Mat. LIMANYISIA
LIMANYISIA
Elomo Endayi nga yaandikwa ne Matayo ekhuboolela kamakhuwa kamalayi eli Yesu ali Omuonia niye Wele aakhusuubisia khubirira mu bang'oosi. Khubirira mu Yesu, Wele eechusia lilakiilisia nilio aalakiilisia babaandu bewe mu Ndakaano Ekhale. Elomo Endayi yino seli eye Bayaudi bong'ene nibo Yesu aasalwamo ne khu bamenyamo tawe, ne kakhali eli khulwe sibala sioosi.
Sitabu sia Matayo siaandikwa mu busicha, sirakikha ne lisaalwa lia Yesu, siinoosia libatiisia ne likhakwa liewe, lundi siboola kimilimo kiewe kie khukhwilwacha, khukhwekisia ne khuonia mu Kalilaya. Enyuma wa kano, sichiililila khuboola khu lukeendo lwa Yesu khukhwama Kalilaya khucha Yerusalemu ne bikholwa biewe bie lichuuma limaliilisi, bibiaweela mu libambwa ne lilamukha liewe.
Sitabu sino siekesia nga Yesu nali Omwekisia Omukali, oli ne bunyali khukhwinoosia Lilaka lia Wele, mala owekisianga ke Bubwami bwa Wele. Kamekisio kewe kamakali kali mu bitonyi biraano: (1) Lililwacha lie khu sikulu liboola khu ke liba, kimilimo, busangaafu, nende niio be bubwami bwe mwikulu balikho bacha (kumuliango kwa 5—7);
(2) liliekisia khu beeka ekhumi na babili khulwe kimilimo kiabwe (kumuliango kwa 10);
(3) chingano khuloondekhana ne bubwami bwe mwikulu (kumuliango kwa 13);
(4) liliekisia liboola sifuno sie khuuba omweeka (kumuliango kwa 18) ne
(5) liliekisia khuloondekhana ne sisiakamo sie chindaalo chino ne liliicha lie bubwami bwe mwikulu (kumuliango kwa 24—25).
Kaalimo mu bwimbi
Sikuuka ne lisaalwa lia Yesu Kristo 1.1—2.23
Kimilimo kia Yoana Omubatiisi 3.1-12
Khubatiisibwa ne Khukhakwa khwa Yesu 3.13—4.11
Kimilimo kia Yesu mu baandu mu Kalilaya 4.12—18.35
Khukhwama Kalilaya khukhwola Yerusalemu 19.1—20.34
Lichuuma limaliilisi mu Yerusalemu ne mu birekere biili siimbi 21.1—27.66
Khulamukha khwo Mwami, ne khucha khwewe mwikulu 28.1-20
Currently Selected:
Mat. LIMANYISIA: LUBUKUSU
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019