Yuörö 25
25
Ŋutu ti Yisaraele ködyö joŋdya ’dokesi
(Köti Yuörö 35.4-9)
1A MATAT kulyani ko Mose adi, 2Taki Ŋutu ti Yisaraele anyen se jakiŋdya nan ’dokesi; a ta ködyö wuji ŋo nagon ’dokarikin nan kune i Ŋutu liŋ logon ’dogga ko tupalikan na töilyet kulo. 3A kune gwe a ’dokesi nagon ta ködyö wuwu kase, kweja adi, dakap, ko pödö, ko mölwö; 4ko waro naŋem, ko na ’bule, ko nator; ko boŋgo na tetena ko waro pisite na sirita a namin, ko kupir ti yidin; 5ko gobero ti lopijoki nagon a ŋinya, ko gobero ti kijakwa lo si ’da i pioŋ kata kulo, ko kaden ’bokolot; 6ko welet na lombojin, ko kwakwa ti kaden na mon ’bura nagon a ti welet na welaki ’e Ŋutu lo kitakiŋdya MATAT kulo, ko a ti bökur lo mon paleleŋ; 7ko ŋurupö nakwe-kwelen nagon a berilo, se ko ŋurupö nagon jojo to ’depaki a tokwelenyesi ti epoda ko ti muket na kido. 8Ti se tetenakiŋdye nan pirit nake na rurwan, anyen nan böŋö gwon kase kiden. 9A do ködyö teteŋdi lepeŋ gwoso i ŋo liŋ nagon nan a kwekin do kune i lomirakin na kemia, ko i lomirakin na tito kanyit liŋ.
Saŋduk na Tokoret
(Köti Yuörö 37.1-9)
10Ti se teteŋdi kaden ’bokolot a saŋduk. Tojolan nanyit a lokiliŋan murek ko swöt, ko tugalaŋ nanyit a lokiliŋ geleŋ ko swöt, a tojolan nanyit ki gwe a lokiliŋ geleŋ ko swöt. 11A do ködyö muluje lepeŋ ko dakap nake lukata ko kaŋo Köti, a do tetenakiŋdye geŋesi logon a dakap kanyit loki lorga nye. 12a do nitökiŋdye lepeŋ re Iŋwan nagon a dakap, a do tiŋdi se i gwo ’diesi kanyit Iŋwan kulo; re murek ködyö gwon i merete lonyit geleŋ, ko kunie re murek kune i lele-merete lonyit. 13a do teteŋdi turya logon a kaden ’bokolot a muluje se ko dakap. 14a do sukiŋdye kilo turya i re lukata na gwon i mara ti saŋduk kune, anyen ’dokorikin ŋina saŋduk. 15Kilo turya ködyö gwon i lukata na re ti saŋduk; se ködyö ti bulö ’dötöji kaŋo kanyit. 16A do ködyö tiŋdi ŋurupö tökoresi nagon nan mo titikin do kune i ŋina saŋduk lukata.
17 #
Eb 9.5
A do teteŋdi muket na saŋduk ko dakap nake, ŋina muket toronjin lala kata. Tojolan na ŋina muket a lokiliŋan murek ko swöt, ko tugalaŋ nanyit a lokiliŋ geleŋ ko swöt. 18A do ködyö niddye dakap a kerubajin murek; a do tetenakiŋdye se i ’dutesi murek ti muket nagon toronjin lala kata na.
19Tetenakiŋdye keruba geleŋ i nene ’dutet keruba geleŋ i nene ’dutet; do tetenuŋdya kilo kerubajin murek a ŋo na geleŋ ko muket nagon toronjin lala kata na i ’dutesi kanyit murek kune.
20A kerubajin ködyö pakiŋdye köpu-kön kase ki i muggö na muket nagon toronjin lala kata na, a komorsikan kase todire todir; a komorsikan kase diŋe muket nagon toronjin lala kata na. 21A do mukökiŋdye muket nagon toronjin lala kata na i ŋina saŋduk loki; a do tiŋdi ŋurupö tökoresi nagon nan mo titikin do na i ŋina saŋduk lukata.
22A nan mo momorani ko do nyu. A nan mo gwe i wöli i loki na muket nagon toronjin lala kata na nagon gwon i kiden na kerubajin murek lo gwon i loki na nu saŋduk na tökoresi, a nan mo jamakiŋdye do kulya liŋ nagon nan mo titikin do anyen sararikin Ŋutu ti Yisaraele kune.
