JOSHUA 21

Ki nongbah jong ki Lebi

(1 Khrn. 6:54-81)

1 # Jkñ. 35:1-8; 1 Khrn. 6:54-81. Ynda kumta, ki rangbah ki kpa ki Lebi ki la wan hajan ha u Eleasar lyngdoh, bad ha u Joshua u khun u Nun, bad ha ki rangbah ki kpa ki jaid ki khun Israel; 2bad ki la kren ha ki ha Sheiloh ha ka ri Kanaan, ki da ong, “U Trai u la hukum da ka kti u Moses ban ai ha ngi ki nongbah ba ngin shong, bad ki rudnong jong ki, ïa ki jingri jong ngi.” 3Bad ki khun Israel ki la ai ha ki Lebi na kata ka jingïoh kynti jong ki, da ka hukum U Trai, ïa kine ki nongbah bad ki rudnong jong ki.

4Bad ka jingkhalai ka la hap ha ka ïing ki Kohath: bad ki khun u Aaron lyngdoh, kiba long ki Lebi, ki la ïoh da ka jingkhalai na ka jaid u Judah, bad na ka jaid u Simeon, bad na ka jaid u Benjamin, khatlai ki nongbah.

5Bad kiba dang sah na ki khun u Kohath ki la ïoh da ka jingkhalai na ki ïing ka jaid u Ephraim, bad na ka jaid u Dan, bad na shiteng ka jaid u Manasseh, shiphew ki nongbah.

6Bad ki khun u Gershon ki la ïoh da ka jingkhalai na ki ïing ka jaid u Issakhar, bad na ka jaid u Asher, bad na ka jaid Naphtali, bad na shiteng ka jaid u Manasseh ha Bashan, khatlai ki nongbah.

7Ki khun u Merari kat kum ki ïing jong ki, ki la ïoh na ka jaid u Reuben, bad na ka jaid u Gad, bad na ka jaid u Sabulon, khat-ar ki nongbah.

8Bad ki khun Israel ki ïa-ai da ka jingkhalai ha ki Lebi ïa kine ki nongbah bad ki rudnong jong ki, kumba U Trai u la hukum da ka kti u Moses.

9Bad ki la ai na ka jaid ki khun u Judah, bad na ka jaid ki khun u Simeon, ïa kine ki nongbah kiba la ong hangne da ka kyrteng: 10bad ki la long ïa ki khun u Aaron, na ki ïing ki Kohath, kiba na ki khun u Lebi: namar ka jong ki ka la long ka jingkhalai banyngkong. 11Bad ki la ai ha ki, ïa ka Kiriath-arba, uta u Arba u la long u kpa u Anak, (kata ka long “ka Hebron”), ha ri lum Judah, bad ki rudnong jong ka baroh sawdong. 12Hynrei, ïa ki lyngkha jong kata ka nongbah, bad ki nongrit jong ka, ki la ai ha u Kaleb u khun u Jephunneh ban long ka jong u.

13Bad ki la ai ha ki khun u Aaron lyngdoh ïa ka Hebron bad ïa ki rudnong jong ka, ka nongbah jaka rieh ïa u nongpynïap briew, bad ïa ka Libnah bad ki rudnong jong ka; 14bad ka Jattir bad ki rudnong jong ka, bad ka Eshtemoa bad ki rudnong jong ka; 15bad ka Holon bad ki rudnong jong ka, bad ka Debir bad ki rudnong jong ka; 16bad ka Ain bad ki rudnong jong ka, bad ka Juttah bad ki rudnong jong ka, bad ka Beth-shemesh bad ki rudnong jong ka; khyndai tylli ki nongbah na kita ki ar jaid. 17Bad na ka jaid u Benjamin, ïa ka Gibeon bad ki rudnong jong ka, ka Geba bad ki rudnong jong ka; 18ka Anathoth bad ki rudnong jong ka, bad ka Almon bad ki rudnong jong ka; saw ki nongbah. 19Baroh ki shnong ki khun u Aaron, ki lyngdoh, ki la long khatlai ki nongbah bad ki rudnong jong ki.

