MATHAÏOS 22
22
Ka pharshi shaphang ka jingkhawai shongkurim
(Luk. 14:15-24)
1 #
Luk. 14:16-24. U Jisu u la ïathuh bad u la ong pat ruh ha ki ha ki pharshi, u da ong, 2“Ka hima ki bneng ka long kum uwei u syiem, uba la thaw ka jingkhawai shongkurim ïa u khun jong u, 3#Mat. 21:34.bad u la phah ïa la ki shakri ban khot ïa kita ïa kiba la ïawer sha kata ka jingkhawai shongkurim; ki te kim treh ban wan. 4U la phah pat ïa kiwei ki shakri, u da ong, ‘Ïathuh ha kita ïa kiba la ïawer, “Ha khmih, nga la khreh ïa ka jingkhawai jong nga; la pynïap ïa ki masi dab bad ïa kiba sngaid jong nga, bad ïa kiei kiei baroh la khreh; to wan sha ka jingkhawai shongkurim.” ’ 5Hynrei, ki kim da suidñiew, ki shu ïaleit noh ruh, uwei sha la ka bri, uwei pat ruh sha la ka jingkhaïi. 6Kiwei pat kiba sah te haba ki la kem ïa ki shakri jong u, ki la lehbeiñ bad ki la pynïap ïa ki. 7Te haba uta u syiem u la ïohsngew, u la sngewbitar lep keiñ; te haba u la phah ïa ki nongïapom jong u, u la pynduh noh ïa kita ki nongpynïap, bad u la thang ïa ka shnong jong ki. 8Ynda kumta, u la ong ha ki shakri jong u, ‘La khreh shisha ïa ka jingkhawai shongkurim, hynrei, kita ïa kiba la ïawer kim long kiba dei. 9Namar kata, to khie leit sha kaba ki ïashem ki lad, bad ïa kat kiba phin shem, to khot sha kata ka jingkhawai shongkurim.’ 10#Mat. 13:47.Kumta, kita ki shakri haba ki la leit sha kita ki lynti, ki la ïalum ïa baroh kat kiba ki la shem, ïa ki bymman bad ïa ki babha ruh: te ki la pyndap ïa kata ka jingkhawai shongkurim da kiba ïashong bam.
11 “Haba uta u syiem u la wan hapoh te ban jngoh ïa kiba ïashong bam, u la ïohi hangta ïa u briew u bym shym la kup ka jaiñ ka jingkhawai shongkurim: 12#Mat. 20:13; 26:50.bad u la ong ha u, ‘Ko lok, kumno ba me la wan hapoh hangne khlem ka jaiñ ka jingkhawai shongkurim?’ U te um nang ong shikyntien ruh. 13#Mat. 8:12; 13:42,50; 24:51; 25:30; Luk. 13:28.Ynda kumta, uta u syiem u la ong ha kita ki shakri, ‘To khum ïa u bad kti bad kjat, to rah noh, to bred ruh ïa u sha ka ba-dum kaba kham jngai; hangta yn long kaba lynñiar bad kum dait bniat.’ 14Naba bun ki long ba la khot, hynrei, khyndiat ba la jied.”
Shaphang kaba ai khajna
(Mrk. 12:13-17; Luk. 20:20-26)
15 #
Mrk. 3:6; 8:15; 12:13-17; Luk. 20:20-26. Ynda kumta, ki Pharisi ki la leit ban ïasylla kumno ba kin ïoh ïariam ïa u ha ka ktien. 16Te kumta, ki la phah ha u ïa ki synran jong ki, lem bad ki nongbud u Herod, ki ïa-ong, “Ko Nonghikai, ngi tip ba me long uba shisha, bad ba me hikai ïa ka lynti U Blei ha kaba shisha, bad ba mem ñiew ïano ruh; naba mem khmih ïa ka khmat ki briew: 17namar kata, to ong ha ngi, me mut kumno? Ka bit ne em ban ai khajna ha u Kaisar?” 18U Jisu te ba u la tip ïa ka buit bymman jong ki, u la ong, “Balei phi pynshoi ïa nga, phi kiba arsap? 19To pyni ïa u sbai khajna ha nga.” Ki la wallam te ha u shi suka. 20U ong ruh ha ki, “Kane ka dur bad ka jingthoh shalor, ki jongno?” 21#Rom. 13:7.Ki ong ha u, “Ki jong u Kaisar.” Hangta u ong ha ki, “Naba kumta ai noh ha u Kaisar ïa ki jong u Kaisar, bad ha U Blei ïa ki jong U Blei.” 22Te haba ki la ïohsngew ïa kata, ki la kyndit, bad haba ki la iehnoh ïa u, ki la leit noh.