Misa nagon petarikin ambata ko Ŋun i komor
(Köti Yuörö 37.10-16)
23A do ködyö teteŋdi kaden ’bokolot a misa. Tojolan nanyit a lokiliŋan murek, ko tugalaŋ nanyit a lokiliŋ geleŋ, a tojolan nanyit ki gwe a lokiliŋ geleŋ ko swöt. 24a do muluje lepeŋ ko dakap nake, a do teteŋdi geŋesi logon a dakap lorga nye. 25a do teteŋdi lepeŋ ko kaden nagon görörikin mara kanyit, nagon tugalaŋ nase a ’dapanit geleŋ na könin; a do tetenakiŋdye kine görösi geŋesi logon a dakap lorga se. 26a do nitökiŋdye ŋina misa re Iŋwan nagon a dakap, a do tiŋdi kine re i goŋesi Iŋwan i mokosi kanyit Iŋwan kulo. 27Kine re ködyö diŋö ko görösi kune, kita nase sŋorikin turya logon ’dököri ŋina misa. 28A do teteŋdi kaden ’bokolot a turya, a muluje se ko dakap, a misa ködyö ’dokoni ko se. 29A do teteŋdi kalabajin kanyit, ko ’yulukutan kanyit nagon a ti bökur, ko lupunikö kanyit, se ko lulu-rön kanyit logon a ti rubaŋgajin ’bu ’bukesi; do ködyö teteŋdya se ko dakap nake. 30#Lew 24.5-8 A do petakiŋdye ambatajin i misa köyö i komor ŋupi. Kine ambatajin peta köyö i komor nan ŋun.
Gwo ’diet lo lombojin logon a dakap
(Köti Yuörö 37.17-24)
31A do ködyö teteŋdi dakap nake a gwo ’diet lo lombojin. Mukök nanyit ko ködini lonyit ködyö tetena ko dakap na ninitö; a kalabajin kanyit nagon gwoso köturön, nagon a paju kutusen a gwe ko mukökö kase a natulurak kune, ködyö gwe a po geleŋ ko lepeŋ. 32a kenia kanyit ködyö gwe buker gwoso na wilun kapo kanyit i mara; kenia ti gwo ’diet lo lombojin kune musala i swöt lonyit geleŋ, ko kunie musala i lele swöt lonyit. 33a kalabajin musala na gweya gwoso köturön ti sakeda, nagon a paju kutusen a gwe ko mukökö kase a natulurak kune gwe i kene geleŋ, a kalabajin musala na gweya gwoso köturön ti sakeda, nagon a paju kutusen a gwe ko mukökö kase a natulurak kune gwe i kene geleŋ. Nyena a kenia buker liŋ na meta gwoso na wilun kapo i lu gwo ’diet lo lombojin kune gwe sona. 34a i lu gwo ’diet i ködini lonyit, a ködyö gwe a kalabajin Iŋwan na gweya gwoso köturön ti sakeda, nagon a ŋaju kutusen a gwe ko mukökö kase a natulurak kune; 35a ŋo natulurak gwoso mukökö ti kine köturön nagon a ŋo geleŋ ko ködini kune, gwe geleŋ i mukök na kenia murek geleŋ i mukök na kenia murek i kine kenia buker liŋ, nagon meta gwoso na wilun kaŋo i lu gwo ’diet lo lombojin. 36Kweja adi kine ŋo natulurak nagon gwoso mukökö ti köturön, se ko kenia nagon meta gwoso a wilun i ködini kune ködyö gwon a ŋo geleŋ ko ŋilo ködini, a iŋge nitwe i dakap nake. 37a do tetenakiŋdye lepeŋ lombojin buryo; a kilo lombojin togwi ’dikine i gwo ’diet loki, anyen pararaaddu kanyit ŋerot. 38a ŋwakesi kanyit ko ta ’doka kanyit tetenani ko dakap nake. 39A dakap nake nagon temuŋdya a talenta geleŋ ködyö tetenani ŋilo gwo ’diet lo lombojin se ko kine ŋo kanyit liŋ. 40#Kon 7.44; Eb 8.5 Nyena mete met ’bura adi ti do tetene teten se gwoso lomirakin lose logon a kweki do i mere lu.
