ROM 10

1Ko parabangeit, ka jingkwah hir hir ka dohnud jong nga bad ka jingduwai jong nga ha U Blei na ka bynta ki Israel ka long, ba yn pynim ïa ki. 2#Rom. 9:31.Namar nga phla shaphang jong ki, ba ki don ka jingsngew-shitrhem na ka bynta U Blei, hynrei, ym katba kum ka jingtip. 3#Rom. 1:17.Namar haba ki long ki bymtip ïa ka hok U Blei, bad haba ki pyrshang ban pynneh ïa ka hok la ka jong hi, kim shym la pynkohnguh ïa lade ha kata ka hok U Blei. 4#Gal. 3:24; Rom. 3:22; 7:1-4.Namar U Khrist u long ka jingkut ka hukum ïa ka ban long ka hok ïa uwei pa uwei uba ngeit.

Ka jingpynim ka long ïa baroh

5 # Leb. 18:5; Neh. 9:29; Ese. 20:11,13,21; Rom. 7:10. Namar u Moses u thoh shaphang ka hok kaba na ka hukum: “Ba uta u briew uba ïai-leh ïa kita kiei kiei ruh, un ïoh im na ki.” 6#Deu. 30:12-13; Rom. 9:30.Hynrei, kata ka hok kaba na ka jingngeit ka ong kumne: “Wat ong ha la ka dohnud, ‘Uei u ban leit kiew noh sha bneng?’ ” (kata ka long, ban ïalam noh arsut ïa U Khrist), 7lane, “ ‘Uei u ban leit hiar shapoh ñiamra?’ ” (kata ka long ban ïalam noh artet ïa U Khrist na ki baïap). 8#Deu. 30:14.Hynrei, kumno ka ong? “Kata ka ktien ka long hajan jong me, ha ka shyntur jong me, bad ha ka dohnud jong me”: kata ka long keiñ kata ka ktien ka jong ka jingngeit ïa kaba ngi ïalap: 9#Mat. 10:32; Luk. 12:8; Ki Kam. 16:31.Ba lada men phla shynna da la ka shyntur ïa U Jisu, ba u long U Trai; bad men ngeit ha la ka dohnud, ba U Blei u la pynmih pat ïa u na ki baïap, yn pynim ïa me. 10Namar da ka dohnud keiñ, u briew u ngeit ïa ka ban ïoh ïa ka hok; bad da ka shyntur keiñ, ba phla shynna ïa ka ban ïoh ka jingpynim. 11#Isa. 28:16; Rom. 9:33.Namar kata Ka Jingthoh ka ong: “Ïa uno uno baroh uba ngeit ha u, yn ym pynrain buhkhoh.” 12#Rom. 3:22,29; Gal. 3:28; Kol. 3:11; Ki Kam. 10:36.Namar ym don shuh ka jingïapher hapdeng u Jiw bad u Grik; namar ujuh u long U Trai halor baroh, bad uba kynrei ka spah ïa kita baroh kiba khot kyrpad ïa u. 13#Jol. 2:32; Ki Kam. 2:21.Namar “uno uno baroh u ban khot kyrpad ïa ka kyrteng U Trai, yn pynim ïa u.”

14Kumno te kin ïakhot kyrpad ïa uta ha uba kim shym la ngeit? kumno de kin ïoh ngeit ha uta shaphang uba kim shym la ïohsngew? kumno de kin ïohsngew khlem uba ïalap? 15#Isa. 52:7.kumno ruh de kin ïoh ïalap lymda la phah ïa ki? kumba la thoh: “A katno ba-itynnad ki long ki kjat ki jong kita kiba wallam ïa ka gospel jong kiei kiei ki babha!” 16#Isa. 53:1; Ïoan. 12:38.Hynrei, baroh kim shym la kohnguh ïa kata ka gospel. Namar u Isaïah u kylli: “Ko Trai, uei ba la ngeit ïa ka jingpynbna jong ngi?” 17Kumta te, kata ka jingngeit ka jia na kaba sngew, bad kata kaba sngew da ka ktien U Blei keiñ.

18 # Salm. 19:4; Kol. 1:6,23. Hynrei, nga ong, “Kim shym la ïohsngew?” Ho-oid shisha keiñ;

“Ka jingsawa jong ki

ka la leit ïaid keiñ

ha ka khyndew baroh,

bad ki ktien jong ki

shaduh ki bakut ka pyrthei.”

19 # Deu. 32:21; Rom. 11:11,14. Hynrei, nga ong, “Ki Israel kim shym la tip?” Nyngkong u Moses u ong:

“Ngan pynsngewskuiñ ïa phi

da kata ka bymlong ka

kynja bynriew,

bad da ka kynja bynriew

bakhlem sngewthuh

ngan pynbitar ïa phi.”

20 # Isa. 65:1; Rom. 9:30. Hynrei, shisha, u Isaïah u shlur shibun, bad u ong:

“La shem ïa nga

da kita ki bym shym la wad

ïa nga;

la pynpaw ïa nga

ha kita ki bym ju kylli

shaphang jong nga.”

21 # Isa. 65:2. Hynrei, pleng shaphang ki Israel u ong: “Baroh shi sngi nga la kner noh ïa la ki kti ha u paidlang u bymkohnguh bad uba ïa-pharshi kylliang.”

Currently Selected:

ROM 10: KHB

Highlight

Copy