MATHAÏOS 9
9
U Jisu u pynkhiah ïa u bapang ïapshiliang
(Mrk. 2:1-12; Luk. 5:17-26)
1 #
Mrk. 2:1-12; Luk. 5:17-26. Te haba u la kiew ha ka lieng, u la leit sha shiliang, bad u la poi ha la ka shnong. 2#Mat. 9:22; Mrk. 6:50; 10:49; Ïoan. 16:33; Ki Kam. 23:11; Luk. 7:48.Ha khmih ruh, ki la ïawallam ha u ïa u bapang ïapshiliang, uba thiah ha ka jingthiah: te haba U Jisu u la ïohi ïa ka jingngeit jong ki, u la ong ha uta u bapang ïapshiliang, “To kyrmen, ko khun; la map noh ïa me ïa ki pop jong me.” 3Ha khmih ruh, kiba na ki nongthoh ki la ïa-ong ha lade, “Une u krenbeiñ Blei.” 4Te U Jisu ba u da tip ïa ki jingmut jong ki, u la ong, “Na ka balei ba phi ïamut bymman ha ki dohnud jong phi? 5naba kano kaba kham jem, ban ong, ‘La map ïa ki pop jong me;’ lane ban ong, ‘To ïeng, to ïaid ruh?’ 6Hynrei, ba phin ïoh tip ba U Khun u briew u don bor ha ka khyndew ban map ïa ki pop,” (hangta u la ong ha uta u bapang ïapshiliang), “To ïeng, to rah noh ïa la ka jingthiah, to khie leit ruh sha la ïing.” 7Te haba u la ïeng, u la leit sha la ïing. 8Ki paidbah te haba ki la ïohi ïa kata, ki la ïakyndit, bad ki la ïaroh ïa U Blei, uba la ai bor kum kata ha ki briew.
Ka jingkhot ïa u Mathaïos
(Mrk. 2:13-17; Luk. 5:27-32)
9 #
Mrk. 2:13-17; Luk. 5:27-32; 15:1-2; 7:34. Haba U Jisu te u la ïaid noh nangta, u la ïohi ïa u briew, ïa uba la khot “Mathaïos”, uba shong ha ka ïing khrong; U ong te ha u, “To bud ïa nga.” Te haba u la ïeng, u la bud ïa U.
10 #
Luk. 15:1,2. Ka la jia ruh, haba U la shong bam ha ka ïing uta, ha khmih te, bun ki nongkhrong bad ki bapop ki la ïawan shong shaniah lem bad U Jisu bad ki synran jong U. 11Haba ki Pharisi te ki la ïohi, ki la ïa-ong ha ki synran jong U, “Balei ba U Nonghikai jong phi u ïabam lem bad ki nongkhrong bad ki bapop ruh?” 12Te haba U Jisu u la ïohsngew, u la ong ha ki, “Ki bakhiah kim donkam ïa u nongpynkhiah, hynrei, ki bapang keiñ; 13#Hos. 6:6; Mat. 12:7; 1 Tim. 1:15.hynrei, khie leit ma phi to hikai kaei kane, ‘Ïa ka jingisynei nga mon, te ym ïa ka jingkñia:’ naba ngam shym la wan ban khot ïa ki bahok, hynrei, ïa ki bapop ïa ka ban kylla-ka-bamut.”
Shaphang kaba shah jingit
(Mrk. 2:18-22; Luk. 5:33-39)
14 #
Mrk. 2:18-22; Luk. 5:33-39; 18:12. Ynda kumta, ki la ïawan ha u ki synran u Ïoannis, ki da ong, “Balei ba ngi bad ki Pharisi ngi ïashah jingit bunsien, ki synran jong me te kim ïashah jingit?” 15U Jisu te u la ïathuh ha ki, “Ki nong-on kurim ki lah ban sngewsih, haba u dang sah bad ki u nongleit-kurim? Hynrei, kin poi ki sngi, ynda yn shim noh na ki, ïa u nongleit-kurim, hangta te kin sa ïashah jingit. 16Ym don ruh uba suh syrdep ïa ka jaiñkup barim da ka jaiñ thymmai; naba kata ka jaiñsyrdep hi ka pynkad na ka jong kata ka jaiñkup, ka pynlong ruh ïa ka jingkad kaba kham khraw: 17lymne kim ju ïabuh ïa ka Waiñ thymmai ha ki lywa snieh barim; lymda kumta, kita ki lywa snieh ki pdang, te ka jaw noh kata ka Waiñ, bad kita ki lywa snieh ki jot noh: hynrei, ki ïabuh ïa ka Waiñ thymmai ha ki lywa snieh thymmai, ba kin ïabha baroh ar.”
