Matayo 13
13
Lilim lo kaweyanit
(Koti Marako 4.1-9; Luka 8.4-8)
1A i ŋilu lor a Yesu lupuŋdye kaŋo kadi, a si ’dakine nyona ko tor na Galilaya. 2#Luk 5.1-3A ŋutu jore parik momoruŋdye kanyit ni, ko ŋina kwe a nye kije i ki ’bo kata a si ’dakine nyin, a ŋutu liŋ gwo ’de i kijit. 3A nye jamakiŋdye se ŋo jore i lilimon adi, Kaweyanit a tu i weja na nyomot. 4A gwe sona na gwoŋdi nye i weja nu, a kulye nyomot ’do ’done nyona ko kiko, a kwen poŋdi po a kwökwöddi se. 5A kulye nyomot ’do ’done i kujoŋ nagon a röpökiŋdyö i lelya loki, a ’de ’de se pune pun kogwon kujoŋ ti gwon jore; 6a nagon kolor gwe ki nu, a se salani sala, a teteyone teteyon kogwon kokori kase a ko ’bekoddu kak. 7a kulye nyomot ’do ’done i kiden na kikwa, a kikwa iŋge ’duroddu ki, a iŋge ’di se. 8A kulye nyomot ’do ’done i kak na ’but, a tore toran kunie kusik ti ’bolot kokonyen mia geleŋ, kunie ko merya buker, kunie ko merya musala. 9ŋuto logon ko swo yiŋesi ti nye yiŋge kine kulya.
Kwe nagon Yesu jambu ko lilimon
(Köti Marako 4.10-12; Luka 8.9-10)
10A ŋutu ti Yesu kajujumuk iti ko lepeŋ yu, a pije lepeŋ adi, Nyo do jambu ko lepeŋat i lilimon? 11A Yesu waddi lepepat adi, Ta aje tiki i deŋdya na Iwono ti Tumatyan na Ki, ama a ko tiki lepeŋat. 12#Mat 25.29; Mar 4.25; Luk 8.18; 19.26Kogwon ŋuto lo gwon ko ŋo lo mo ’ya ’yalaki kunie, a nye mo gwe ko ŋo jore parik; ama ŋuto logon ’bak nene ŋo lo, ma ’di ŋo na gwon ko lepeŋ na mo ’du ’dumaji kaŋo kanyit. 13Ŋina a kwe nagon nan jambu ko lepeŋat i lilimon, kogwon na meddi se na, a se tine gwulu; na yiŋge se na, a se tine yiŋga ’bura a tine kuruŋdyö. 14#Yis 6.9, 10Kulya na ke Yisaya koju kunu kokonaki i se adi,
Ta mo yiyiŋ daŋin jore ama a ta mo tine kurun asut; ta mo memet daŋin jore ama a ta mo tine gwulu;
15kogwon toilyet ti kilo ŋutu pomoni,
a swo kase yiŋge adi boriŋ,
a lepeŋat iŋge muk konyen kase.
Ko kodyö ti gwon sona lepeŋat kodyö memet ko konyen kase,
a yiŋe yiŋ ko swo kase,
a kuru kurun ko toilyet kase, a lopukuŋdye köyö ni,
a nan kodyö toke ’yi se.
16 #
Luk 10.23, 24 Ama ta a kalyoŋok kogwon ta a met ko konyen kasu, köti ta a yio ko swo kasu. 17’Diri nan takiŋdya ta adi, Nebijin jore se ko ŋutu lo rigwo jore gwon ko pusök i meddya na ŋo nagon ta a met kune, ama a tine met se, a se gwe ko pusok i yiŋga na ŋo nagon ta a yiŋ kune, ama a se tine yiŋ se.
Yesu tökoŋu tokoret na lilim lo kaweyanit
(Köti Marako 4.13-20; Luka 8.11-15)
18Nyena yiŋge ta lilim lo kaweyanit.
19Ko ŋuto a yiŋga kulyaet lo Tumatyan, ama a gwe a ko kurun, a ŋilo loron poŋdi po a jekaddi ŋo logon aje weki kanyit i töili kulo. Nyomot lo weki i merete lo kiko kulo gwon sona. 20Nyomot logon a weki a ’do ’done i kujöŋ nagon a röpökiŋdyö i lelya loki kulo a ŋuto logon ko aje yiŋga ŋilo kulyaet a ’de ’de wuji nye ko lyöŋön. 21A nye gwe gwoso nyomotti logon kokori a ko ’bekoddu kak, ama a mönuŋdye diŋit a na ’dit, ama i diŋit nagon lepeŋ a yöyöŋö ko a sasanya kogwon kulya ti lo kulyaet nu, ’de ’de a nye kukutorö bot.
