MATHAÏOS 17
17
Ka jingkylladur
(Mrk. 9:2-13; Luk. 9:28-36)
1 #
Mat. 26:37; Mrk. 5:37; 9:2-10; 13:3; Luk. 9:28-36; 2 Pet. 1:17-18. Ynda la hynriew sngi ruh, U Jisu u la shim lem ïa u Petros, bad ïa u Jakob, bad ïa u Ïoannis u para jong u, bad U la leit lam ïa ki kyrpang sha u lum bajrong, 2bad la pynkylla dur ïa u ha khmat jong ki; ka khmat jong u te ka la tyngshaiñ kum ka sngi, bad ki jaiñ jong u ki la long lieh kum ka jingshai. 3Ha khmih ruh, u Moses bad u Elias ki la paw ha ki, ki da ïakren bad u. 4U Petros te u da ïathuh u la ong ha U Jisu, “Ko Trai, ka bha ïa ngi ban don hangne; lada me mon, ngan thaw hangne lai tylli ki ïingtrep; kawei ïa me, kawei ruh ïa u Moses, bad kawei ruh ïa u Elias.” 5#Salm. 2:7; Isa. 42:1; Mat. 3:17; 12:18; Mrk. 1:11; Luk. 3:22; Ïoan. 12:28.Haba u dang kren, ha khmih, u lyoh batyngshaiñ u la kah ïa ki: ha khmih ruh, ka ktien na uta u lyoh ka la ong, “Une u long U Khun jong nga uba ieit, ha uba nga sngewbha: phin sngew ïa u.” 6Haba ki synran te ki la ïohsngew, ki la dem ngon, bad ki la sheptieng shibun eh. 7U Jisu te haba u la wan hajan, u la ktah ïa ki, bad u la ong, “To ïeng, wat sheptieng ruh.” 8Te haba ki la khmied la ki khmat, kim ïohi ïano ïano ruh, hynrei, tang ïa U Jisu hi.
9 #
Mat. 8:4; 16:20; Mrk. 3:12; 5:43; 7:36. Haba ki dang ïahiar te na uta u lum, U Jisu u la hukum ïa ki, u da ong, “Wat ïathuh hano hano ruh ïa kata ka jingithuhpaw, tad ynda U Khun u briew u la mihpat na ki baïap.” 10#Mal. 4:5; Mrk. 9:11-13; Mat. 11:14.Ki synran jong u te ki la ïakylli ïa u, ki da ong, “Na ka balei te ba ki nongthoh ki ong ba ka dei ba u Elias un wan shuwa?” 11U Jisu te u la ïathuh bad u la ong ha ki, “U Elias shisha u wan, bad un pynbha ïa kiei kiei baroh: 12#Mat. 11:14; 16:21; 17:22; 20:17; 26:2; Luk. 17:25.hynrei, nga ong ha phi, ba u Elias u la wan lypa, bad kim shym la ithuh ïa u, hynrei, ki la leh ïa u katba ki la imon. Kumta ruh, U Khun u briew un sa shah shitom na ki.” 13Ynda kumta, ki synran ki la ïasngewthuh ba u la ïathuh ha ki shaphang u Ïoannis u Nongpynbaptis.
U Jisu u pynkhiah ïa u khynnah u bapang bhur
(Mrk. 9:14-29; Luk. 9:37-43)
14 #
Mrk. 9:14-27; Luk. 9:37-43. Te haba ki la ïawan ha u paidbah, uwei u briew u la wan ha U, u da dem khohsiew ïa U, u da ong, 15“Ko Trai, to isynei ïa u khun jong nga; naba u pang bhur, u kordit eh ruh, naba u hap jyndei ha ka ding, jyndei ha ka um ruh. 16Nga la wallam ïa u ha ki synran jong me, te kim lah ban pynkhiah ïa u.” 17U Jisu te u la ïathuh bad u la ong, “A phi ka pateng bynriew bymngeit bad bamutlop, sa katno ngan long lem bad phi? sa katno ngan shah ïa phi? to wallam ïa u shane sha nga.” 18Te U Jisu u la sneng ïa uta u ksuid, u ruh u la mih noh na u; te uta u khynnah u la khiah naduh kata ka por. 19#Mrk. 9:28-29.Ynda kumta, ki synran ki la ïawan ha U Jisu jar jar, bad ki la ong, “Balei ba ngi ngim lah ban beh noh ïa u?” 20#Luk. 17:6; Mat. 21:21; Mrk. 11:22-23; 1 Kor. 13:2; Mrk. 9:23.U Jisu te u la ïathuh ha ki, “Namar ka jingbymngeit jong phi: naba shisha nga ong ha phi, lada phi don ka jingngeit kaba kat iwei i symbai tyrso, phin ong ha une u lum, ‘To leit noh nangne hangtai’, te un leit noh keiñ; bad ym don kaei kaei ruh ïa kaba phin ym lah leh. 21Hynrei, u kynja une um ju mih noh, hynrei, tang da ka jingduwai bad kaba shah jingit.”
U Jisu u ïathuhlypa shaphang la ka jingïap bad ka jingmihpat
(Mrk. 9:30-32; Luk. 9:43-45)
22 #
Mrk. 9:30-32; Luk. 9:43-45; Mat. 16:21; 20:17-19; 26:2. Haba ki dang ïaïaid te ha Galilaïa, U Jisu u la ong ha ki, “Yn sa die noh ïa U Khun u briew ha ki kti ki briew, 23bad kin ïa-pynïap ïa u, hynrei, ha ka balai ka sngi yn sa pynmih pat ïa u.” Te ki la ïasngewsih eh.
Kaba siew ïa ka baikhrong
24 #
Eks. 30:13; 38:26. Te haba ki la poi ha Kapernam, kita kiba ïakhrong ïa ki shiteng shekel ki la ïawan ha u Petros, bad ki la ïakylli, “U Nonghikai jong phi um ju siew ïa ki shiteng shekel?” 25#Rom. 13:7; Mat. 22:17-21.U la ong, “Ho-oid.” Te ynda u la leit hapoh ïing, U Jisu u la kren shuwa ïa u, U da ong, “Me mut kumno, ko Simon? na kino ba ki syiem ka pyrthei ki ju shim khrong lane khajna? na la ki khun hi, ne na ki nongwei?” 26U Petros u la ong ha U, “Na ki nongwei.” U Jisu u la ong ha u, “Naba kumta te ki khun ki lait. 27#Mat. 5:29; 18:6-9; Ïoan. 6:61; 1 Kor. 8:13.Hynrei, ïoh ba ngin ïa-pynthut ïa ki, to khie leit sha ka duriaw, bred ïa u khwai, bad to shim ïa kata ka dohkha kaba la ngat nyngkong; bad haba me la pyn-ang ïa ka shyntur jong ka, men shem shi shekel; to shim ïa kata, to ai ruh ha ki na ka bynta jong nga bad jong me ruh.”
The Bible Society of India