2 MAKABAYO 9
9
OMWAMI Nyasaye ahelesia omuruchi Antioko eshinyaasio
(1 Mak. 6:1-7; 2 Mak. 1:11-17)
1Khubise biene ebio, Antioko yali nachelelanga neinduli okhurula Perisia, 2ewa yali niyenjile mwitookho lia Perisepoli natemile okhunuula ebindu muhekalu nende okhutiila litookho tsana. Abandu belitookho elo barula nibemanuule, nibamuseera Antioko, nikamunichilisia okhukalukha inyuma mushifimbwa murwe. 3Olwa Antioko yoola Ekibatana, yaboolelwa akali nikekholeshe khu Nikanori halala nende abelihe ba Timotseyo. 4Yatiilwa neliruma, ne narunga Abayahudi eshikwoli khulwa okhuhulwakhwe. Kho namulachilisia owelusinjia likaarilie mbu shialasinjilakhwo habundu hosi hosi ta okhuula olwa boola Yerusalemu. Yeyitsiala neinjinia, naboola ari: “Olwa nduula Yerusalemu, ndalakalukhasia litookho elo okhuba ing'ani eyitsulemwo emilambo chia Abayahudi.”
Nebutswa shiyamanya mbu, eshinyaasio eshia Nyasaye shiali nishili ninaye tawe. 5Ne olwa yarumbula butswa amakhuwa ako, ne Nyasaye oulolanga ebindu biosi, Nyasaye wa Isiraeli, namukhupa shiolumbe lwamasilisi, inda yachaaka okhumukhaaya obutinyu. 6Eshio shiali eshinyaasio eshimukhoyeele omundu owali niyasalisia abashie muno! 7Nebutswa shiyalekha injinia nende okhwichinjimisiakhwe ta, yameeta kata okhushila olwambeli. Nali neliruma lilulu khu Abayahudi yalachilisia owelusinjia likaarilie mbu ameete okhutsia tsimbilo. Mukhutsia tsimbilo okhwo kachila Antioko naremulukha okhurula mwikaari nakwa hasi, omubilikwe kwosi nikusaalila. 8Injinia neisunga biamukhola okhupaara mbu, ali nobunyali bwokhukhola amarunda keinyanza okhumuhulila, nende okhuchela ebikulu ebirambi khubiitenjelesio. Nebutswa metsukhana, yakwa hasi nalambilaho. Naba owokhuchingwa butswa khwicheela. Ako kachila obunyali bwa Nyasaye nibulolekha habulafu. 9Omubili kwomumayanu oyo kwetsulakhwo tsinyende, ne nashiliho mwoyo khandi natsunungwa omubili obululu muno. Eshikhobashie shiachaaka okhubola, nishihunya obubolo obuubi kata abelihebe nibekomba okhwilukha okhurula khuye. 10Shiyaliho owakhasutile ahambi okhuchinga, omundu owali niyakheyitsialanga shinga olwa anyala okhutiila tsing'ining'ini tsiomwikulu tawe.
Antioko akhola Obusuubisie khu Nyasaye
(1 Mak. 6:8-17)
11Antioko yanyakhana mumwoyo okhushila, omubilikwe nakwo nikusalila buli lwosi okhurulana neshinyaasio eshia Nyasaye yamureelera. Yamala yekalushile omwene niyetutuyia, nalekhana neinjinia eya yali nabeelenje ninayo. 12Olunyumakhwo, naranyala okhwifwila libolo eliarulananga khumubilikwe omwene ta, yaboola ari: “Kakhoyele buli mundu okhwituutuyia khu Nyasaye, oburapaara mbu bahelaana ninaye ta.” 13Kata olwa tsimbabasi tsia Nyasaye tsiali nitsiola khushiakamo khulwa Antioko, omusaatsa weshisinyo uno yamwitsubila naboola ari: 14“Litookho litakatifu lia Yerusalemu elia ndekombanga okhusasia nende okhukhola okhuba ing'ani yemilambo chia Abayahudi, bulano endachilisia mbu lili nobulekhuule. 15Ndeteeya okhusukunila tsisolo nabulimo nende amanyonyi kokhwikulu emibili echia Abayahudi halala nende echia abaana babwe okhulia, shichila ndapaara mbu shibakhoyele kata okhuyabilwa khwonyene ta. Nebutswa bulano Abayahudi balatsaatsahalila amalayi koosi kabebule ba Atsene basangalilanga. 16Olundi ndayaaya Ihekalu, nenjinga ebikaye biayo ebitakatifu, nebutswa bulano ndaletsusiamwo ebihanwa ebilayi nende ebikaye ebishila ebiambeli mubulayi, khandi ndalarunga biosi ebiokhumala emisango okhurula mumabishilo kanje. 17Okhumeta khukano, isie mwene ndalakalukhana okhuba omuyahudi, ndalatsia mutsingongo tsiosi ewabandu bali, nebaboolelanga khukobunyali bwa Nyasaye.”