22Nyomot logon a weki a ’do ’done i kiden na kikwa kulo ŋilo a ŋuto logon a yiŋga lo kulyaet, a wiwinyesi ti na kak, ko nyaŋu na tukworien ’deŋ lo kulyaet, a nye gwe a pudi. 23Ama nyomot lo weki i kujön na ’but kulo a ŋuto logon a yiŋga ŋilo kulyaet a kuru kurun. Lepeŋ ’diri totoran ludweki, kunie kusik ti ’bolot ko konyen mia geleŋ, kunie ko merya buker, kunie ko merya musala.
Lilim lo liabe
24A Yesu tukokiŋdye se lele lilim adi, Tumatyan na Ki gwon gwoso ŋuto logon wekiŋdya nyomot lo ’but kanyit i melesen; 25a nagon ŋutu liŋ aje doto nu, a miriku lo poŋdi a wekiŋdye liabe i ’bolot kata a iti tu. 26Nyena a ’bolot gwugwuŋge gwugwuggo, a gwe a losim, a liabe koti ’duruŋdye ki. 27a köliponok ti ŋilo ŋuto poŋdi ko lepeŋ ni, a pije adi, Duma likaŋ, do a ko wekiŋdya nyomot lo ’but konut i melesen le? Liabe kulo po ya? 28A nye waddi adi, Miriku lele aje koŋdya na ŋo. A kölipönök kulo pije lepeŋ adi, Do ’de ’dekan yi tu i ’boja na se? 29Ama a nye renyani adi, ’Bayin, kogwon na ’boji ta liabe nu, an ta böŋo ’dutuŋdyö kulye ’bolot ko se i pirit na geleŋ. 30Ti se liŋ ’duröddi i pirit na geleŋ tojo ko ŋera nase. A i diŋit ŋeret a nan mo takiŋdye kaŋerak adi, A kokwe pepene ta liabe, ko totorone ta se a kusikön anyen ’yu ’yura, ama momore ta ’bolot köyö i gugu.
Lilim lo nyomotti lo kiteta
(Köti Marako 4.30-32; Luka 13.18-19)
31A Yesu koti jamakiŋdye se lele lilim adi, Tumatyan na Ki gwon gwoso nyomotti lo kiteta logon lele ŋuto a ’dumun, a gubakiŋdye kanyit i melesen;
32ŋilo nyomotti a lo ’dit parik lwölwöŋ nyomot liŋ, ama ko aje ’duŋö a gwe a duma lwölwöŋ ’dötilön liŋ ti melesen a worani a ködini, nyena a kwen poŋdi i saka i kenia kanyit.
Lilim lo kape
(Köti Luka 13.20-21)
33A Yesu koti jamakiŋdye se lele lilim adi, Tumatyan na Ki gwon gwoso kape logon nene ŋuto a ’dumun, a polakiŋdye i pelela musala ti lojiet lo wi ’di tojo liŋ a yu.
Yesu jambu i lilimön
(Köti Marako 4.33-34)
34Yesu jamakiŋdya lodir lo ŋutu kine kulya liŋ i lilimön; nye a ko jamakiŋdya lepeŋat nene ŋo ’bak lilim.
35 #
Sau 78.2
Anyen kulya na jam nebi köju kunu kodyö kokona, adi,
Nan de jambu i lilimön,
a nan de tuŋge kulya nagon a ’dela suluja i gweya na kak.
Yesu a tökoŋu tokoret na lilim lo liabe
36A kirut Yesu kö ’yi lodir lo ŋutu, a nye lupöni kadi;
a ŋutu kanyit kajuju muk iti ko lepeŋ yu, a kulyani ko lepeŋ adi,
Tokuruki yi lilim lo liabe lo gwon i melesen.
