Matayo 12
12
Parusijin a pija Yesu i kulya ti Sabata
(Köli Marako 2.23-28; Luka 6.1-5)
1 #
Nyö 23.25
A i ŋinu diŋit i lor lo Sabata a yesu lwöŋöddi i meleseno ti ’bolot; a ŋutu kanyit kajujumuk gwe ko magor, a se suluje ri ’ya kusik ti ’bolot a nyesi nyesu. 2Ama a na meddi Parusijin kine ŋo nu, a se kulyani ko lepeŋ adi, Meddi, Ŋutu kulok kajujumuk koŋdya ŋo nagon saresi a ko ruk nagon kodyö ti kona i lor lo Sabata.
3 #
1 Sam 21.1-6
A nye pije lepeŋat adi, Ta a ko ken ŋo nagon Dawidi koju a kon i diŋit nagon lepeŋ se ko ŋutu kanyit gwon ko magor le? 4#Lew 24.9Lepeŋ koju a lupö i Kadi na Ŋun, a nye nyesi ambata na peta ko Ŋun i komor, nagon saret a ko ruk lepeŋ i nyesu kode ŋutu lo gwon ko lepeŋ kulo, ama tuŋ kiŋanejin lo ruköki i nyesu. 5#Ken 28.9, 10Kode ta ŋona a ko ken i Saresi ti Mose le? Adi, i lor lo Sabata kiŋanejin lo kita i Kadi na Ŋun kulo kokoŋu Sabata, ama se a ko lyaŋan. 6Nan takiŋdya ta adi ŋo duma kata ni nagon Iwolwöŋ Kadi na Ŋun.
7 #
Mat 9.13;
Ose 6.6
A ko ta kodyö deden ko kilo kulyaesi kweja nyo adi. Ŋun ’de ’dekan won na konyen, ti gwon i tiŋdu na rubaŋgajin, a ta kodyö tine ’duŋökiŋdyö ŋutu lo ’bak kulya arabat. 8Kogwon nan Ŋuro lo ŋuto a matat lo Sabata.
Ŋuto logon konin a lokworok
(Koti Marako 3.1-6; Luka 6.6-11)
9A Yesu iti ŋerot nyu a luponi kase i kadi momoret. 10Nyena mete, a lele ŋuto gwe nyu logon könin a lokworok. A kulye ŋutu pije Yesu adi, Saret a ruk adi ŋona a na ’but i toke ’ya na ŋuto i lor lo Sabata le? Lepeŋat pija sona anyen se bubulo ryeju toron nagon adi lepeŋ a kon. 11#Luk 14.5A nye pije lepeŋat adi, Lon ŋuto losu logon gwon ko kobilityo geleŋ, a ko kodyö ŋina kobilityo a ’doro i dili i lor lo Sabata, nye ŋona ti mok nye a pikuŋdye nye kaŋo le?
12Nyena ŋuto gwon ko ’bulit a duma bia parik lwolwoŋ kobilityo! Nyena saret a ruk adi ti ŋo na ’but konani kona i lor lo Sabata. 13Nyena a nye takiŋdye ŋuto lo adi, Rioro konin ilot. A ŋuto lo riöddi riöddu a konin lo lepeŋ gwe a lo ’but gwoso lele lo. 14Ama a Parusijin lupuŋdye kaŋo i kadi momoret a teteŋdi yeyeet nagon mwönyörikin Yesu, ko lepeŋ tatua ada.
Koliponit logon ŋun a wulun
15A Yesu iŋge den, a nye kö ’yi ŋinu pirit. A ŋutu jore kepoddi lepeŋ, a nye toke ’yi se liŋ, 16a nye kukuji se adi, an se ködyö tin nye i dena. 17Anyen kulya na jam MATAT ko nebi Yisaya i kutuk koju kunu ködyö kokona adi,
18 #
Yis 42.1-4
Malo koliponit liŋ logon nan a wulun,
lo nyanyara liŋ logon toili liŋ a lyoŋgi lo.
Nan mo tiŋdu Mulökötyo liŋ ko lepeŋ i mugun,
a nye mo laikiŋdye ’duŋgö na rigwo i juron;
19a nye mo tine rerenya a tine woŋon;
a lele ŋuto mo tine yiŋ gworo lonyit i kikolin.