Ibarwa ya Antioko khu Abayahudi
18Nebutswa Antioko yatsiililila okhusaalila obulanyoola obusoosi bwosi bwosi ta, shichila shino shiali eshinyaasio eshimukhoyeele okhurula khu Nyasaye. Yafwa omwoyo muno, ne nahandichila Abayahudi ibarwa, eyali shinga amasaayo naboola ari, 19“Eyirula khumuruchi Antioko, yule khu Abayahudi, abandu belihanga lianje aboluyali. Nyoole amashesio kanje kobuheeli, ne emwikombelanga obulamu obulayi khandi obutsililili obulayi.
20“Esuubila mbu inywe halala nende abetsinzu tsienywe muli abalamu, khandi mutsilililanga obulayi. Obunaaayi bwanje buli mu Nyasaye, 21ne nditsulilanga nobusangaali obukhongo oluyali nende aketsimbabasi akamwakholela.
“Olwa ndali ninjelelanga okhurula Perisia, obulwale obusiro bwatsitsakhwo, nikachila nimbaara mbu ndirecheshe okhukhola amalayi khulwa abandu boosi. 22Eshili butswa nobunayi, khandi nditsuulemwo obusubili mbu ndalasosa. 23Nebutswa nditsulila mbu papa yalobolanga owakhakaluushe mushilenjeshie buli olwa yatsitsanga mwihe mubibala biemukulu. 24Imelo yino yalinji mbu eshindu nishitsukhana shiamwikholekhakhwo, noho abandube munyuma banyoole likhuwa elirachamisia ta, shibakhatililwe noburi ta, okhuba bakhamanyile owayalekha munyuma okhubemilila. 25Okhumeta khukano, emanyile shinga olwa abaruchi abamahanga akarondokhane nelianje bali meeso khubwiyangu bwosi bwosi obubanyooleshela. Nakachila emuloboole omwana wanje Antioko mbu akalushe mushilenje shianje shinga omuruchi. Akhandi akhanji ndamuleshilenje mumakhono kenywe nimbareeba mbu muhulilisanie ninaye olwa ndatsilenje mubibala ebiemukulu. (Yesi emuhelesinjia ibarwa yino.) 26Bulano emusaaya mbu buli mulala khwinywe yetsulile amalayi koosi aka ndamukholela, khululwe omwene khandi shinga lihanga, nimutsiililila okhuba nomwoyo omulayi khwisie omwene khandi khumwana wanje. 27Esuubilila mbu alabakholela akabakhoyele khandi akeshisa, shinga olwa isie omwene ndabakholelenje buli lwosi.”
28Kho omwiri uno, owali niyamunyeka Nyasaye nasaalila obutinyu muno, shinga butswa olwa yasalisinjia abashie. Yafwa olufu lwokhubeelesia mubikulu ebiomushialo eshicheni. 29Mulala khubetsabe abakhongo mbu Filipo yayila omulambokwe ingo, nebutswa khulwa okhumuria omwana wa Antioko, yatsia ewomuruchi Tolemai Filometori, owali Misiri.
