MATHAÏOS 3
3
Ka jingïalap u Ïoannis Nongpynbaptis
(Mrk. 1:1-8; Luk. 3:1-18; Ïoan. 1:19-28)
1 #
Mrk. 1:3-8; Luk. 3:2-17; Ïoan. 1:6-8,19-28. Ha kita ki sngi, u la wan u Ïoannis u Nongpynbaptis, u da ïalap ha ka ri khlaw Judia, 2#Dan. 2:44; 4:17; Mat. 4:17; Mrk. 1:15.u da ong, “To kylla-ka-bamut; naba ka hima ki bneng ka la jan.” 3#Isa. 40:3.Naba une u long uta, ba la ong shaphang jong u da u Isaïah u nongïathuhlypa, u da ong,
“Ka ktien uba pyrta
ha ka ri khlaw,
‘Phin pynkhreh
ïa ka lynti bah U Trai,
phin pynbeit ïa ki lynti
jong u.’ ”
4 #
2 Syiem. 1:8; Sekh. 13:4; Leb. 11:22. Te uta u Ïoannis u la don ka jaiñkup jong u na u shñiuh ut, bad ka panpoh snieh ha ka syngkai jong u; ka jingbam jong u ruh ka la long da ki puit bad ka ngap khlaw. 5Ynda kumta, ki la leit noh ha u ka Jerusalem, bad ka Judia baroh, bad baroh ka ri kylleng ka Jordan; 6bad la pynbaptis ïa ki da u ha wah Jordan; ki da ïaphla noh ïa ki pop jong ki.
7 #
Mat. 12:34; 23:33; 1 Thes. 1:10. Hynrei, haba u la ïohi ba bun na ki Pharisi bad ki Saddusi ki ïawan sha ka jingbaptis jong u, u la ong ha ki, “A phi ki khun ki ksiew ki bseiñ, uei ba la maham ïa phi ban phet ïap noh na kata ka jingbitar ka ban sa lap? 8Naba kumta to sei ïa u soh uba dei biang ïa ka jingkylla-ka-bamut: 9#Ïoan. 8:33; Rom. 4:16.Bad wat mut ban ong ha lade, ‘Ngi don u Abraham uba long u kpa jong ngi’: naba nga ong ha phi, ba U Blei u lah na kine ki maw ban pynmih khun ïa u Abraham. 10#Mat. 7:19.Hynrei, mynta ruh la thew ïa ka wait ha u thied ki dieng; namar kata, ïa u dieng baroh u bymsei soh babha yn khet noh, bad yn bred sha ka ding.
11“Nga shisha nga pynbaptis ïa phi da ka um ïa ka ban kylla-ka-bamut: hynrei, uta uba wan nadien jong nga u long uba kham khraw bor ïa nga, uba kam dei ïa nga ban rah wat tang ïa ki juti jong u: uta keiñ, un pynbaptis ïa phi da U Mynsiem Bakhuid bad da ka ding: 12#Mat. 13:30.uba ka jingpeh jong u ka ha ka kti jong u, un pynkhuid bha ruh ïa ka kyntem jong u; bad un lum ïa u Kew jong u ha la ka thiar; hynrei, un thang ïa u stait da ka ding bymjulip.”
Ka jingpynbaptis ïa U Jisu
(Mrk. 1:9-11; Luk. 3:21-22)
13 #
Mrk. 1:9-11; Luk. 3:21-22; Ïoan. 1:31-34. Ynda kumta, U Jisu u la wan na Galilaïa sha wah Jordan ha u Ïoannis, ba yn ïoh pynbaptis da u. 14Hynrei, u Ïoannis u la khang ïa U, u da ong, “Nga donkam ba yn pynbaptis ïa nga da me, te me wan pynban ha nga?” 15U Jisu te u la ïathuh bad U la ong ha u, “To shah mynta: naba kumne keiñ ka long kaba dei ïa ngi ban pyndep ïa ka hok baroh.” Ynda kumta, u la shah ïa u. 16U Jisu te, ynda la pynbaptis ïa u, u la kiew noh kumne kumne na ka um: ha khmih ruh, la plie ïa ki bneng ïa u, bad u la ïohi ïa U Mynsiem U Blei ba u da hiar kum ka paro, ba u da wan shong ruh ha u. 17#Salm. 2:7; Isa. 42:1; Mat. 12:18; 17:5; Mrk. 9:7; Luk. 9:35.Ha khmih ruh ka ktien na ki bneng, ka da ong, “Une u long U Khun jong nga uba ieit, ha uba nga sngewbha eh.”
The Bible Society of India