20A nye mo tine ’beleŋgu pa ’duŋi logon a ryoka,
a mo tine tatuja kimaŋ i pata na lombo nagon nyore kana,
tojo ko nye aje sonyoro ’duŋgo na rigwo i te ’ya.
21A juron mo yeŋdi karin kanyit.
Yesu a Ŋoki adi lepeŋ gwon ko mulökötyo loron logon a Belejebula
(Koti Marako 3.19-30; Luka 11.14-23)
22A kulye ŋutu joŋdi ŋuto ko Yesu ni. Ŋilo ŋuto gwon ko mulökötyo loron logon tiŋdu lepeŋ gwon a mo ’doke ko a mumut, a Yesu toke ’yi lepeŋ. Nyena a ŋuto logon a mumut lo jambi jambu, a meddi meddya. 23A ŋutu liŋ soŋi soŋu, a totopine ko ’borik adi, Ŋilo ŋuto ŋona a Ŋuro lo Dawidi le? 24#Mat 9.34; 10.25Ama a na yiŋge Parusijin nu, a se kulyani adi, Lo ŋuto rikoddu muloko lorok kaŋo tuŋ ko riŋit na Belejebula duma lo muloko lorok. 25a nye ko dene yeyeesi kase. a kulyani ko lepeŋat adi, Tumatyanjin liŋ nagon a koŋa ’borik kine kokoŋu, a ko nene köji kode nene mede a koŋa mugun a nye mo tine yeŋon.
26A ko Satani rikoddu Satani kaŋo, Satani a koŋa mugun; a tumatyan nanyit gwo ’de ada? 27A ko nan rikoddu muloko lorok ko riŋit na Belejebula, a ŋutu kasu rikörö se kaŋo ko riŋit niŋa? Nyenagon a se mo lo lilije kulya kasu.
28Ama ko nan kita ko Mulökötyo lo Ŋun anyen rikoddu muloko lorok kaŋo, nyena dene ta den adi Tumatyan na Ŋun ’diri aje yepuŋdya kasu.
29Kode köti ŋuto bubulö lupö ada ko ŋuto lo riŋit kadi i ryaggu na tito kanyit? A kokwe kiyaŋ lepeŋ totor ŋuto lo riŋit lo, a kirut a nye ’diri bulöni bulo ryaggu kadi nanyit.
30 #
Mar 9.40
Nye logön ti gwon köyö i swöt lo mömörö ko nan, a nye logon tine pepeŋdya ko nan i pirit na geleŋ lo totorekiŋdya.
31Nyenagon nan takiŋdya ta adi, ŋutu mo pipitöki i toronjin liŋ se ko laesi liŋ nagon se a lauŋdye Ŋun kine, ama ŋuto logon lauŋdya Mulökötyo Loke lo mo ti pitöki. 32#Luk 12.10Ko ŋa lo jambu kulya kwe ti Ŋuro lo ŋuto arabat mo pipitöki; ama ko ŋa lo jambu kulya ti Mulökötyo Loke arabat mo ti pitöki ma ’di i na diŋit kode i diŋit na popo.
Ködini dena i ludweki kanyit
(Köli Matayo 7.15-20; Luka 6.43-45)
33 #
Mat 7.20; Luk 6.44 Ludweki lo ’but agu rye i ködini lö ’but, a ludweki lorok agu ryeni i ködini loron, kogwon ködini a dena i ludweki kanyit. 34#Mat 3.7; 23.33; Luk 3.7; Mat 15.18; Luk 6.45Ta torela ti munuö! Ta bubulö jambu kulya na ’but ada a ta ko ’börik a lorok? Kogwon kulya jore na gwon ko ŋuto i töili kune pupukun kaŋo kanyit i kutuk. 35Ŋuto lo ’but topukuŋdyö kaŋo ŋo na ’but i kulya na ’but nagon a ’dela kanyit i töili kune, köti ŋuto loron topukuŋdyö kaŋö ŋö narok i kulya narok nagon a ’dela kanyit i töili kune.