Currently Selected:
2 MAKABAYO 9: OLUDC
Highlight
Share
Copy
Want to have your highlights saved across all your devices? Sign up or sign in
2 MAKABAYO 9
9
OMWAMI Nyasaye ahelesia omuruchi Antioko eshinyaasio
(1 Mak. 6:1-7; 2 Mak. 1:11-17)
1Khubise biene ebio, Antioko yali nachelelanga neinduli okhurula Perisia, 2ewa yali niyenjile mwitookho lia Perisepoli natemile okhunuula ebindu muhekalu nende okhutiila litookho tsana. Abandu belitookho elo barula nibemanuule, nibamuseera Antioko, nikamunichilisia okhukalukha inyuma mushifimbwa murwe. 3Olwa Antioko yoola Ekibatana, yaboolelwa akali nikekholeshe khu Nikanori halala nende abelihe ba Timotseyo. 4Yatiilwa neliruma, ne narunga Abayahudi eshikwoli khulwa okhuhulwakhwe. Kho namulachilisia owelusinjia likaarilie mbu shialasinjilakhwo habundu hosi hosi ta okhuula olwa boola Yerusalemu. Yeyitsiala neinjinia, naboola ari: “Olwa nduula Yerusalemu, ndalakalukhasia litookho elo okhuba ing'ani eyitsulemwo emilambo chia Abayahudi.”
Nebutswa shiyamanya mbu, eshinyaasio eshia Nyasaye shiali nishili ninaye tawe. 5Ne olwa yarumbula butswa amakhuwa ako, ne Nyasaye oulolanga ebindu biosi, Nyasaye wa Isiraeli, namukhupa shiolumbe lwamasilisi, inda yachaaka okhumukhaaya obutinyu. 6Eshio shiali eshinyaasio eshimukhoyeele omundu owali niyasalisia abashie muno! 7Nebutswa shiyalekha injinia nende okhwichinjimisiakhwe ta, yameeta kata okhushila olwambeli. Nali neliruma lilulu khu Abayahudi yalachilisia owelusinjia likaarilie mbu ameete okhutsia tsimbilo. Mukhutsia tsimbilo okhwo kachila Antioko naremulukha okhurula mwikaari nakwa hasi, omubilikwe kwosi nikusaalila. 8Injinia neisunga biamukhola okhupaara mbu, ali nobunyali bwokhukhola amarunda keinyanza okhumuhulila, nende okhuchela ebikulu ebirambi khubiitenjelesio. Nebutswa metsukhana, yakwa hasi nalambilaho. Naba owokhuchingwa butswa khwicheela. Ako kachila obunyali bwa Nyasaye nibulolekha habulafu. 9Omubili kwomumayanu oyo kwetsulakhwo tsinyende, ne nashiliho mwoyo khandi natsunungwa omubili obululu muno. Eshikhobashie shiachaaka okhubola, nishihunya obubolo obuubi kata abelihebe nibekomba okhwilukha okhurula khuye. 10Shiyaliho owakhasutile ahambi okhuchinga, omundu owali niyakheyitsialanga shinga olwa anyala okhutiila tsing'ining'ini tsiomwikulu tawe.
Antioko akhola Obusuubisie khu Nyasaye
(1 Mak. 6:8-17)
11Antioko yanyakhana mumwoyo okhushila, omubilikwe nakwo nikusalila buli lwosi okhurulana neshinyaasio eshia Nyasaye yamureelera. Yamala yekalushile omwene niyetutuyia, nalekhana neinjinia eya yali nabeelenje ninayo. 12Olunyumakhwo, naranyala okhwifwila libolo eliarulananga khumubilikwe omwene ta, yaboola ari: “Kakhoyele buli mundu okhwituutuyia khu Nyasaye, oburapaara mbu bahelaana ninaye ta.” 13Kata olwa tsimbabasi tsia Nyasaye tsiali nitsiola khushiakamo khulwa Antioko, omusaatsa weshisinyo uno yamwitsubila naboola ari: 14“Litookho litakatifu lia Yerusalemu elia ndekombanga okhusasia nende okhukhola okhuba ing'ani yemilambo chia Abayahudi, bulano endachilisia mbu lili nobulekhuule. 15Ndeteeya okhusukunila tsisolo nabulimo nende amanyonyi kokhwikulu emibili echia Abayahudi halala nende echia abaana babwe okhulia, shichila ndapaara mbu shibakhoyele kata okhuyabilwa khwonyene ta. Nebutswa bulano Abayahudi balatsaatsahalila amalayi koosi kabebule ba Atsene basangalilanga. 16Olundi ndayaaya Ihekalu, nenjinga ebikaye biayo ebitakatifu, nebutswa bulano ndaletsusiamwo ebihanwa ebilayi nende ebikaye ebishila ebiambeli mubulayi, khandi ndalarunga biosi ebiokhumala emisango okhurula mumabishilo kanje. 17Okhumeta khukano, isie mwene ndalakalukhana okhuba omuyahudi, ndalatsia mutsingongo tsiosi ewabandu bali, nebaboolelanga khukobunyali bwa Nyasaye.”
