2 MAKABAYO 10
10
Okhusiiywa okhwa Ihekalu
(1 Mak. 4:36-61)
1Omwami yemilila Yuda Makabayo halala nende abandu aba yali ninabo, nibabukula Ihekalu nende litookho lia Yerusalemu khandi. 2Basambula ebimalilo biemisango ebiali nibiumbaakhwe nabandu abarende khubiiro, nibasasia tsinyanyi tsiokhulaamilamwo. 3Basiiya Ihekalu nende okhumbakhamwo eshimalilo shiemisango eshiyiakha. Mana bahaafia omulilo okhurulana khukhutuya amachina halala, okwa bamalila emisango olwambeli olunyuma lwoluhoono lwemiyika chibili. Basamba obubane, nibahaafia etsitaha nende okhupanga emikaate emitakatifu. 4Olunyuma lwokhukhola bario, bekhupa hasi mafumama nibamusaya Omwami mbu shaleyamakhwo khandi amasila shinga yako okhubanyoola tawe. Bamureeba mbu olundi nibaba nibamwonoonela, abe ye omwene oubakhalachila eshinyaasio nabesumilisilia, nalabahaana khumahanga kandi butswa amashiamu, akalamumanyilisiye Nyasaye ta. 5Basiiya Ihekalu khunyanga yamakhumi kabili nakharano yomwesi kwa Kisilewi, inyanga tsana eya Ihekalu yali niyafwolelwakhwo nabarende. 6Abandu beshia nibasangaala tsinyanga munane, shinga olwa bakholanga Khwisabo lia Amatili. Beyitsusia shinga olwa ahambi yaho bali nibaatimatimilenje mubikulu nende mutsimbinga shinga tsisolo nabulimo, olwa baba nibeshieranga Lisabo eli Amatili. 7Kho nibachinjile emishindu emibisi nende tsisaala etsiakoorwakhwo obulayi, bemba nibetsoomia, nibamukhupila Omwami orio khulwa okhubanyalila okhusiiya Ihekaluye indakatifu. 8Bakhupa ikha nibafuchilisania, mana nibakhupilana omulome mbu lihanga lilamba lia Abayahudi lishierenje lisabo lino buli omuyika.
Tolemai Makironi yeyira omwene
9Nolwa obumalilishi bwa Antioko, owalangwa mbu Epifane bwali. 10#1 Mak. 6:17Bulano khwitsa okhuboolakhwo amakhuwa ka Antioko Ewupatori, omusiani wa Antioko Epifane, omundu oulaali niyamumanya Nyasaye ta, khandi khulaboolakhwo mubwimbichiti amakhuwa amabi akekholekha mwihelie. 11Olwa Antioko Epatori yemekhwa okhuba omuruchi, yaahula Lisia okhusinjilila oburuchi obwo khandi okhuba omulindi omukhongo weshialo shia Siria nende Foinike, 12mushilenje shia Tolemai Makironi, owali omulindi wambeli khandi owakholela abandu ba Yuda akahabwene. Makironi yakhola ario khulwa okhulera omulembe hakari wabwe. 13Khulweshio, abalina bomuruchi batsiila Ewupatori, nibachiishila Makironi mbu ali weshikhabili. Eshifune mbu yalekha eshikhalachinga shia Kupuro eshiayaheebwa nende omuruchi Filometori owa Misiri, khandi yalonda khu Antioko Epifane. Buli mundu yalanga Makironi mbu oweshikhabili, ne nalaba noluyali khandi ta shinga olwa yali ninalwo. Mana nanywa isumu nafwa.