36Nan takiŋdya ta adi, kulyaesi liŋ logon ŋutu jajam a wuya kilo mo piyarikin lepeŋat i lor ’duŋet lo putet.
37Kogwon kulyaesi kulök mo lo tiŋdu do kurwe a loke, a kulyaesi kulök mo lo tiŋdi do ’duŋöki arabat.
Ŋutu ’de ’dekan meddya kweyesi
(Köli Marako 8.11-12; Luka 11.29-32)
38 #
Mat 16.1; Mar 8.11; Luk 11.16 A kulye katodinok ti Saresi ti Mose se ko Parusijin kulyani ko Yesu adi, Katodinönit, yi ’dek metuŋdya kweyet konut. 39#Mat 16.4; Mar 8.12Ama a nye waddi lepeŋat adi, Toberon na ŋutu lorok logon a paju Ŋun kulo gaga ’yu kweyet. ama kweyet mo ti kweki lepeŋat, ka ’de kweyet na nebi Yona. 40#Yon 1.17Kogwon gwoso na gwoŋdi Yona ko sumuti i pele perok musala, ko tuparan ko tukwaje nu, a nan Ŋuro lo ŋuto köti mo nukakine kak a gwe nyu perok musala ko tuparan ko tukwaje. 41#Yon 3.5Ŋutu ti Ninewe mo ŋiŋien ki i lor ’duŋet lo putet lo ŋutu ti na toberon, a mo ’duŋöki kulya kase arabat, kogwon se löpuggö töilyet kase ko tokujo na Yona; nyena mete ta, ŋo duma kokona ni nagon lwölwöŋ Yona. 42#1 Mor 10.1-10; 2 Dek 9.1-12Mor na swot lo Loki mo ŋiŋien ki i lor ’duŋet lo putet lo ŋutu ti na toberon, a mo ’duŋöki kulya kase arabat; kogwon nye köju a po i ’dutet na kak i yiŋga na koŋon na Solomona; nyena mete ta, ŋo duma kata ni nagon lwölwöŋ Solomona.
Yitwe na mulökötyo loron ko ŋuto i töili
(Köli Luka 11.24-26)
43A nagon mulökotyo loron aje po kaŋo ko ŋuto i mugun nu, a worojine i piriton nagon ’bak pioŋ gaga ’yu yukan, ama a nye tine ryö pirit. 44a nye kulyani adi, Nan de yiyitwe köyö i mede nagon nan po kata nu. A nye ko ’dure, a nye ryeji nu kadi gwon kana, a reya a nake, ko a kukuna ’bura. 45Nyena a nye iti tu, a joŋdi kulye mulöko lorok buryo logon lwölwöŋ nye, a se liŋ luponi lukata a si ’dani nyu, a gwiliŋit lo ŋilo ŋuto i ’dutet worani a loron parik Iwolwöŋ lo kokwe lu. Köti a mo poki sona i na toberon na ŋutu lorok.
Ŋote Yesu se ko luŋasirik ti Yesu a po
(Köli Marako 3.31-35; Luka 8.19-21)
46A nagon Yesu nyuŋ kukulya ko ŋutu nu, mete, a ŋote se ko luŋasirik kanyit gwo ’de kaŋo, ’de ’dekan jambu ko lepeŋ. 47A lele ŋuto kulyani ko lepeŋ adi, Meddi, ŋuti ko luŋösurök kulu gwo ’dan kaŋo ’dek jambu ko do.
48Ama a Yesu pije ŋuto lo takiŋdya lepeŋ lo adi, Ŋa nagon a yaŋgo? Ko ŋa logon a luŋasirik kwe? 49a Yesu yuddye ŋutu kanyit kajujumuk kulo, a kulyani adi, Kulo ŋutu a yaŋgo ko a luŋasirik kwe! 50Kogwon ŋuto logon kökon ŋo nagon Baba lo gwon ki lu ’de ’dekan na, nye lo gwon a luŋaser liŋ, ko a kiaser nio, ko a yaŋgo.
Currently Selected:
Matayo 12: BBE
Highlight
Copy
Compare
Share
Want to have your highlights saved across all your devices? Sign up or sign in
Bari Bible © United Bible Societies, 1979.