20Bad ki ïing ki khun u Kohath, ki Lebi keiñ kiba dang sah na ki khun u Kohath, ki la ïoh ki shnong ka bynta jong ki na ka jaid u Ephraim. 21Bad ki la ai ha ki, ïa ka Shekhem bad la ki rudnong ha u lum Ephraim, ka shnong jaka rieh ïa u nongpynïap briew, bad ïa ka Geser bad la ki rudnong; 22bad ka Kibsaim bad la ki rudnong, bad ka Beth-horon bad la ki rudnong; saw tylli ki nongbah. 23Bad na ka jaid u Dan, ïa ka Eltekeh bad la ki rudnong, ka Gibbethon bad la ki rudnong; 24ka Aijalon bad la ki rudnong, ka Gath-rimmon bad la ki rudnong; saw tylli ki nongbah. 25Bad na ki shiteng ka jaid u Manasseh, ïa ka Taanakh bad la ki rudnong, bad ka Gath-rimmon bad la ki rudnong; ar tylli ki nongbah. 26Baroh ki shnong kiba dei ïa ki ïing ki khun u Kohath kiba dang sah ki la long shiphew bad la ki rudnong.

27Bad ha ki khun u Gershon, na ki ïing u Lebi, na kata ka shiteng jaid u Manasseh ki la ai ïa ka Golan ha Bashan bad la ki rudnong, ka shnong jaka rieh ïa u nongpynïap briew; bad ka Beeshterah bad la ki rudnong; ar tylli ki nongbah. 28Bad na ka jaid u Issakhar, ïa ka Kishion bad la ki rudnong, ka Daberath bad la ki rudnong; 29ka Jarmuth bad la ki rudnong, ka En-gannim bad la ki rudnong; saw tylli ki nongbah. 30Bad na ka jaid u Asher, ïa ka Mishal bad la ki rudnong, ka Abdon bad la ki rudnong; 31ka Helkath bad la ki rudnong, bad ka Rehob bad la ki rudnong; saw tylli ki nongbah. 32Bad na ka jaid u Naphtali, ïa ka Kedesh ha Galilaïa bad la ki rudnong, ka shnong jaka rieh ïa u nongpynïap briew, bad ka Hammoth-dor bad la ki rudnong, bad ka Kartan bad la ki rudnong; lai tylli ki nongbah. 33Baroh ki shnong ki Gershon kat kum ki ïing jong ki, ki la long khatlai tylli ki nongbah bad la ki rudnong.

34Bad ha ki ïing ki khun u Merari, kiba sah na ki Lebi, na ka jaid u Sabulon, ïa ka Jokneam bad la ki rudnong, bad ka Kartah bad la ki rudnong, 35ka Dimnah bad la ki rudnong, ka Nahalal bad la ki rudnong, saw tylli ki nongbah. 36Bad na ka jaid u Reuben, ïa ka Beser bad la ki rudnong; bad ka Jahas bad la ki rudnong, 37ka Kedemoth bad la ki rudnong, bad ka Mephaath bad la ki rudnong; saw tylli ki nongbah. 38Bad na ka jaid u Gad, ïa ka Ramoth ha Gilead bad la ki rudnong, ka shnong jaka rieh ïa u nongpynïap briew, bad ka Mahanaim bad la ki rudnong; 39ka Heshbon bad la ki rudnong, ka Jaser bad la ki rudnong; baroh saw tylli ki nongbah. 40Kine ki shnong baroh kiba dei ïa ki khun u Merari kat kum ki ïing jong ki, kiba sah na ki ïing ki Lebi keiñ; ki la long da ka jingkhalai khat-ar tylli ki nongbah.

41Ki shnong ki Lebi baroh hapdeng ka bynta ki khun Israel ki la long sawphew phra tylli ki nongbah bad la ki rudnong. 42Kine ki shnong ki la long kawei pa kawei bad la ki rudnong baroh sawdong: kumta ka la long ha kine ki shnong baroh.

Ki khun Israel ki ïoh kynti ïa ka ri

43Kumta U Trai u la ai ha ki Israel ïa kata ka ri baroh ïa kaba u la smai ban ai ha ki kpa jong ki; bad ki la ïoh ïa ka, bad ki la shong ha ka. 44Bad U Trai u la ai ha ki ka jingshongthait baroh sawdong, kat kumba u la smai baroh ha ki kpa jong ki: bad ym shym don uwei u briew na ki nongshun jong ki baroh uba la ïeng ha khmat jong ki; U Trai u la ai noh ïa ki nongshun jong ki baroh ha ka kti jong ki. 45Kam shym duh ei ei na kiei kiei ki babha ïa kiba U Trai u la kren ha ka ïing Israel; ka la wan long baroh.

Currently Selected:

JOSHUA 21: KHB

Highlight

Copy

Compare