JINGKHEIÑ 7
7
Ki jingainguh haba pynkyntang ïa ka Tabernakl
1Te ha kata ka sngi ha kaba u Moses u la lah pyndep ban pynïeng ïa kata Ka Tabernakl, bad ban pynsleh ïa ka, bad ban pynkyntang ïa ka, bad ïa ki jingbuh jong ka baroh, ïa ka duwan ruh, bad ïa ki jingbuh jong ka, bad ba u la pynsleh ïa ki, bad ba u la pynkyntang ïa ki: 2ki rangbah ki Israel kiba ha khlieh ki ïing ki kpa jong ki, kiba la long ki rangbah na ki jaid, bad kiba long halor kita ïa kiba la kheiñ, ki la ai la ki jingainguh: 3bad ki la wallam ïa la ka jingainguh ha khmat U Trai, hynriew tylli ki kali ba la tap nalor, bad khat-ar tylli ki masi dab; shi kali na ka bynta ar ngut na kita ki rangbah, bad uwei u masi dab na ka bynta uwei pa uwei na ki: bad ki la wallam ïa ki ha khmat Ka Tabernakl. 4U Trai ruh u la kren ha u Moses, u da ong, 5“To pdiang ïa kine na ki, ba kin long ïa ka ban ïaitrei ïa ka kam jong Ka Tabernakl ka jingïaseng; men sam ruh ïa ki ha ki Lebi, ha uwei pa uwei katba kum ka kam jong u.” 6Te u Moses u la pdiang ïa kita ki kali, bad kita ki masi dab, u la sam ruh ïa ki ha kita ki Lebi. 7Ar tylli ki kali, bad saw tylli ki masi dab, u la ai ha ki khun shynrang u Gershon, katba kum ka kam jong ki: 8bad saw tylli ki kali, bad phra tylli ki masi dab, u la ai ha ki khun shynrang u Merari, katba kum ka kam jong ki, hapoh ka kti u Ithamar u khun u Aaron lyngdoh. 9Hynrei, ha ki khun shynrang u Kohath, um shym la ai satia: naba ka kam ka jaka kyntang ka la dei ha ki; ki shu ïabah ïa ka halor ki tyrpeng jong ki. 10Te kita ki rangbah ki la ai ki jingainguh, ïa ka ban pynkyntang ïa ka duwan ha kata ka sngi ba la pynsleh ïa ka, bad kita ki rangbah ki la wallam ïa ki jingainguh jong ki ha khmat kata ka duwan. 11Bad U Trai u la kren ha u Moses, “Uwei pa uwei u rangbah ha la ka jong ka sngi, un ai ïa la ka jingainguh, ïa ka ban pynkyntang ïa ka duwan.”
12Te ha ka sngi nyngkong, u Nahshon u khun u Amminadab, na ka jaid Judah, u la ai la ka jingainguh: 13bad ka jingainguh jong u ka la long kawei ka pliang rupa, ka jingkhia jong ka, ka la long shispah laiphew shekel, kawei ka khuri rupa kaba hynñiewphew shekel, katba kum ka shekel ka jaka kyntang; baroh ar kiba dap da u 'purew bani ba la khleh da ka umphniang, ban long ka jingainguh bam; 14kawei ka siang ksiar kaba shiphew shekel ba-dap da ka jingiwbih thang; 15uwei u masi lyngraw, uwei u langbrot, uwei u khun langbrot ba shi snem, ban long ka jingainguh thang; 16uwei u khun blang, ban long ka jingkñia sait pop; 17bad namar ka jingkñia bapynïasuk, ar tylli ki masi dab, san tylli ki langbrot shynrang, san tylli ki 'lang sohmoh, san tylli ki khun langbrot ba shi snem: kane ka jingainguh u Nahshon u khun u Amminadab.
18Ha ka sngi ka ba-ar, u la ainguh u Nethaniil u khun u Suar, u rangbah ka jaid Issakhar: 19Te u la ainguh ïa la ka jingainguh, ïa kawei ka pliang rupa kaba shispah laiphew shekel ka jingkhia jong ka, kawei ka khuri rupa kaba hynñiewphew shekel, katba kum ka shekel ka jaka kyntang; baroh ar kiba dap da u 'purew bani ba la khleh da ka umphniang, ban long ka jingainguh bam; 20kawei ka siang ksiar kaba shiphew shekel, kaba dap da ka jingiwbih thang; 21uwei u masi lyngraw, uwei u langbrot, uwei u khun langbrot ba shi snem, ban long ka jingainguh thang; 22uwei u khun blang, ban long ka jingkñia sait pop; 23bad namar ka jingkñia bapynïasuk, ar tylli ki masi dab, san tylli ki langbrot shynrang, san tylli ki 'lang sohmoh, san tylli ki khun langbrot ba shi snem: kane ka jingainguh u Nethaniil u khun u Suar.