Matayo 12
12
Parusijin a pija Yesu i kulya ti Sabata
(Köli Marako 2.23-28; Luka 6.1-5)
1 #
Nyö 23.25
A i ŋinu diŋit i lor lo Sabata a yesu lwöŋöddi i meleseno ti ’bolot; a ŋutu kanyit kajujumuk gwe ko magor, a se suluje ri ’ya kusik ti ’bolot a nyesi nyesu. 2Ama a na meddi Parusijin kine ŋo nu, a se kulyani ko lepeŋ adi, Meddi, Ŋutu kulok kajujumuk koŋdya ŋo nagon saresi a ko ruk nagon kodyö ti kona i lor lo Sabata.
3 #
1 Sam 21.1-6
A nye pije lepeŋat adi, Ta a ko ken ŋo nagon Dawidi koju a kon i diŋit nagon lepeŋ se ko ŋutu kanyit gwon ko magor le? 4#Lew 24.9Lepeŋ koju a lupö i Kadi na Ŋun, a nye nyesi ambata na peta ko Ŋun i komor, nagon saret a ko ruk lepeŋ i nyesu kode ŋutu lo gwon ko lepeŋ kulo, ama tuŋ kiŋanejin lo ruköki i nyesu. 5#Ken 28.9, 10Kode ta ŋona a ko ken i Saresi ti Mose le? Adi, i lor lo Sabata kiŋanejin lo kita i Kadi na Ŋun kulo kokoŋu Sabata, ama se a ko lyaŋan. 6Nan takiŋdya ta adi ŋo duma kata ni nagon Iwolwöŋ Kadi na Ŋun.
7 #
Mat 9.13;
Ose 6.6
A ko ta kodyö deden ko kilo kulyaesi kweja nyo adi. Ŋun ’de ’dekan won na konyen, ti gwon i tiŋdu na rubaŋgajin, a ta kodyö tine ’duŋökiŋdyö ŋutu lo ’bak kulya arabat. 8Kogwon nan Ŋuro lo ŋuto a matat lo Sabata.
Ŋuto logon konin a lokworok
(Koti Marako 3.1-6; Luka 6.6-11)
9A Yesu iti ŋerot nyu a luponi kase i kadi momoret. 10Nyena mete, a lele ŋuto gwe nyu logon könin a lokworok. A kulye ŋutu pije Yesu adi, Saret a ruk adi ŋona a na ’but i toke ’ya na ŋuto i lor lo Sabata le? Lepeŋat pija sona anyen se bubulo ryeju toron nagon adi lepeŋ a kon. 11#Luk 14.5A nye pije lepeŋat adi, Lon ŋuto losu logon gwon ko kobilityo geleŋ, a ko kodyö ŋina kobilityo a ’doro i dili i lor lo Sabata, nye ŋona ti mok nye a pikuŋdye nye kaŋo le?
12Nyena ŋuto gwon ko ’bulit a duma bia parik lwolwoŋ kobilityo! Nyena saret a ruk adi ti ŋo na ’but konani kona i lor lo Sabata. 13Nyena a nye takiŋdye ŋuto lo adi, Rioro konin ilot. A ŋuto lo riöddi riöddu a konin lo lepeŋ gwe a lo ’but gwoso lele lo. 14Ama a Parusijin lupuŋdye kaŋo i kadi momoret a teteŋdi yeyeet nagon mwönyörikin Yesu, ko lepeŋ tatua ada.
Koliponit logon ŋun a wulun
15A Yesu iŋge den, a nye kö ’yi ŋinu pirit. A ŋutu jore kepoddi lepeŋ, a nye toke ’yi se liŋ, 16a nye kukuji se adi, an se ködyö tin nye i dena. 17Anyen kulya na jam MATAT ko nebi Yisaya i kutuk koju kunu ködyö kokona adi,
18 #
Yis 42.1-4
Malo koliponit liŋ logon nan a wulun,
lo nyanyara liŋ logon toili liŋ a lyoŋgi lo.