37A nye waddi adi, Kaweya-nit lo nyomot lo ’but a nan ŋuro lo ŋuto. 38Melesen gwon a kak na. Nyomot lo ’but gwon a ŋwajik ti Tumatyan; liabe a ŋwajik ti ŋilo loron;
39a miriku lo weja liabe lo gwe a ka-ŋöönit; diŋit ŋeret gwon a ’dutet na kak; a kaŋerak gwe a malaikajin.
40Nyenagon gwoso nagon liabe a pepena a ’yurani ’yura ko kimaŋ na, nyena köti a mo gwe sona i ’dutet na na kak. 41A nan Ŋuro lo ŋuto mo soŋdi malaikajin kwe, a se mo pepenuŋdye kaŋo i Tumatyan nio ŋo liŋ nagon tiŋdu ŋutu i köpukö, se ko ŋutu liŋ lo koŋdya arabat kilo, 42a mo gubakiŋdye se i namet na kimaŋ; a se mo gwine gwien a mo pije kala nyu. 43a ŋutu ti loti lo rigwo mo kobbi kobbu gwoso kolor i tumatyan na Monye lose. ŋuto lo gwon ko swö yiŋesi ti nye yiŋge kine kulya.
Lilim lo tukwörien na ’dela
44Tumatyan na Ki gwon gwoso tukwörien nagon a ’delaki i melesen. A ŋuto iŋge ryö a köti yiköki nye kak; nyena a nye gwe ko lyöŋon, a iti tu, a tugwoŋi ŋo kanyit liŋ, a nye gwöruŋdye ŋina melesen.
Lilim lo margarita na gwöro go
45Koti Tumatyan na Ki gwon gwoso ŋuto katujaranit logon gaga ’yu ŋurupo nakwekwelen na luŋu a margaritajin.
46A nye ko ryeji nene geleŋ nagon joŋga gurut jore parik, a nye iti tu, a tugwöŋi ŋo kanyit liŋ, a gwöruŋdye ŋina margarita.
Lilim lo ku ’yi
47Köti Tumatyan na Ki gwon gwoso ku ’yi nagon a gubaki i tor kata a munuki i kiden na ki ’bojin murek, a iŋge momok gweyarijin liŋ ti somot. 48a ku ’yi ko jorene, a kalokak pikuŋdye nye i kijit, a se si ’dakine kak a nyumbe lo ’but i kupöjin, ama a lorok gubani kaŋo.
49A mo gwe sona i ’dutet na kak. A malaikajin mo poŋdi i nyumbo na ŋutu lorok i kiden na ŋutu lo ’but,
50a mo gubakiŋdye sei namet na kimaŋ; a se mo gwine gwien a mo pije kala nyu.
Ŋo ludukö ko go ti ’beron
51Ta aje kurun kine ŋo liŋ le? A se waddi lepeŋ adi, lye, yi aje kurun.
52A nye kulyani ko lepeŋat adi, Nyenagon katodinok liŋ ti Saresi ti Mose logon a todiniki kulya ti Tumatyan na Ki gwon gwoso monye ’baŋ logon ’dumuŋdya ŋo ludukö ko ti ’beron kanyit i pirit ’delet.
Ŋutu ti Najareta ti ’bön Yesu
(Köti Marako 6.1-6; Luka 4.16-30)
53A Yesu ko tutuŋge jambu kilo lilimon a nye kö ’yi ŋinu pirit. 54a nye iti kanyit köji, a todiŋdye kase i kadi momoret, a ŋutu iŋge soŋu, a totopine adi, Lo ŋuto ryo ŋina koŋon ya se ko kine kitajin sorosi? 55ŋilo ’bayin a ŋuro lo kaworonit lo bau le? Ŋote nanyit ’bayin luŋu a Maria le? Yakobo ko Yosepa ko Simona ko Yuda ŋona ’bayin a luŋasirik kanyit? 56Kiasirik kanyit liŋ ŋona ’bayin kayaŋ kiden le? Lepeŋ ryö kine ŋo liŋ ya? 57#Yoa 4.44A se iŋge ryo kulya ti lepeŋ a kopuket. Ama a Yesu kulyani ko lepeŋat adi, Nebi ti bula kanyit köji, ko kanyit midi, ama ŋutu bubu lepeŋ i kunie piriton. 58A lepeŋ gwe a ko koŋdya kitajin sorosi jore nyu kogwon se a ko yuŋ lepeŋ.
Currently Selected:
Matayo 13: BBE
Highlight
Copy
Compare
Share
Want to have your highlights saved across all your devices? Sign up or sign in
Bari Bible © United Bible Societies, 1979.