Ka khun kynthei u Jairos bad ka kynthei ka bapang mihsnam
(Mrk. 5:21-43; Luk. 8:40-56)
18 #
Mrk. 5:21-43; Luk. 8:40-56. #
Mat. 8:2; 15:25; 18:26; 20:20; Ïoan. 9:38. Haba u dang ong ïa kine kiei kiei ruh ha ki, ha khmih, la wan uwei u rangbah, bad u la mane dem ïa U, u da ong, “Ka khun jong nga katta ka la ïap; hynrei to da wan buh ïa ka kti jong me ha ka, te kan sa im.” 19U Jisu te haba u la ïeng, U la bud ïa u, lem bad ki synran jong U de. 20#Jkñ. 15:38; Deu. 22:12; Mat. 14:36; Mrk. 3:10.Ha khmih ruh, ka briew kaba la pang mihsnam khat-ar snem, ka la wan hajan na shadien, bad ka la ktah ïa ka rmiang ka jaiñkup jong U; 21naba ka la ong ha lade, “Lada ngan shu ïoh ktah tang ïa ka jaiñkup jong U, ngan sa khiah.” 22#Mrk. 10:52; Luk. 7:50; 17:19; Mat. 15:28; 9:29.U Jisu te haba u la phai, bad u la ïohi ïa ka, u la ong, “To kyrmen, ko ka khun; ka jingngeit jong pha ka la pynkhiah ïa pha.” Kata ka kynthei te ka la khiah naduh kata ka por. 23Te haba U Jisu u la poi ha ïing uta u rangbah, bad ba U la ïohi ïa ki duhalia, bad ïa ki paidbah ba ïambriew, 24u la ong ha ki, “To kynriah noh; naba ka khynnah kam shym la ïap, hynrei, ka ïohthiah.” Ki te, ki la rkhiebeiñ ïa u. 25Hynrei, haba la pynmih noh ïa u paidbah, U la leit hapoh, bad U la bat ïa ka na ka kti; te kata ka khynnah ka la ïeng. 26Ka jingbna ïa kata te ka la leit kylleng ha kata ka ri baroh.
U Jisu u pynpeit ïa ki khmat ar ngut ki bamatlah
27 #
Mat. 20:29-34. Te haba U Jisu u la leit noh nangta, ki la ïabud ïa u ar ngut ki bamatlah, ki da kyrpad, ki da ong ruh, “To isynei ïa ngi, ko Khun u Dabid.” 28Haba u la wan hapoh ïing te, kita ki bamatlah ki la ïawan ha u; te U Jisu u la ong ha ki, “Phi ngeit ba nga lah ban leh ïa kane?” Ki la ong ha u, “Ho-oid, ko Trai.” 29Ynda kumta, u la ktah ïa ki khmat jong ki, u da ong, “Katba kum ka jingngeit jong phi kan long ha phi.” 30Ïa ki khmat jong ki te la pynpeit. U Jisu te u la maham ïa ki, u da ong, “To sumar ban ym tip mano mano ruh.” 31Hynrei, haba ki la ïaleit noh, ki la ïa-pynbna ïa u ha kata ka ri baroh.
U Jisu u pynkhiah ïa u bymnangkren
32 #
Luk. 11:14-15; Mat. 12:22-24; Mrk. 3:22; Ïoan. 7:20. Haba ki dang ïamih noh ruh nangta, ha khmih, ki la ïawallam ha u ïa u briew u bymnangkren uba shong ksuid. 33Te haba U la beh noh ïa uta u ksuid, uta u bymnangkren u la kren; ki paidbah te ki la ïakyndit, ki da ong, “Mynno mynno ruh ym ju paw kumne ha Israel!” 34#Mat. 10:25; 12:24; Mrk. 3:22; Luk. 11:15.Hynrei, ki Pharisi ki la ïa-ong, “U beh noh ïa ki ksuid da u rangbah ki ksuid.”
U Jisu u sngewlem ïa u paidbah
35 #
Mat. 4:23; Mrk. 1:39; 6:6; Luk. 4:44. U Jisu u la ïaid ruh kylleng sha ki nongbah bad ki nongrit baroh, u da hikai ha ki synagog jong ki, bad u da ïalap ïa ka gospel ka jong ka hima, bad u da pynkhiah ïa ka jingpang baroh bad ïa ka jingkhrew baroh de. 36#Jkñ. 27:17; 1 Syiem. 22:17; 2 Khrn. 18:16; Sekh. 10:2; Mat. 14:14; 15:32; Mrk. 6:34.Bad haba u la ïohi ïa ki paidbah, u la sngewsynei namar jong ki, naba ki long kiba la sakma bad kiba la saphred ruh, kum ki langbrot ki bymdon u nongsharai. 37#Luk. 10:2; Ïoan. 4:35.Ynda kumta, u la ong ha ki synran jong u, “Ka jingot kaba bun shisha, hynrei, ki nongtrei ki khyndiat; 38namar kata, to kyrpad ïa U Trai ka jingot, ba un phah noh ïa ki nongtrei sha ka jingot jong u.”
The Bible Society of India