Nan mo tiŋdu Mulökötyo liŋ ko lepeŋ i mugun,
a nye mo laikiŋdye ’duŋgö na rigwo i juron;
19a nye mo tine rerenya a tine woŋon;
a lele ŋuto mo tine yiŋ gworo lonyit i kikolin.
20A nye mo tine ’beleŋgu pa ’duŋi logon a ryoka,
a mo tine tatuja kimaŋ i pata na lombo nagon nyore kana,
tojo ko nye aje sonyoro ’duŋgo na rigwo i te ’ya.
21A juron mo yeŋdi karin kanyit.
Yesu a Ŋoki adi lepeŋ gwon ko mulökötyo loron logon a Belejebula
(Koti Marako 3.19-30; Luka 11.14-23)
22A kulye ŋutu joŋdi ŋuto ko Yesu ni. Ŋilo ŋuto gwon ko mulökötyo loron logon tiŋdu lepeŋ gwon a mo ’doke ko a mumut, a Yesu toke ’yi lepeŋ. Nyena a ŋuto logon a mumut lo jambi jambu, a meddi meddya. 23A ŋutu liŋ soŋi soŋu, a totopine ko ’borik adi, Ŋilo ŋuto ŋona a Ŋuro lo Dawidi le? 24#Mat 9.34; 10.25Ama a na yiŋge Parusijin nu, a se kulyani adi, Lo ŋuto rikoddu muloko lorok kaŋo tuŋ ko riŋit na Belejebula duma lo muloko lorok. 25a nye ko dene yeyeesi kase. a kulyani ko lepeŋat adi, Tumatyanjin liŋ nagon a koŋa ’borik kine kokoŋu, a ko nene köji kode nene mede a koŋa mugun a nye mo tine yeŋon.
26A ko Satani rikoddu Satani kaŋo, Satani a koŋa mugun; a tumatyan nanyit gwo ’de ada? 27A ko nan rikoddu muloko lorok ko riŋit na Belejebula, a ŋutu kasu rikörö se kaŋo ko riŋit niŋa? Nyenagon a se mo lo lilije kulya kasu.
28Ama ko nan kita ko Mulökötyo lo Ŋun anyen rikoddu muloko lorok kaŋo, nyena dene ta den adi Tumatyan na Ŋun ’diri aje yepuŋdya kasu.
29Kode köti ŋuto bubulö lupö ada ko ŋuto lo riŋit kadi i ryaggu na tito kanyit? A kokwe kiyaŋ lepeŋ totor ŋuto lo riŋit lo, a kirut a nye ’diri bulöni bulo ryaggu kadi nanyit.
30 #
Mar 9.40
Nye logön ti gwon köyö i swöt lo mömörö ko nan, a nye logon tine pepeŋdya ko nan i pirit na geleŋ lo totorekiŋdya.
31Nyenagon nan takiŋdya ta adi, ŋutu mo pipitöki i toronjin liŋ se ko laesi liŋ nagon se a lauŋdye Ŋun kine, ama ŋuto logon lauŋdya Mulökötyo Loke lo mo ti pitöki. 32#Luk 12.10Ko ŋa lo jambu kulya kwe ti Ŋuro lo ŋuto arabat mo pipitöki; ama ko ŋa lo jambu kulya ti Mulökötyo Loke arabat mo ti pitöki ma ’di i na diŋit kode i diŋit na popo.
Ködini dena i ludweki kanyit
(Köli Matayo 7.15-20; Luka 6.43-45)
33 #
Mat 7.20; Luk 6.44 Ludweki lo ’but agu rye i ködini lö ’but, a ludweki lorok agu ryeni i ködini loron, kogwon ködini a dena i ludweki kanyit. 34#Mat 3.7; 23.33; Luk 3.7; Mat 15.18; Luk 6.45Ta torela ti munuö! Ta bubulö jambu kulya na ’but ada a ta ko ’börik a lorok? Kogwon kulya jore na gwon ko ŋuto i töili kune pupukun kaŋo kanyit i kutuk. 35Ŋuto lo ’but topukuŋdyö kaŋo ŋo na ’but i kulya na ’but nagon a ’dela kanyit i töili kune, köti ŋuto loron topukuŋdyö kaŋö ŋö narok i kulya narok nagon a ’dela kanyit i töili kune.