Matayo 13
13
Lilim lo kaweyanit
(Koti Marako 4.1-9; Luka 8.4-8)
1A i ŋilu lor a Yesu lupuŋdye kaŋo kadi, a si ’dakine nyona ko tor na Galilaya. 2#Luk 5.1-3A ŋutu jore parik momoruŋdye kanyit ni, ko ŋina kwe a nye kije i ki ’bo kata a si ’dakine nyin, a ŋutu liŋ gwo ’de i kijit. 3A nye jamakiŋdye se ŋo jore i lilimon adi, Kaweyanit a tu i weja na nyomot. 4A gwe sona na gwoŋdi nye i weja nu, a kulye nyomot ’do ’done nyona ko kiko, a kwen poŋdi po a kwökwöddi se. 5A kulye nyomot ’do ’done i kujoŋ nagon a röpökiŋdyö i lelya loki, a ’de ’de se pune pun kogwon kujoŋ ti gwon jore; 6a nagon kolor gwe ki nu, a se salani sala, a teteyone teteyon kogwon kokori kase a ko ’bekoddu kak. 7a kulye nyomot ’do ’done i kiden na kikwa, a kikwa iŋge ’duroddu ki, a iŋge ’di se. 8A kulye nyomot ’do ’done i kak na ’but, a tore toran kunie kusik ti ’bolot kokonyen mia geleŋ, kunie ko merya buker, kunie ko merya musala. 9ŋuto logon ko swo yiŋesi ti nye yiŋge kine kulya.
Kwe nagon Yesu jambu ko lilimon
(Köti Marako 4.10-12; Luka 8.9-10)
10A ŋutu ti Yesu kajujumuk iti ko lepeŋ yu, a pije lepeŋ adi, Nyo do jambu ko lepeŋat i lilimon? 11A Yesu waddi lepepat adi, Ta aje tiki i deŋdya na Iwono ti Tumatyan na Ki, ama a ko tiki lepeŋat. 12#Mat 25.29; Mar 4.25; Luk 8.18; 19.26Kogwon ŋuto lo gwon ko ŋo lo mo ’ya ’yalaki kunie, a nye mo gwe ko ŋo jore parik; ama ŋuto logon ’bak nene ŋo lo, ma ’di ŋo na gwon ko lepeŋ na mo ’du ’dumaji kaŋo kanyit. 13Ŋina a kwe nagon nan jambu ko lepeŋat i lilimon, kogwon na meddi se na, a se tine gwulu; na yiŋge se na, a se tine yiŋga ’bura a tine kuruŋdyö. 14#Yis 6.9, 10Kulya na ke Yisaya koju kunu kokonaki i se adi,
Ta mo yiyiŋ daŋin jore ama a ta mo tine kurun asut; ta mo memet daŋin jore ama a ta mo tine gwulu;
15kogwon toilyet ti kilo ŋutu pomoni,
a swo kase yiŋge adi boriŋ,
a lepeŋat iŋge muk konyen kase.
Ko kodyö ti gwon sona lepeŋat kodyö memet ko konyen kase,
a yiŋe yiŋ ko swo kase,
a kuru kurun ko toilyet kase, a lopukuŋdye köyö ni,
a nan kodyö toke ’yi se.
16 #
Luk 10.23, 24 Ama ta a kalyoŋok kogwon ta a met ko konyen kasu, köti ta a yio ko swo kasu. 17’Diri nan takiŋdya ta adi, Nebijin jore se ko ŋutu lo rigwo jore gwon ko pusök i meddya na ŋo nagon ta a met kune, ama a tine met se, a se gwe ko pusok i yiŋga na ŋo nagon ta a yiŋ kune, ama a se tine yiŋ se.
Yesu tökoŋu tokoret na lilim lo kaweyanit
(Köti Marako 4.13-20; Luka 8.11-15)
18Nyena yiŋge ta lilim lo kaweyanit.