Yuda Makabayo yahula abandu ba Idumea
(1 Mak. 5:1-8)
14Olwa Gorigia yemekhwa okhuba omusinjilili wolukongo lwa Idumea, yabukula abelihe bomurungo. Mana yaseeranga Abayahudi buli lwosi olwa yanyalilungwa. 15Okhumeeta khumakhuwa ako, Abandu ba Idumea basinjililanga tsimbinga tsinyinji etsiamanyikha muno, mana basandinjia Abayahudi buli khase. Benjisinjia abandu abelukhanga okhurula Yerusalemu, ne nibatema okhuba nende abelihe bamani. 16Khulweshio, Yuda Makabayo nende abandube nibasaaya OMWAMI Nyasaye. Mana nibarula tsimbilo nibatsia okhuseera tsimbinga tsiamaani etsia Abaidumea. 17Bakhupa nibahula abelihe bokholinda lisisi mana nibabukula tsimbinga etsio ne nibeera abandu ebikhumila amakhumi kabili (20,000). 18Kata kario, abelihe ba Abaidumea ebikhumila shienda (9,000) banyalilwa okhwilukha ne nibebisa muminara chibili echiali nebindu biokhwinyolela oluhoono lwa babotokhanwe. 19Yuda Makabayo yaleekha Simoni, Yosefu nende Zakayo nende abandu babo okhutsilila okhulinda eminara echio, naye natsia aha yali naluutsi obusiro nibuliyo. Abelihe abali nibatonyele yabo, bali nabahelele okhubotokhana eminara echio, 20nebutswa balala khubandu ba Simoni, bali nobuha bwamang'ondo. Olwa baheebwa eshiomufusi nende abali muminara, bebala balala khubo nibelukha. 21Olwa Yuda yahulila akali nikekholeshe, yakhung'asia halala abemilisi belihe abo, ne nayala abali nibabukule biomufusi mbu bali eshikhabili khulwa okhulekhuula abasuku babwe okhwilukha kho mbu bachaaka lihe ninabo. 22Mana niyeera abandu ababukula eshiomufusi abo, naseera abelukha yabo, nabahula khandi nabukula eminara chibili echio. 23Yuda Makabayo yanyalilungwa okhuhula buli lwosi olwa yatsiitsanga mwihe. Olwa yali mwihe okhubukula eminaara chibili echio, yeera abandu abahela ebikhumila amakhumi kabili (20,000).
Yuda Makabayo yahula Timotseyo
24Timotseyo yali niyahulwakhwo khale nende Abayahudi imbeli wa Yuda Makabayo, yali niyenyolele abelihe abanji bekhutsifarasi okhurula Asia, nende abelihe bokhurisia abomurungo. Mana natsia okhuseera nende okhubula litookho lia Yuda. 25Olwa abasuku abo bali ahambi, Yuda Makabayo nende abandube nibasaaya OMWAMI Nyasaye. Befwala tsingubo tsiamakunia, mana nibatsukha likoshe khumwirwe chiabwe, 26nibakona mafumama khumaninilo keshimalilo shiemisango, nibasaaya OMWAMI Nyasaye mbu abahabine, shinga olwa yalabalaka mumalakoke. 27Olwa bamala okhusaaya, babukula ebimanulwa biabwe, nibatsia tsimbilo ahambi Yerusalemu mana nibasinjila ahambi nende abasuku babwe. 28Olwa eshialo bwashia, lihe nilichaaka hakari wa abelihe yabo. Abelihe lia Abayahudi beleeta khu OMWAMI Nyasaye nende obuchesi bwa abelihe babo, habula abelihe ba Timotseyo nabo beleeta khubunyali bwabwe abeene. 29Olwa lihe liali nilitsililanga, abelihe ba Timotseyo balola abandu abasaatsa barano khutsifarasi nibemilile abelihe lia Abayahudi. Ne tsifarasi etsio tsiali nobilili bweifetsa bwokhwikhalakhwo. 30Abandu barano yabo babotokhana Yuda Makabayo ne nibamushinga nende ebimanulwa biabwe abeene, mana nibasukunila abasuku obuyingo nende likulu. Ne abelihe babasuku nibakoyana, ne abelihe ba Abayahudi nibabarema ebibande, 31mana nibeera abelihe abokhuchenda khubilenje ebikhumila amakhumi kabili nende ebikhumi birano (20,500) nende abekhutsifarasi ebikhumu musaafu (600). 32Timotseyo naye niyelukha natsia okhwifisa mumbinga yilangwa mbu Gazara, womusiani wabwe Kaerea, yali omwimililisi. 33Yuda Makabayo naye nabotokhana imbinga eyo oluhoono lwe tsinyanga tsine, 34nebutswa, abali nibamenya mumbinga eyo bapaaranga mbu bali nomulembe mana nibatsililila okhunyeka Nyasaye nende Abayahudi. 35Olwa bwashia, khunyanga ya kharano, Abayahudi amakhumi kabili bali noburuma abukhongo khulwa amanyeko kebanyechelwe nende okhufwola Nyasaye, nibaniina khwisisi lieimbinga eyo mubuchesi mana nibeera buli mundu owabanyoolanga imbeli. 36Khubisa ebio, abelihe bandi nabo nibaniina khwisisi lieimbinga elubeka lundi mana nibahaafia eminara chiayo omulilo. 37Timotseyo naye yali niyebisile mwiyabo liamatsi. Kata kario, bamunyoola ne nibamwira halala nende abasiani babwe mbu Kaerea nende Apolofane. 38Olunyuma olwa makhuwa ako, Abayahudi basangaala ne nibeemba tsinyimbo tsiokhwitsoomia OMWAMI Nyasaye khulwa okhubakhoonya khandi okhubaheelesia obuhuli.