36Nan takiŋdya ta adi, kulyaesi liŋ logon ŋutu jajam a wuya kilo mo piyarikin lepeŋat i lor ’duŋet lo putet.
37Kogwon kulyaesi kulök mo lo tiŋdu do kurwe a loke, a kulyaesi kulök mo lo tiŋdi do ’duŋöki arabat.
Ŋutu ’de ’dekan meddya kweyesi
(Köli Marako 8.11-12; Luka 11.29-32)
38 #
Mat 16.1; Mar 8.11; Luk 11.16 A kulye katodinok ti Saresi ti Mose se ko Parusijin kulyani ko Yesu adi, Katodinönit, yi ’dek metuŋdya kweyet konut. 39#Mat 16.4; Mar 8.12Ama a nye waddi lepeŋat adi, Toberon na ŋutu lorok logon a paju Ŋun kulo gaga ’yu kweyet. ama kweyet mo ti kweki lepeŋat, ka ’de kweyet na nebi Yona. 40#Yon 1.17Kogwon gwoso na gwoŋdi Yona ko sumuti i pele perok musala, ko tuparan ko tukwaje nu, a nan Ŋuro lo ŋuto köti mo nukakine kak a gwe nyu perok musala ko tuparan ko tukwaje. 41#Yon 3.5Ŋutu ti Ninewe mo ŋiŋien ki i lor ’duŋet lo putet lo ŋutu ti na toberon, a mo ’duŋöki kulya kase arabat, kogwon se löpuggö töilyet kase ko tokujo na Yona; nyena mete ta, ŋo duma kokona ni nagon lwölwöŋ Yona. 42#1 Mor 10.1-10; 2 Dek 9.1-12Mor na swot lo Loki mo ŋiŋien ki i lor ’duŋet lo putet lo ŋutu ti na toberon, a mo ’duŋöki kulya kase arabat; kogwon nye köju a po i ’dutet na kak i yiŋga na koŋon na Solomona; nyena mete ta, ŋo duma kata ni nagon lwölwöŋ Solomona.
Yitwe na mulökötyo loron ko ŋuto i töili
(Köli Luka 11.24-26)
43A nagon mulökotyo loron aje po kaŋo ko ŋuto i mugun nu, a worojine i piriton nagon ’bak pioŋ gaga ’yu yukan, ama a nye tine ryö pirit. 44a nye kulyani adi, Nan de yiyitwe köyö i mede nagon nan po kata nu. A nye ko ’dure, a nye ryeji nu kadi gwon kana, a reya a nake, ko a kukuna ’bura. 45Nyena a nye iti tu, a joŋdi kulye mulöko lorok buryo logon lwölwöŋ nye, a se liŋ luponi lukata a si ’dani nyu, a gwiliŋit lo ŋilo ŋuto i ’dutet worani a loron parik Iwolwöŋ lo kokwe lu. Köti a mo poki sona i na toberon na ŋutu lorok.
Ŋote Yesu se ko luŋasirik ti Yesu a po
(Köli Marako 3.31-35; Luka 8.19-21)
46A nagon Yesu nyuŋ kukulya ko ŋutu nu, mete, a ŋote se ko luŋasirik kanyit gwo ’de kaŋo, ’de ’dekan jambu ko lepeŋ. 47A lele ŋuto kulyani ko lepeŋ adi, Meddi, ŋuti ko luŋösurök kulu gwo ’dan kaŋo ’dek jambu ko do.
48Ama a Yesu pije ŋuto lo takiŋdya lepeŋ lo adi, Ŋa nagon a yaŋgo? Ko ŋa logon a luŋasirik kwe? 49a Yesu yuddye ŋutu kanyit kajujumuk kulo, a kulyani adi, Kulo ŋutu a yaŋgo ko a luŋasirik kwe! 50Kogwon ŋuto logon kökon ŋo nagon Baba lo gwon ki lu ’de ’dekan na, nye lo gwon a luŋaser liŋ, ko a kiaser nio, ko a yaŋgo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bari Bible © United Bible Societies, 1979.