19Ko ŋuto a yiŋga kulyaet lo Tumatyan, ama a gwe a ko kurun, a ŋilo loron poŋdi po a jekaddi ŋo logon aje weki kanyit i töili kulo. Nyomot lo weki i merete lo kiko kulo gwon sona. 20Nyomot logon a weki a ’do ’done i kujöŋ nagon a röpökiŋdyö i lelya loki kulo a ŋuto logon ko aje yiŋga ŋilo kulyaet a ’de ’de wuji nye ko lyöŋön. 21A nye gwe gwoso nyomotti logon kokori a ko ’bekoddu kak, ama a mönuŋdye diŋit a na ’dit, ama i diŋit nagon lepeŋ a yöyöŋö ko a sasanya kogwon kulya ti lo kulyaet nu, ’de ’de a nye kukutorö bot.
22Nyomot logon a weki a ’do ’done i kiden na kikwa kulo ŋilo a ŋuto logon a yiŋga lo kulyaet, a wiwinyesi ti na kak, ko nyaŋu na tukworien ’deŋ lo kulyaet, a nye gwe a pudi. 23Ama nyomot lo weki i kujön na ’but kulo a ŋuto logon a yiŋga ŋilo kulyaet a kuru kurun. Lepeŋ ’diri totoran ludweki, kunie kusik ti ’bolot ko konyen mia geleŋ, kunie ko merya buker, kunie ko merya musala.
Lilim lo liabe
24A Yesu tukokiŋdye se lele lilim adi, Tumatyan na Ki gwon gwoso ŋuto logon wekiŋdya nyomot lo ’but kanyit i melesen; 25a nagon ŋutu liŋ aje doto nu, a miriku lo poŋdi a wekiŋdye liabe i ’bolot kata a iti tu. 26Nyena a ’bolot gwugwuŋge gwugwuggo, a gwe a losim, a liabe koti ’duruŋdye ki. 27a köliponok ti ŋilo ŋuto poŋdi ko lepeŋ ni, a pije adi, Duma likaŋ, do a ko wekiŋdya nyomot lo ’but konut i melesen le? Liabe kulo po ya? 28A nye waddi adi, Miriku lele aje koŋdya na ŋo. A kölipönök kulo pije lepeŋ adi, Do ’de ’dekan yi tu i ’boja na se? 29Ama a nye renyani adi, ’Bayin, kogwon na ’boji ta liabe nu, an ta böŋo ’dutuŋdyö kulye ’bolot ko se i pirit na geleŋ. 30Ti se liŋ ’duröddi i pirit na geleŋ tojo ko ŋera nase. A i diŋit ŋeret a nan mo takiŋdye kaŋerak adi, A kokwe pepene ta liabe, ko totorone ta se a kusikön anyen ’yu ’yura, ama momore ta ’bolot köyö i gugu.
Lilim lo nyomotti lo kiteta
(Köti Marako 4.30-32; Luka 13.18-19)
31A Yesu koti jamakiŋdye se lele lilim adi, Tumatyan na Ki gwon gwoso nyomotti lo kiteta logon lele ŋuto a ’dumun, a gubakiŋdye kanyit i melesen;
32ŋilo nyomotti a lo ’dit parik lwölwöŋ nyomot liŋ, ama ko aje ’duŋö a gwe a duma lwölwöŋ ’dötilön liŋ ti melesen a worani a ködini, nyena a kwen poŋdi i saka i kenia kanyit.
Lilim lo kape
(Köti Luka 13.20-21)
33A Yesu koti jamakiŋdye se lele lilim adi, Tumatyan na Ki gwon gwoso kape logon nene ŋuto a ’dumun, a polakiŋdye i pelela musala ti lojiet lo wi ’di tojo liŋ a yu.
Yesu jambu i lilimön
(Köti Marako 4.33-34)
34Yesu jamakiŋdya lodir lo ŋutu kine kulya liŋ i lilimön; nye a ko jamakiŋdya lepeŋat nene ŋo ’bak lilim.
35 #
Sau 78.2
Anyen kulya na jam nebi köju kunu kodyö kokona, adi,
Nan de jambu i lilimön,
a nan de tuŋge kulya nagon a ’dela suluja i gweya na kak.
Yesu a tökoŋu tokoret na lilim lo liabe
36A kirut Yesu kö ’yi lodir lo ŋutu, a nye lupöni kadi;
a ŋutu kanyit kajuju muk iti ko lepeŋ yu, a kulyani ko lepeŋ adi,
Tokuruki yi lilim lo liabe lo gwon i melesen.
