riöddi könin, a morgi lepeŋ, a pije adi, Do ŋuto logon ko yupet a na ’dit! Nyo do dyadya ’yu? 32A na kiyaddi se i ki ’bo kata nu, a köbuŋöt gwo ’de gwo’dan. 33A ŋutu lo gwon i ki ’bo kata kulo dulakine kak ko lepeŋ i komor kulya adi, Do ’diri a Ŋuro lo Ŋun.
Yesu a toke ’ya ŋutu lo gigilötu Genesaret yu
(Köti Marako 6.53-56)
34A se ko laŋgi i nu pele, a ’dure Genesaret a kiyuŋdye kaŋo. 35a ŋutu ti ŋinu pirit ko gwulu ’ye Yesu, a se torekiŋdye lore i jur ’bukuluŋ, a ŋutu jakiŋdye lepeŋ ŋutu liŋ lo gigilotu,
36a mamaŋdi lepeŋ adi anyen se böŋö ’bo ’yu ma ’di kume lo boŋgo nanyit. A ŋutu liŋ logon a ’bo ’yu ŋina boŋgo kilo iŋge tokela.
Currently Selected:
Matayo 14: BBE
Highlight
Copy
Compare
Share
Want to have your highlights saved across all your devices? Sign up or sign in
Bari Bible © United Bible Societies, 1979.
