JINGKHEIÑ 33
33
Ki jingleit lynti ki Israel
1Kine ki long ki jingleit ki khun Israel, kiba la ïamih noh na ka ri Ijipt, lem bad ki paidïapom jong ki da ka kti u Moses, bad u Aaron. 2Bad u Moses u la thoh ïa ki jingmih noh jong ki katba kum ki jingleit jong ki da ka hukum U Trai; te kine ki long ki jingleit jong ki katba kum ki jingïaid noh jong ki. 3Te ki la ïamih noh na Rameses ha u bnai u banyngkong, ha ka bakhatsan sngi uta u bnai banyngkong; ha ka sngi kaba bud, ha Ka Niam Ka Jinglait, ki khun Israel ki la ïamih noh da ka kti ka badonbor ha kaba ïohi ki Ijipt baroh, 4namar kita ki Ijipt ki dang ïatep ïa ki khun nyngkong jong ki baroh, ïa kiba u la lah shoh U Trai hapdeng jong ki: bad U Trai u la buh ïa ki jingpynshitom halor ki blei jong ki ruh de.
5Te ki khun Israel ki la ïamih noh na Rameses, bad ki la ïashong dara ha Sukkoth. 6Te ki la ïamih noh na Sukkoth, bad ki la ïashong dara ha Etham, kaba harud ka ri khlaw. 7Te ki la ïamih noh na Etham, bad ki la ïaleit phai pat sha Pihahiroth, kaba ha khmat ka Baal-sephon: bad ki la ïashong dara ruh ha khmat ka Migdol. 8Te ki la ïamih noh na khmat ka Pihahiroth, bad ki la ïaid lyngba napdeng kata ka duriaw sha kata ka ri khlaw: bad ki la ïaleit lai sngi lynti ha ka ri khlaw Etham, bad ki la ïashong dara ha Marah. 9Te ki la ïamih noh na Marah, bad ki la ïapoi sha Elim: te ha Elim, la don khat-ar tylli ki umpohliew, bad hynñiewphew tylli ki dieng Tlai; te ki la ïashong dara hangta. 10Te ki la ïamih noh na Elim, bad ki la ïashong dara hajan ka Duriaw Basaw. 11Te ki la ïamih noh na ka Duriaw Basaw, bad ki la ïashong dara ha ka ri khlaw Sin. 12Te ki la ïamih noh na ka ri khlaw Sin, bad ki la ïashong dara ha Dophkah. 13Te ki la ïamih noh na Dophkah, bad ki la ïashong dara ha Alush. 14Te ki la ïamih noh na Alush, bad ki la ïashong dara ha Rephidim, ha kaba ym don um ïa ki briew ban dih. 15Te ki la ïamih noh na Rephidim, bad ki la ïashong dara ha ka ri khlaw Sinai. 16Te ki la ïamih noh na ka ri khlaw Sinai, bad ki la ïashong dara ha Kibroth-hattaabah. 17Te ki la ïamih noh na Kibroth-hattaabah, bad ki la ïashong dara ha Haseroth. 18Te ki la ïamih noh na Haseroth, bad ki la ïashong dara ha Rithmah. 19Te ki la ïamih noh na Rithmah, bad ki la ïashong dara ha Rimmon-pares. 20Te ki la ïamih noh na Rimmon-pares, bad ki la ïashong dara ha Libnah. 21Te ki la ïamih noh na Libnah, bad ki la ïashong dara ha Rissah. 22Te ki la ïamih noh na Rissah, bad ki la ïashong dara ha Kehelathah. 23Te ki la ïamih noh na Kehelathah, bad ki la ïashong dara ha u lum Shapher. 24Te ki la ïamih noh na u lum Shapher, bad ki la ïashong dara ha Haradah, 25Te ki la ïamih noh na Haradah, bad ki la ïashong dara ha Makheloth. 26Te ki la ïamih noh na Makheloth, bad ki la ïashong dara ha Tahath. 27Te ki la ïamih noh na Tahath, bad ki la ïashong dara ha Tarah. 28Te ki la ïamih noh na Tarah, bad ki la ïashong dara ha Mithkah. 29Te ki la ïamih noh na Mithkah, bad ki la ïashong dara ha Hashmonah. 30Te ki la ïamih noh na Hashmonah, bad ki la ïashong dara ha Moseroth. 31Te ki la ïamih noh na Moseroth, bad ki la ïashong dara ha Bene-jaakan. 32Te ki la ïamih noh na Bene-jaakan, bad ki la ïashong dara ha Hor-hagidgad. 33Te ki la ïamih noh na Hor-hagidgad, bad ki la ïashong dara ha Jotbathah. 34Te ki la ïamih noh na Jotbathah, bad ki la ïashong dara ha Ebronah. 35Te ki la ïamih noh na Ebronah, bad ki la ïashong dara ha Esion-geber. 36Te ki la ïamih noh na Esion-geber, bad ki la ïashong dara ha ka ri khlaw Sin, kaba long ka Kadesh. 37Te ki la ïamih noh na Kadesh, bad ki la ïashong dara ha u lum Hor, harud jong ka ri Edom.