Currently Selected:
Yuörö 25: BBE
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.
Yuörö 25
25
Ŋutu ti Yisaraele ködyö joŋdya ’dokesi
(Köti Yuörö 35.4-9)
1A MATAT kulyani ko Mose adi, 2Taki Ŋutu ti Yisaraele anyen se jakiŋdya nan ’dokesi; a ta ködyö wuji ŋo nagon ’dokarikin nan kune i Ŋutu liŋ logon ’dogga ko tupalikan na töilyet kulo. 3A kune gwe a ’dokesi nagon ta ködyö wuwu kase, kweja adi, dakap, ko pödö, ko mölwö; 4ko waro naŋem, ko na ’bule, ko nator; ko boŋgo na tetena ko waro pisite na sirita a namin, ko kupir ti yidin; 5ko gobero ti lopijoki nagon a ŋinya, ko gobero ti kijakwa lo si ’da i pioŋ kata kulo, ko kaden ’bokolot; 6ko welet na lombojin, ko kwakwa ti kaden na mon ’bura nagon a ti welet na welaki ’e Ŋutu lo kitakiŋdya MATAT kulo, ko a ti bökur lo mon paleleŋ; 7ko ŋurupö nakwe-kwelen nagon a berilo, se ko ŋurupö nagon jojo to ’depaki a tokwelenyesi ti epoda ko ti muket na kido. 8Ti se tetenakiŋdye nan pirit nake na rurwan, anyen nan böŋö gwon kase kiden. 9A do ködyö teteŋdi lepeŋ gwoso i ŋo liŋ nagon nan a kwekin do kune i lomirakin na kemia, ko i lomirakin na tito kanyit liŋ.
Saŋduk na Tokoret
(Köti Yuörö 37.1-9)
10Ti se teteŋdi kaden ’bokolot a saŋduk. Tojolan nanyit a lokiliŋan murek ko swöt, ko tugalaŋ nanyit a lokiliŋ geleŋ ko swöt, a tojolan nanyit ki gwe a lokiliŋ geleŋ ko swöt. 11A do ködyö muluje lepeŋ ko dakap nake lukata ko kaŋo Köti, a do tetenakiŋdye geŋesi logon a dakap kanyit loki lorga nye. 12a do nitökiŋdye lepeŋ re Iŋwan nagon a dakap, a do tiŋdi se i gwo ’diesi kanyit Iŋwan kulo; re murek ködyö gwon i merete lonyit geleŋ, ko kunie re murek kune i lele-merete lonyit. 13a do teteŋdi turya logon a kaden ’bokolot a muluje se ko dakap. 14a do sukiŋdye kilo turya i re lukata na gwon i mara ti saŋduk kune, anyen ’dokorikin ŋina saŋduk. 15Kilo turya ködyö gwon i lukata na re ti saŋduk; se ködyö ti bulö ’dötöji kaŋo kanyit. 16A do ködyö tiŋdi ŋurupö tökoresi nagon nan mo titikin do kune i ŋina saŋduk lukata.
17 #
Eb 9.5
A do teteŋdi muket na saŋduk ko dakap nake, ŋina muket toronjin lala kata. Tojolan na ŋina muket a lokiliŋan murek ko swöt, ko tugalaŋ nanyit a lokiliŋ geleŋ ko swöt. 18A do ködyö niddye dakap a kerubajin murek; a do tetenakiŋdye se i ’dutesi murek ti muket nagon toronjin lala kata na.
19Tetenakiŋdye keruba geleŋ i nene ’dutet keruba geleŋ i nene ’dutet; do tetenuŋdya kilo kerubajin murek a ŋo na geleŋ ko muket nagon toronjin lala kata na i ’dutesi kanyit murek kune.
20A kerubajin ködyö pakiŋdye köpu-kön kase ki i muggö na muket nagon toronjin lala kata na, a komorsikan kase todire todir; a komorsikan kase diŋe muket nagon toronjin lala kata na. 21A do mukökiŋdye muket nagon toronjin lala kata na i ŋina saŋduk loki; a do tiŋdi ŋurupö tökoresi nagon nan mo titikin do na i ŋina saŋduk lukata.
22A nan mo momorani ko do nyu. A nan mo gwe i wöli i loki na muket nagon toronjin lala kata na nagon gwon i kiden na kerubajin murek lo gwon i loki na nu saŋduk na tökoresi, a nan mo jamakiŋdye do kulya liŋ nagon nan mo titikin do anyen sararikin Ŋutu ti Yisaraele kune.