24Ha ka sngi ka balai, u Eliab u khun u Helon, u rangbah ki khun u Sabulon, u la ainguh: 25Te ka jingainguh jong u, ka la long kawei ka pliang rupa kaba shispah laiphew shekel ka jingkhia jong ka, kawei ka khuri rupa kaba hynñiewphew shekel, katba kum ka shekel ka jaka kyntang; baroh ar kiba dap da u 'purew bani ba la khleh da ka umphniang, ban long ka jingainguh bam; 26kawei ka siang ksiar kaba shiphew shekel, kaba dap da ka jingiwbih thang; 27uwei u masi lyngraw, uwei u langbrot, uwei u khun langbrot ba shi snem, ban long ka jingainguh thang; 28uwei u khun blang, ban long ka jingkñia sait pop; 29te namar ka jingkñia bapynïasuk, ar tylli ki masi dab, san tylli ki langbrot shynrang, san tylli ki 'lang sohmoh, san tylli ki khun langbrot ba shi snem: kane ka jingainguh u Eliab u khun u Helon.
30Ha ka sngi ka basaw, u Elisur u khun u Shedeur, u rangbah ki khun u Reuben, u la ainguh: 31Ka jingainguh jong u, ka la long kawei ka pliang rupa kaba shispah laiphew shekel ka jingkhia jong ka, kawei ka khuri rupa kaba hynñiewphew shekel, katba kum ka shekel ka jaka kyntang; baroh ar kiba dap da u 'purew bani ba la khleh bad ka umphniang, ban long ka jingainguh bam; 32kawei ka siang ksiar kaba shiphew shekel, kaba dap da ka jingiwbih thang; 33uwei u masi lyngraw, uwei u langbrot, uwei u khun langbrot ba shi snem, ban long ka jingainguh thang; 34uwei u khun blang, ban long ka jingkñia sait pop; 35te namar ka jingkñia bapynïasuk, ar tylli ki masi dab, san tylli ki langbrot shynrang, san tylli ki 'lang sohmoh, san tylli ki khun langbrot ba shi snem: kane ka jingainguh u Elisur u khun u Shedeur.
36Ha ka sngi ka basan, u Shelumiel u khun u Surishaddai, u rangbah ki khun u Simeon, u la ainguh: 37ka jingainguh jong u, ka la long kawei ka pliang rupa kaba shispah laiphew shekel ka jingkhia jong ka, kawei ka khuri rupa kaba hynñiewphew shekel, katba kum ka shekel ka jaka kyntang; baroh ar kiba dap da u 'purew bani ba la khleh bad ka umphniang, ban long ka jingainguh bam; 38kawei ka siang ksiar kaba shiphew shekel, kaba dap da ka jingiwbih thang; 39uwei u masi lyngraw, uwei u langbrot, uwei u khun langbrot ba shi snem, ban long ka jingainguh thang; 40uwei u khun blang, ban long ka jingkñia sait pop; 41te namar ka jingkñia bapynïasuk, ar tylli ki masi dab, san tylli ki langbrot shynrang, san tylli ki 'lang sohmoh, san tylli ki khun langbrot ba shi snem: kane ka jingainguh u Shelumiel u khun u Surishaddai.
42Ha ka sngi ka bahynriew, u Eliasaph u khun u Deuel, u rangbah ki khun u Gad, u la ainguh: 43Ka jingainguh jong u, ka la long kawei ka pliang rupa kaba shispah laiphew shekel ka jingkhia jong ka, kawei ka khuri rupa kaba hynñiewphew shekel, katba kum ka shekel ka jaka kyntang; baroh ar kiba dap da u 'purew bani ba la khleh bad ka umphniang, ban long ka jingainguh bam; 44kawei ka siang ksiar kaba shiphew shekel, kaba dap da ka jingiwbih thang; 45uwei u masi lyngraw, uwei u langbrot, uwei u khun langbrot ba shi snem, ban long ka jingainguh thang; 46uwei u khun blang, ban long ka jingkñia sait pop; 47te namar ka jingkñia bapynïasuk, ar tylli ki masi dab, san tylli ki langbrot shynrang, san tylli ki 'lang sohmoh, san tylli ki khun langbrot ba shi snem: kane ka jingainguh u Eliasaph u khun u Deuel.