38 #
Jkñ. 20:23-29; Deu. 10:6. Bad u Aaron lyngdoh, u la leit kiew ha u lum Hor da ka hukum U Trai, te hangta u la ïap, ha ka basawphew ka snem ynda ki khun Israel ki la ïawan mih noh na ka ri Ijipt, ha ka sngi ka banyngkong u bnai u basan. 39Te u Aaron u la don shispah arphew lai snem ka rta mynba u la ïap ha u lum Hor.
40 #
Jkñ. 21:1. Te u Arad syiem u kynja Kanaan, uba shong sah shaphang shathie ha ka ri Kanaan, u la ïohsngew shaphang ka jingwan ki khun Israel.
41Te ki la ïamih noh na Hor, bad ki la ïashong dara ha Salmonah. 42Te ki la ïamih noh na Salmonah, bad ki la ïashong dara ha Punon. 43Te ki la ïamih noh na Punon, bad ki la ïashong dara ha Oboth. 44Te ki la ïamih noh na Oboth, bad ki la ïashong dara ha Ije-abarim, ha khap ka ri Moab. 45Te ki la ïamih noh na Iyim, bad ki la ïashong dara ha Dibon-gad. 46Te ki la ïamih noh na Dibon-gad, bad ki la ïashong dara ha Almon-diblathaim. 47Te ki la ïamih noh na Almon-diblathaim, bad ki la ïashong dara ha ki lum Abarim, ha khmat u lum Nebo. 48Te ki la ïamih noh na ki lum Abarim, bad ki la ïashong dara ha ki pyntha ka ri Moab, harud ka Jordan marpyrshah ka Jerikho. 49Te ki la ïashong dara harud ka Jordan, naduh Beth-jeshimoth jin haduh Abel-shittim ha ki pyntha ka ri Moab.
Ki pud bad ka jingbynta ïa ka ri Kanaan
50Te U Trai u la kren ha u Moses ha ki pyntha ka ri Moab, harud ka Jordan, marpyrshah ka Jerikho, U da ong, 51“To kren ha ki khun Israel, to ong ruh ha ki, ‘Ynda phi la ïaleit sha shiliang ka Jordan sha ka ri Kanaan, 52#Eks. 23:24; Deu. 7:5; 12:3.te phin ïabeh noh ïa ki trai-shnong jong ka ri baroh ha shuwa jong phi, te phin ïa-pynjot noh ruh ïa ki dur baroh jong ki, bad ïa ki bleithaw ba la saiñ jong ki baroh ruh phin pynjot noh, bad phin ïa-pynduh noh khoit ïa kiei kiei ha ki jaka lum jong ki baroh: 53bad phin ïaknieh kynthet ïa kata ka ri, bad phin ïashongneh ha ka: naba nga la aiti ïa kata ka ri ha phi, ba phin ïoh pateng ïa ka. 54Bad phin ïasam ïa kata ka ri ïa ka ban long ka bynta pateng hapdeng ki kur jong phi da ka jingkhalai; te ha kiba kham bun, phin ai ka bynta pateng da kaba kham khraw, bad ha kiba kham khyndiat, phin ai ka bynta pateng da kaba kham rit: ka bynta pateng jong uwei uwei baroh kan long ha kata ka jaka ha kaba kan hap ka jingkhalai jong u; phin ïoh bynta pateng katba kum ki jaid ki kpa jong phi. 55Te lada phin ym beh noh ïa ki trai-shnong jong kata ka ri ha shuwa jong phi; kan jia long, ba kita ïa kiba phin pynsah na ki, kin long ki shiah ha ki khmat jong phi, bad ki speh ha ki krung jong phi, bad kin ïa-pynshitom ruh ïa phi ha kata ka ri ha kaba phi ïashongneh. 56Nalor kata ruh, kan jia long, ba ngan leh ïa phi, kumba nga la thew ban leh ïa ki.’ ”
Currently Selected:
JINGKHEIÑ 33: KHB
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