Misa nagon petarikin ambata ko Ŋun i komor
(Köti Yuörö 37.10-16)
23A do ködyö teteŋdi kaden ’bokolot a misa. Tojolan nanyit a lokiliŋan murek, ko tugalaŋ nanyit a lokiliŋ geleŋ, a tojolan nanyit ki gwe a lokiliŋ geleŋ ko swöt. 24a do muluje lepeŋ ko dakap nake, a do teteŋdi geŋesi logon a dakap lorga nye. 25a do teteŋdi lepeŋ ko kaden nagon görörikin mara kanyit, nagon tugalaŋ nase a ’dapanit geleŋ na könin; a do tetenakiŋdye kine görösi geŋesi logon a dakap lorga se. 26a do nitökiŋdye ŋina misa re Iŋwan nagon a dakap, a do tiŋdi kine re i goŋesi Iŋwan i mokosi kanyit Iŋwan kulo. 27Kine re ködyö diŋö ko görösi kune, kita nase sŋorikin turya logon ’dököri ŋina misa. 28A do teteŋdi kaden ’bokolot a turya, a muluje se ko dakap, a misa ködyö ’dokoni ko se. 29A do teteŋdi kalabajin kanyit, ko ’yulukutan kanyit nagon a ti bökur, ko lupunikö kanyit, se ko lulu-rön kanyit logon a ti rubaŋgajin ’bu ’bukesi; do ködyö teteŋdya se ko dakap nake. 30#Lew 24.5-8 A do petakiŋdye ambatajin i misa köyö i komor ŋupi. Kine ambatajin peta köyö i komor nan ŋun.
Gwo ’diet lo lombojin logon a dakap
(Köti Yuörö 37.17-24)
31A do ködyö teteŋdi dakap nake a gwo ’diet lo lombojin. Mukök nanyit ko ködini lonyit ködyö tetena ko dakap na ninitö; a kalabajin kanyit nagon gwoso köturön, nagon a paju kutusen a gwe ko mukökö kase a natulurak kune, ködyö gwe a po geleŋ ko lepeŋ. 32a kenia kanyit ködyö gwe buker gwoso na wilun kapo kanyit i mara; kenia ti gwo ’diet lo lombojin kune musala i swöt lonyit geleŋ, ko kunie musala i lele swöt lonyit. 33a kalabajin musala na gweya gwoso köturön ti sakeda, nagon a paju kutusen a gwe ko mukökö kase a natulurak kune gwe i kene geleŋ, a kalabajin musala na gweya gwoso köturön ti sakeda, nagon a paju kutusen a gwe ko mukökö kase a natulurak kune gwe i kene geleŋ. Nyena a kenia buker liŋ na meta gwoso na wilun kapo i lu gwo ’diet lo lombojin kune gwe sona. 34a i lu gwo ’diet i ködini lonyit, a ködyö gwe a kalabajin Iŋwan na gweya gwoso köturön ti sakeda, nagon a ŋaju kutusen a gwe ko mukökö kase a natulurak kune; 35a ŋo natulurak gwoso mukökö ti kine köturön nagon a ŋo geleŋ ko ködini kune, gwe geleŋ i mukök na kenia murek geleŋ i mukök na kenia murek i kine kenia buker liŋ, nagon meta gwoso na wilun kaŋo i lu gwo ’diet lo lombojin. 36Kweja adi kine ŋo natulurak nagon gwoso mukökö ti köturön, se ko kenia nagon meta gwoso a wilun i ködini kune ködyö gwon a ŋo geleŋ ko ŋilo ködini, a iŋge nitwe i dakap nake. 37a do tetenakiŋdye lepeŋ lombojin buryo; a kilo lombojin togwi ’dikine i gwo ’diet loki, anyen pararaaddu kanyit ŋerot. 38a ŋwakesi kanyit ko ta ’doka kanyit tetenani ko dakap nake. 39A dakap nake nagon temuŋdya a talenta geleŋ ködyö tetenani ŋilo gwo ’diet lo lombojin se ko kine ŋo kanyit liŋ. 40#Kon 7.44; Eb 8.5 Nyena mete met ’bura adi ti do tetene teten se gwoso lomirakin lose logon a kweki do i mere lu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.