48Ha ka sngi ka bahynñiew, u la ainguh u Elishama u khun u Ammihud, u rangbah ki khun u Ephraim: 49Ka jingainguh jong u, ka la long kawei ka pliang rupa kaba shispah laiphew shekel ka jingkhia jong ka, kawei ka khuri rupa kaba hynñiewphew shekel, katba kum ka shekel ka jaka kyntang; baroh ar kiba dap da u 'purew bani ba la khleh da ka umphniang, ban long ka jingainguh bam; 50kawei ka siang ksiar kaba shiphew shekel, kaba dap da ka jingiwbih thang; 51uwei u masi lyngraw, uwei u langbrot, uwei u khun langbrot ba shi snem, ban long ka jingainguh thang; 52uwei u khun blang, ban long ka jingkñia sait pop; 53te namar ka jingkñia bapynïasuk, ar tylli ki masi dab, san tylli ki langbrot shynrang, san tylli ki 'lang sohmoh, san tylli ki khun langbrot ba shi snem: kane ka jingainguh u Elishama u khun u Ammihud.
54Ha ka sngi ka baphra, u la ainguh u Gamaliel u khun u Pedahsur, u rangbah ki khun u Manasseh: 55Ka jingainguh jong u, ka la long kawei ka pliang rupa kaba shispah laiphew shekel ka jingkhia jong ka, kawei ka khuri rupa kaba hynñiewphew shekel, katba kum ka shekel ka jaka kyntang; baroh ar kiba dap da u 'purew bani ba la khleh da ka umphniang, ban long ka jingainguh bam; 56kawei ka siang ksiar kaba shiphew shekel, kaba dap da ka jingiwbih thang; 57uwei u masi lyngraw, uwei u langbrot, uwei u khun langbrot ba shi snem, ban long ka jingainguh thang; 58uwei u khun blang, ban long ka jingkñia sait pop: 59te namar ka jingkñia bapynïasuk, ar tylli ki masi dab, san tylli ki langbrot shynrang, san tylli ki 'lang sohmoh, san tylli ki khun langbrot ba shi snem: kane ka jingainguh u Gamaliel u khun u Pedahsur.
60Ha ka sngi ka bakhyndai, u la ainguh u Abidan u khun u Gideoni, u rangbah ki khun u Benjamin: 61Ka jingainguh jong u, ka la long kawei ka pliang rupa kaba shispah laiphew shekel ka jingkhia jong ka, kawei ka khuri rupa kaba hynñiewphew shekel, katba kum ka shekel ka jaka kyntang; baroh ar kiba dap da u 'purew bani ba la khleh da ka umphniang, ban long ka jingainguh bam; 62kawei ka siang ksiar kaba shiphew shekel, kaba dap da ka jingiwbih thang; 63uwei u masi lyngraw, uwei u langbrot, uwei u khun langbrot ba shi snem, ban long ka jingainguh thang; 64uwei u khun blang, ban long ka jingkñia sait pop; 65te namar ka jingkñia bapynïasuk, ar tylli ki masi dab, san tylli ki langbrot shynrang, san tylli ki 'lang sohmoh, san tylli ki khun langbrot ba shi snem: kane ka jingainguh u Abidan u khun u Gideoni.
66Ha ka sngi ka bashiphew, u la ainguh u Ahieser u khun u Ammishaddai, u rangbah ki khun u Dan: 67Ka jingainguh jong u, ka la long kawei ka pliang rupa kaba shispah laiphew shekel ka jingkhia jong ka, kawei ka khuri rupa kaba hynñiewphew shekel, katba kum ka shekel ka jaka kyntang; baroh ar kiba dap da u 'purew bani ba la khleh da ka umphniang, ban long ka jingainguh bam; 68kawei ka siang ksiar kaba shiphew shekel, kaba dap da ka jingiwbih thang; 69uwei u masi lyngraw, uwei u langbrot, uwei u khun langbrot ba shi snem, ban long ka jingainguh thang; 70uwei u khun blang, ban long ka jingkñia sait pop; 71te namar ka jingkñia bapynïasuk, ar tylli ki masi dab, san tylli ki langbrot shynrang, san tylli ki 'lang sohmoh, san tylli ki khun langbrot ba shi snem: kane ka jingainguh u Ahieser u khun u Ammishaddai.