Currently Selected:
2 MAKABAYO 10: OLUDC
Highlight
Share
Copy
Want to have your highlights saved across all your devices? Sign up or sign in
2 MAKABAYO 10
10
Okhusiiywa okhwa Ihekalu
(1 Mak. 4:36-61)
1Omwami yemilila Yuda Makabayo halala nende abandu aba yali ninabo, nibabukula Ihekalu nende litookho lia Yerusalemu khandi. 2Basambula ebimalilo biemisango ebiali nibiumbaakhwe nabandu abarende khubiiro, nibasasia tsinyanyi tsiokhulaamilamwo. 3Basiiya Ihekalu nende okhumbakhamwo eshimalilo shiemisango eshiyiakha. Mana bahaafia omulilo okhurulana khukhutuya amachina halala, okwa bamalila emisango olwambeli olunyuma lwoluhoono lwemiyika chibili. Basamba obubane, nibahaafia etsitaha nende okhupanga emikaate emitakatifu. 4Olunyuma lwokhukhola bario, bekhupa hasi mafumama nibamusaya Omwami mbu shaleyamakhwo khandi amasila shinga yako okhubanyoola tawe. Bamureeba mbu olundi nibaba nibamwonoonela, abe ye omwene oubakhalachila eshinyaasio nabesumilisilia, nalabahaana khumahanga kandi butswa amashiamu, akalamumanyilisiye Nyasaye ta. 5Basiiya Ihekalu khunyanga yamakhumi kabili nakharano yomwesi kwa Kisilewi, inyanga tsana eya Ihekalu yali niyafwolelwakhwo nabarende. 6Abandu beshia nibasangaala tsinyanga munane, shinga olwa bakholanga Khwisabo lia Amatili. Beyitsusia shinga olwa ahambi yaho bali nibaatimatimilenje mubikulu nende mutsimbinga shinga tsisolo nabulimo, olwa baba nibeshieranga Lisabo eli Amatili. 7Kho nibachinjile emishindu emibisi nende tsisaala etsiakoorwakhwo obulayi, bemba nibetsoomia, nibamukhupila Omwami orio khulwa okhubanyalila okhusiiya Ihekaluye indakatifu. 8Bakhupa ikha nibafuchilisania, mana nibakhupilana omulome mbu lihanga lilamba lia Abayahudi lishierenje lisabo lino buli omuyika.
Tolemai Makironi yeyira omwene
9Nolwa obumalilishi bwa Antioko, owalangwa mbu Epifane bwali. 10#1 Mak. 6:17Bulano khwitsa okhuboolakhwo amakhuwa ka Antioko Ewupatori, omusiani wa Antioko Epifane, omundu oulaali niyamumanya Nyasaye ta, khandi khulaboolakhwo mubwimbichiti amakhuwa amabi akekholekha mwihelie. 11Olwa Antioko Epatori yemekhwa okhuba omuruchi, yaahula Lisia okhusinjilila oburuchi obwo khandi okhuba omulindi omukhongo weshialo shia Siria nende Foinike, 12mushilenje shia Tolemai Makironi, owali omulindi wambeli khandi owakholela abandu ba Yuda akahabwene. Makironi yakhola ario khulwa okhulera omulembe hakari wabwe. 13Khulweshio, abalina bomuruchi batsiila Ewupatori, nibachiishila Makironi mbu ali weshikhabili. Eshifune mbu yalekha eshikhalachinga shia Kupuro eshiayaheebwa nende omuruchi Filometori owa Misiri, khandi yalonda khu Antioko Epifane. Buli mundu yalanga Makironi mbu oweshikhabili, ne nalaba noluyali khandi ta shinga olwa yali ninalwo. Mana nanywa isumu nafwa.