Ibarwa ya Antioko khu Abayahudi
18Nebutswa Antioko yatsiililila okhusaalila obulanyoola obusoosi bwosi bwosi ta, shichila shino shiali eshinyaasio eshimukhoyeele okhurula khu Nyasaye. Yafwa omwoyo muno, ne nahandichila Abayahudi ibarwa, eyali shinga amasaayo naboola ari, 19“Eyirula khumuruchi Antioko, yule khu Abayahudi, abandu belihanga lianje aboluyali. Nyoole amashesio kanje kobuheeli, ne emwikombelanga obulamu obulayi khandi obutsililili obulayi.
20“Esuubila mbu inywe halala nende abetsinzu tsienywe muli abalamu, khandi mutsilililanga obulayi. Obunaaayi bwanje buli mu Nyasaye, 21ne nditsulilanga nobusangaali obukhongo oluyali nende aketsimbabasi akamwakholela.
“Olwa ndali ninjelelanga okhurula Perisia, obulwale obusiro bwatsitsakhwo, nikachila nimbaara mbu ndirecheshe okhukhola amalayi khulwa abandu boosi. 22Eshili butswa nobunayi, khandi nditsuulemwo obusubili mbu ndalasosa. 23Nebutswa nditsulila mbu papa yalobolanga owakhakaluushe mushilenjeshie buli olwa yatsitsanga mwihe mubibala biemukulu. 24Imelo yino yalinji mbu eshindu nishitsukhana shiamwikholekhakhwo, noho abandube munyuma banyoole likhuwa elirachamisia ta, shibakhatililwe noburi ta, okhuba bakhamanyile owayalekha munyuma okhubemilila. 25Okhumeta khukano, emanyile shinga olwa abaruchi abamahanga akarondokhane nelianje bali meeso khubwiyangu bwosi bwosi obubanyooleshela. Nakachila emuloboole omwana wanje Antioko mbu akalushe mushilenje shianje shinga omuruchi. Akhandi akhanji ndamuleshilenje mumakhono kenywe nimbareeba mbu muhulilisanie ninaye olwa ndatsilenje mubibala ebiemukulu. (Yesi emuhelesinjia ibarwa yino.) 26Bulano emusaaya mbu buli mulala khwinywe yetsulile amalayi koosi aka ndamukholela, khululwe omwene khandi shinga lihanga, nimutsiililila okhuba nomwoyo omulayi khwisie omwene khandi khumwana wanje. 27Esuubilila mbu alabakholela akabakhoyele khandi akeshisa, shinga olwa isie omwene ndabakholelenje buli lwosi.”
28Kho omwiri uno, owali niyamunyeka Nyasaye nasaalila obutinyu muno, shinga butswa olwa yasalisinjia abashie. Yafwa olufu lwokhubeelesia mubikulu ebiomushialo eshicheni. 29Mulala khubetsabe abakhongo mbu Filipo yayila omulambokwe ingo, nebutswa khulwa okhumuria omwana wa Antioko, yatsia ewomuruchi Tolemai Filometori, owali Misiri.
Currently Selected:
:
Highlight
Share
Copy
Want to have your highlights saved across all your devices? Sign up or sign in