72Ha ka sngi ka bakhatwei, u la ainguh u Pagiel u khun u Okran, u rangbah ki khun u Asher: 73Ka jingainguh jong u, ka la long kawei ka pliang rupa kaba shispah laiphew shekel ka jingkhia jong ka, kawei ka khuri rupa kaba hynñiewphew shekel, katba kum ka shekel ka jaka kyntang; baroh ar kiba dap da u 'purew bani ba la khleh da ka umphniang, ban long ka jingainguh bam; 74kawei ka siang ksiar kaba shiphew shekel kaba dap da ka jingiwbih thang; 75uwei u masi lyngraw, uwei u langbrot, uwei u khun langbrot ba shi snem, ban long ka jingainguh thang; 76uwei u khun blang, ban long ka jingkñia sait pop; 77te namar ka jingkñia bapynïasuk, ar tylli ki masi dab, san tylli ki langbrot shynrang, san tylli ki 'lang sohmoh, san tylli ki khun langbrot ba shi snem: kane ka jingainguh u Pagiel u khun u Okran.
78Ha ka sngi ka bakhat-ar, u la ainguh u Ahira u khun u Enan, u rangbah ki khun u Naphtali: 79Ka jingainguh jong u, ka la long kawei ka pliang rupa kaba shispah laiphew shekel ka jingkhia jong ka, kawei ka khuri rupa kaba hynñiewphew shekel, katba kum ka shekel ka jaka kyntang; baroh ar kiba dap da u 'purew bani ba la khleh bad ka umphniang, ban long ka jingainguh bam; 80kawei ka siang ksiar kaba shiphew shekel kaba dap da ka jingiwbih thang; 81uwei u masi lyngraw, uwei u langbrot, uwei u khun langbrot ba shi snem, ban long ka jingainguh thang; 82uwei u khun blang, ban long ka jingkñia sait pop; 83te namar ka jingkñia bapynïasuk, ar tylli ki masi dab, san tylli ki langbrot shynrang, san tylli ki 'lang sohmoh, san tylli ki khun langbrot ba shi snem: kane ka jingainguh u Ahira u khun u Enan.
84Kane ka long ka jingpynkyntang ïa kata ka duwan, ha kata ka sngi ba la pynsleh ïa ka, da kita ki rangbah ki Israel: khat-ar tylli ki pliang rupa, khat-ar tylli ki khuri rupa, khat-ar tylli ki siang ksiar: 85kawei kawei ka pliang rupa ka la khia shispah laiphew shekel, bad kawei kawei ka khuri rupa ka la khia hynñiewphew shekel: kita ki khiew rupa baroh ki la khia ar hajar sawspah shekel, katba kum ka shekel ka jaka kyntang; 86kita ki siang ksiar, khat-ar tylli, kiba dap da ka jingiwbih thang, kawei kawei ka siang ka la khia shiphew shekel, katba kum ka shekel ka jaka kyntang: ka ksiar jong kita ki siang baroh ka la khia shispah arphew shekel: 87kita ki masi dab baroh jong kata ka jingainguh thang, ki la long khat-ar tylli ki masi lyngraw, ki langbrot shynrang, khat-ar tylli, ki khun langbrot ba shi snem, khat-ar tylli, lem bad ki jingainguh bam jong ki: bad ki khun blang, khat-ar tylli, ban long ka jingkñia sait pop. 88Te kita ki masi dab baroh jong kata ka jingkñia bapynïasuk, ki la long arphew saw tylli ki masi lyngraw, ki langbrot shynrang, hynriewphew tylli, ki 'lang sohmoh, hynriewphew tylli, ki khun langbrot ba shi snem, hynriewphew tylli. Kane ka la long kata ka jingpynkyntang ïa ka duwan, ynda la lah pynsleh ïa ka.
89Te haba u Moses u da leit hapoh Ka Tabernakl ka jingïaseng ïa ka ban kren ha U Blei, u la ïohsngew ïa ka jingsawa ktien kaba kren ha u nalor kata ka jaka-isynei kaba halor kata ka synduk ka jingphla, napdeng kita ki ar tylli ki Kherub: U la kren ruh ha u.
Currently Selected:
JINGKHEIÑ 7: KHB
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