Yuda Makabayo yahula abandu ba Idumea
(1 Mak. 5:1-8)
14Olwa Gorigia yemekhwa okhuba omusinjilili wolukongo lwa Idumea, yabukula abelihe bomurungo. Mana yaseeranga Abayahudi buli lwosi olwa yanyalilungwa. 15Okhumeeta khumakhuwa ako, Abandu ba Idumea basinjililanga tsimbinga tsinyinji etsiamanyikha muno, mana basandinjia Abayahudi buli khase. Benjisinjia abandu abelukhanga okhurula Yerusalemu, ne nibatema okhuba nende abelihe bamani. 16Khulweshio, Yuda Makabayo nende abandube nibasaaya OMWAMI Nyasaye. Mana nibarula tsimbilo nibatsia okhuseera tsimbinga tsiamaani etsia Abaidumea. 17Bakhupa nibahula abelihe bokholinda lisisi mana nibabukula tsimbinga etsio ne nibeera abandu ebikhumila amakhumi kabili (20,000). 18Kata kario, abelihe ba Abaidumea ebikhumila shienda (9,000) banyalilwa okhwilukha ne nibebisa muminara chibili echiali nebindu biokhwinyolela oluhoono lwa babotokhanwe. 19Yuda Makabayo yaleekha Simoni, Yosefu nende Zakayo nende abandu babo okhutsilila okhulinda eminara echio, naye natsia aha yali naluutsi obusiro nibuliyo. Abelihe abali nibatonyele yabo, bali nabahelele okhubotokhana eminara echio, 20nebutswa balala khubandu ba Simoni, bali nobuha bwamang'ondo. Olwa baheebwa eshiomufusi nende abali muminara, bebala balala khubo nibelukha. 21Olwa Yuda yahulila akali nikekholeshe, yakhung'asia halala abemilisi belihe abo, ne nayala abali nibabukule biomufusi mbu bali eshikhabili khulwa okhulekhuula abasuku babwe okhwilukha kho mbu bachaaka lihe ninabo. 22Mana niyeera abandu ababukula eshiomufusi abo, naseera abelukha yabo, nabahula khandi nabukula eminara chibili echio. 23Yuda Makabayo yanyalilungwa okhuhula buli lwosi olwa yatsiitsanga mwihe. Olwa yali mwihe okhubukula eminaara chibili echio, yeera abandu abahela ebikhumila amakhumi kabili (20,000).
Yuda Makabayo yahula Timotseyo
24Timotseyo yali niyahulwakhwo khale nende Abayahudi imbeli wa Yuda Makabayo, yali niyenyolele abelihe abanji bekhutsifarasi okhurula Asia, nende abelihe bokhurisia abomurungo. Mana natsia okhuseera nende okhubula litookho lia Yuda. 25Olwa abasuku abo bali ahambi, Yuda Makabayo nende abandube nibasaaya OMWAMI Nyasaye. Befwala tsingubo tsiamakunia, mana nibatsukha likoshe khumwirwe chiabwe, 26nibakona mafumama khumaninilo keshimalilo shiemisango, nibasaaya OMWAMI Nyasaye mbu abahabine, shinga olwa yalabalaka mumalakoke. 27Olwa bamala okhusaaya, babukula ebimanulwa biabwe, nibatsia tsimbilo ahambi Yerusalemu mana nibasinjila ahambi nende abasuku babwe. 28Olwa eshialo bwashia, lihe nilichaaka hakari wa abelihe yabo. Abelihe lia Abayahudi beleeta khu OMWAMI Nyasaye nende obuchesi bwa abelihe babo, habula abelihe ba Timotseyo nabo beleeta khubunyali bwabwe abeene. 29Olwa lihe liali nilitsililanga, abelihe ba Timotseyo balola abandu abasaatsa barano khutsifarasi nibemilile abelihe lia Abayahudi. Ne tsifarasi etsio tsiali nobilili bweifetsa bwokhwikhalakhwo. 30Abandu barano yabo babotokhana Yuda Makabayo ne nibamushinga nende ebimanulwa biabwe abeene, mana nibasukunila abasuku obuyingo nende likulu. Ne abelihe babasuku nibakoyana, ne abelihe ba Abayahudi nibabarema ebibande, 31mana nibeera abelihe abokhuchenda khubilenje ebikhumila amakhumi kabili nende ebikhumi birano (20,500) nende abekhutsifarasi ebikhumu musaafu (600). 32Timotseyo naye niyelukha natsia okhwifisa mumbinga yilangwa mbu Gazara, womusiani wabwe Kaerea, yali omwimililisi. 33Yuda Makabayo naye nabotokhana imbinga eyo oluhoono lwe tsinyanga tsine, 34nebutswa, abali nibamenya mumbinga eyo bapaaranga mbu bali nomulembe mana nibatsililila okhunyeka Nyasaye nende Abayahudi. 35Olwa bwashia, khunyanga ya kharano, Abayahudi amakhumi kabili bali noburuma abukhongo khulwa amanyeko kebanyechelwe nende okhufwola Nyasaye, nibaniina khwisisi lieimbinga eyo mubuchesi mana nibeera buli mundu owabanyoolanga imbeli. 36Khubisa ebio, abelihe bandi nabo nibaniina khwisisi lieimbinga elubeka lundi mana nibahaafia eminara chiayo omulilo. 37Timotseyo naye yali niyebisile mwiyabo liamatsi. Kata kario, bamunyoola ne nibamwira halala nende abasiani babwe mbu Kaerea nende Apolofane. 38Olunyuma olwa makhuwa ako, Abayahudi basangaala ne nibeemba tsinyimbo tsiokhwitsoomia OMWAMI Nyasaye khulwa okhubakhoonya khandi okhubaheelesia obuhuli.
Currently Selected:
:
Highlight
Share
Copy
Want to have your highlights saved across all your devices? Sign up or sign in