LEBITIKOS 24
24
Ka umphniang ïa ki sharak
(Eks. 27:20,21)
1 #
Eks. 27:20,21. Bad U Trai u la kren ha u Moses u da ong, 2“To hukum ïa ki khun Israel, ba kin wallam ha me ïa ka umphniang Olib basngur bha ïa ka jingshai, ïa ka ban thang ha ki sharak ha la ka sngi. 3Kan long shabar ka jingkah ka jong ka jingphla, hapoh Ka Tabernakl ka jingïaseng, ba u Aaron un buh beit ïa kane, naduh janmiet haduh mynstep ha khmat U Trai ha la ka sngi: kane kan long ka hukum bajunom ïa phi ha la ki pateng la pateng. 4Halor ka dieng pynïeng sharak ksiar un buh beit ïa ki sharak ha la ka sngi ha khmat U Trai.
U 'pu pyni
5 #
Eks. 25:30; 39:36; 40:23; Mat. 12:4; Mrk. 2:26; Luk. 6:4. “Bad to shim ïa u 'purew bani, bad to shet na uta khat-ar tylli ki kpu: uwei uwei u kpu un shong ar ar bynta na kiba shiphew. 6Bad men buh ar lynter ïa ki, hynriew hynriew tylli shilynter, halor ka miej bakhuid ha khmat U Trai. 7Men buh ruh ïa ka jingiwbih basngur halor kawei kawei ka lynter, ba kan long halor kita ki kpu kum ka jingpynkynmaw, ka jingainguh da ka ding keiñ ha U Trai. 8Bad ha la ka sngi Sabbaton un leh beit ïa kane ha khmat U Trai khlem da pud, ïa ka ban long ka jutang bajunom na ki khun Israel. 9#Mat. 12:4; Mrk. 2:26; Luk. 6:4.Bad kine kin long ki jong u Aaron bad ki khun shynrang jong u; bad kin bam ma ki, ïa kata ha ka jaka kyntang: naba ki long ki bakyntang tam ha u na ki jingkñia da ka ding ki jong U Trai da ka hukum bajunom.”
Ka jingpynshitom ïa ka jingkrenbeiñ blei bad ka aiñ ka jingburia
10Te u khun ka briew bakynja Israel, uba u kpa jong u, u la long u kynja Ijipt, u la mih noh hapdeng ki khun Israel: bad une u khun ka kynja Israel bad uwei u briew u kynja Israel ki la ïakajia ha ka jaka shong dara; 11bad u khun ka kynja Israel u la krenbeiñ ïa ka Kyrteng U Trai, bad u la tim: ynda kumta, ki la wallam ïa u ha u Moses. Bad ka kyrteng ka kmie jong u ka la long “ka Shelomith”, ka khun u Dibri, na ka jaid Dan. 12Bad ki la ïabuh ïa u ha ka byndi, haduh ba kin da ïoh tip ïa ka jingmut U Trai hi.
13Bad U Trai u la kren ha u Moses, u da ong, 14“To wallam ïa uta u nongkrenbeiñ blei shabar ka jaka shong dara; bad to ai ba baroh kat kiba la ïohsngew ïa u kin buh ïa la ki kti halor ka khlieh jong u, bad u paidlang baroh un lynthem maw ïa u. 15To kren ruh ha ki khun Israel, da ong, ‘Jar uba krenbeiñ ïa U Blei jong u un kit hi ïa la ka pop. 16Bad jar uba krenbeiñ ïa ka kyrteng U Trai, yn pynïap shisha ïa uta; u paidlang baroh shisha un lynthem maw ïa u: ïa u nongwei, kumjuh kum uta ïa uba la kha ha ka ri keiñ, yn pynïap noh haba u krenbeiñ ïa ka kyrteng U Trai. 17#Eks. 21:12.Bad jar uba pynïap briew yn pynïap shisha ïa u ruh; 18bad jar uba pynïap ïa u mrad un buria ïa ka dor jong u: ka mrad namar ka mrad. 19#Eks. 21:23-25; Deu. 19:21; Mat. 5:38.Bad lada u briew un pynmynsaw ïa la u paramarjan; kumba u la leh, kumta hi keiñ yn leh kylliang ïa u; 20#Eks. 21:23-25; Deu. 19:21; Mat. 5:38.ka jingmynsaw namar ka jingmynsaw, ka khmat namar ka khmat, ka bniat namar ka bniat: kumba u la ai ka jingmynsaw ïa u briew, kumta hi keiñ, yn leh kylliang ïa u. 21Bad jar uba pynïap ïa u mrad, un buria ïa ka dor jong u: bad jar uba pynïap briew ïa u ruh yn pynïap noh. 22#Eks. 12:49; Jkñ. 9:14; 15:15,16,29.Phin ïoh tang kawei ka jingbishar ïa u nongwei, kumjuh kumba ïa u parakher paramer jong phi: naba Nga long U Trai U Blei jong phi.’ ”
23Bad u Moses u la ong ha ki khun Israel, ba kin wallam noh ïa uta uba la tim shabar ka jaka shong dara, bad ba kin lynthem maw ïa u. Bad ki khun Israel ki la leh kumba U Trai u la hukum ïa u Moses.
Currently Selected:
LEBITIKOS 24: KHB
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