37A nye waddi adi, Kaweya-nit lo nyomot lo ’but a nan ŋuro lo ŋuto. 38Melesen gwon a kak na. Nyomot lo ’but gwon a ŋwajik ti Tumatyan; liabe a ŋwajik ti ŋilo loron;
39a miriku lo weja liabe lo gwe a ka-ŋöönit; diŋit ŋeret gwon a ’dutet na kak; a kaŋerak gwe a malaikajin.
40Nyenagon gwoso nagon liabe a pepena a ’yurani ’yura ko kimaŋ na, nyena köti a mo gwe sona i ’dutet na na kak. 41A nan Ŋuro lo ŋuto mo soŋdi malaikajin kwe, a se mo pepenuŋdye kaŋo i Tumatyan nio ŋo liŋ nagon tiŋdu ŋutu i köpukö, se ko ŋutu liŋ lo koŋdya arabat kilo, 42a mo gubakiŋdye se i namet na kimaŋ; a se mo gwine gwien a mo pije kala nyu. 43a ŋutu ti loti lo rigwo mo kobbi kobbu gwoso kolor i tumatyan na Monye lose. ŋuto lo gwon ko swö yiŋesi ti nye yiŋge kine kulya.
Lilim lo tukwörien na ’dela
44Tumatyan na Ki gwon gwoso tukwörien nagon a ’delaki i melesen. A ŋuto iŋge ryö a köti yiköki nye kak; nyena a nye gwe ko lyöŋon, a iti tu, a tugwoŋi ŋo kanyit liŋ, a nye gwöruŋdye ŋina melesen.
Lilim lo margarita na gwöro go
45Koti Tumatyan na Ki gwon gwoso ŋuto katujaranit logon gaga ’yu ŋurupo nakwekwelen na luŋu a margaritajin.
46A nye ko ryeji nene geleŋ nagon joŋga gurut jore parik, a nye iti tu, a tugwöŋi ŋo kanyit liŋ, a gwöruŋdye ŋina margarita.
Lilim lo ku ’yi
47Köti Tumatyan na Ki gwon gwoso ku ’yi nagon a gubaki i tor kata a munuki i kiden na ki ’bojin murek, a iŋge momok gweyarijin liŋ ti somot. 48a ku ’yi ko jorene, a kalokak pikuŋdye nye i kijit, a se si ’dakine kak a nyumbe lo ’but i kupöjin, ama a lorok gubani kaŋo.
49A mo gwe sona i ’dutet na kak. A malaikajin mo poŋdi i nyumbo na ŋutu lorok i kiden na ŋutu lo ’but,
50a mo gubakiŋdye sei namet na kimaŋ; a se mo gwine gwien a mo pije kala nyu.
Ŋo ludukö ko go ti ’beron
51Ta aje kurun kine ŋo liŋ le? A se waddi lepeŋ adi, lye, yi aje kurun.
52A nye kulyani ko lepeŋat adi, Nyenagon katodinok liŋ ti Saresi ti Mose logon a todiniki kulya ti Tumatyan na Ki gwon gwoso monye ’baŋ logon ’dumuŋdya ŋo ludukö ko ti ’beron kanyit i pirit ’delet.
Ŋutu ti Najareta ti ’bön Yesu
(Köti Marako 6.1-6; Luka 4.16-30)
53A Yesu ko tutuŋge jambu kilo lilimon a nye kö ’yi ŋinu pirit. 54a nye iti kanyit köji, a todiŋdye kase i kadi momoret, a ŋutu iŋge soŋu, a totopine adi, Lo ŋuto ryo ŋina koŋon ya se ko kine kitajin sorosi? 55ŋilo ’bayin a ŋuro lo kaworonit lo bau le? Ŋote nanyit ’bayin luŋu a Maria le? Yakobo ko Yosepa ko Simona ko Yuda ŋona ’bayin a luŋasirik kanyit? 56Kiasirik kanyit liŋ ŋona ’bayin kayaŋ kiden le? Lepeŋ ryö kine ŋo liŋ ya? 57#Yoa 4.44A se iŋge ryo kulya ti lepeŋ a kopuket. Ama a Yesu kulyani ko lepeŋat adi, Nebi ti bula kanyit köji, ko kanyit midi, ama ŋutu bubu lepeŋ i kunie piriton. 58A lepeŋ gwe a ko koŋdya kitajin sorosi jore nyu kogwon se a ko yuŋ lepeŋ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bari Bible © United Bible Societies, 1979.