Shaphang ka jingmihpat
(Mrk. 12:18-27; Luk. 20:27-40)
23 #
Mrk. 12:18-27; Luk. 20:27-38; Ki Kam. 4:1-2; 23:6-10. #
Ki Kam. 23:8. Ha kata ka sngi ki la wan ha u ki Saddusi, kiba ong ba ka jingmihpat kam long: te ki la kylli ïa u, 24#Deu. 25:5.ki da ong, “Ko Nonghikai, u Moses u la ong, ‘Lada uno uno ruh u ïap noh, u bymdon khun, ba u para jong u un shongkurim ïa ka tnga jong u, bad un pynmih symbai ïa la u hynmen.’ 25La don te bad ngi ki hynñiew ngut shipara: te uba shuwa haba u la shongkurim, u la ïap noh, te naba um don khun, u la iehnoh ïa la ka tnga ha u para jong u. 26Kumjuh ruh uba shi sien bud, bad uba ar sien bud, ha ban da lut kita ki hynñiew ngut. 27Hadien kita baroh, te ka la ïap noh kata ka kynthei ruh. 28Namar kata, ha ka jingmihpat, kan long ka tnga jongno na kine ki hynñiew ngut? naba baroh ki la ïoh kurim ïa ka.”
29U Jisu u da ïathuh te u la ong ha ki, “Phi bakla, ba phim tip ïa ki jingthoh, lymne ïa ka bor U Blei. 30Naba ha kata ka jingmihpat kim ïashongkurim keiñ, lymne ïa-pynshongkurim, hynrei, ki long kum ki angel U Blei ha bneng. 31Hynrei, shaphang kata ka jingmihpat ki nongïap, phim shym la pule ïa kata ba la ong U Blei ha phi, u da ong, 32#Eks. 3:6.‘Nga uba U Blei u Abraham, bad U Blei u Isaak, bad U Blei u Jakob ruh’? U Blei um long U Blei ki baïap, hynrei, jong ki ba-im.” 33#Mat. 7:28.Haba kita ki paidbah te ki la ïohsngew ïa kata, ki la sngewphylla na ka jinghikai jong u.
Ka hukum kaba kongsan tam
(Mrk. 12:28-34; Luk. 10:25-28)
34 #
Mrk. 12:28-34; Luk. 20:39-40; 10:25-28. Te haba ki Pharisi ki la ïohsngew ba u la pynduh nia ïa ki Saddusi, ki la ïalum lang. 35#Luk. 7:30; 10:25-28; 11:45; 14:3.Uwei u riewsaid te uba na ki, khnang ban tynjuh ïa u, u la kylli, 36“Ko Nonghikai, kano ka hukum kaba khraw kaba ha Ka Hukum?” 37#Deu. 6:5.U Jisu te u la ïathuh ha u, “ ‘Men ieit ïa U Trai uba U Blei jong me da ka dohnud jong me baroh, bad da ka mynsiem jong me baroh, bad da ka jingmut jong me baroh.’ 38Kane keiñ ka long ka hukum ka banyngkong bad kaba khraw. 39#Leb. 19:18; Mat. 19:19; Gal. 5:14; Rom. 13:9; Jak. 2:8.Ka ba-ar ruh ka long kum kata, ‘Men ieit ïa u paramarjan jong me kumba ïa lade.’ 40Ha kita ki ar hukum la sdien ïa Ka Hukum baroh, bad ïa Ki Nongïathuhlypa.”
Ka jingkylli shaphang U Messiah
(Mrk. 12:35-37; Luk. 20:41-44)
41 #
Mrk. 12:35-37; Luk. 20:41-44. Haba ki dang sah lang ki Pharisi, U Jisu u la kylli ïa ki, 42u da ong, “Phi mut kumno shaphang U Khrist? U long u khun jongno?” Ki la ïathuh ha u, “U jong u Dabid.” 43U ïathuh ha ki, “Haba kumta, kumno ba u Dabid da U Mynsiem u khot ‘U Trai’ ïa u, u da ong,
44 #
Salm. 110:1; Ki Kam. 2:34-35; Heb. 1:13; 10:13. “ ‘U Trai u la ong ha U Trai
jong nga,
“To shong sha kamon
jong nga,
tad ynda ngan pynlong
ïa kiba shun ïa me
ka jingïuh hapoh
ki kjat jong me?” ’
45 “Lada u Dabid te u khot ‘U Trai’ ïa u, kumno ba u long u khun jong u?” 46#Mrk. 12:34; Luk. 20:40.Ym don te uba lah ban ïathuh shikyntien ïa U, lymne ym don uba shlan kylli shuh ïa U naduh kata ka sngi.
The Bible Society of India