Ngiroma 10

1Ngikaitotoi kang! Agasi cha ayong a etau kang kadaang atamar toyuun cha ngitunga a ebukit kang! 2Ayeni ayong atamar ilipito kesi Akuj lokojokon noi, nakaneni nyerai akilip kech na eyeneta ngakiro na iteni. 3Eringa kesi nyeyenuna eger lo imarunea Akuj ngitunga atamar etenoono eboyor anikeng, aliworosi kesi esakete akiwaakin erot lo erai ekech a ngikulepek. Sodi towout kesi achamun erot a Akuj lo imarunea ngitunga atamar etenoono eboyor kech.

4 # Lawi 18:5 Kainyo Kiristo erai esal a etal, sodi ani itwaan daang ni enupi, imarunio atamar etenoono eboyor ani a Akuj.

Erai ayuuno aka ngitunga kadaang

5Egiri kolong Musa ngakiro na imarunere itwaan atamar etenoono eboyor ani a Akuj kotere ni iwapitor etal. Kigir tama, “Itwaan cha daang ni iwapi ngakiro na edungunit etal, eyari.” 6Nakaneni ngakiro nu kesi igiritae kotere eger lo erai imarunere itwaan atamar etenoono eboyor ani Akuj, “Wara nyiitama alotau kon bon ibala, Ekoe ngae elosi kidiama nadis?” (ngesi atamar, atiyaun Kiristo kwap). 7“Kori wara nyiinis ibala, ekoe ngae elomari nalup?” (ngesi atamar akiteyarun Kiristo). 8Ngakiro na igiritae kesi nu, “Eya ngakiro a Akuj diye kon, eya nakituk kon nabo eya lotau kon”, ngesi atamar, ngakiro a anupit ana kitatami sua. 9Ani kilimu iyong a akituk atamar Yesu ngesi Ekapolon, sodi tonup alotau kon atamar eteyaruni kolong Akuj ngesi, kiyuunio iyong. 10Kainyo enupi itwaan alotau keng, sodi kimaru Akuj ngesi atamar etenoono eboyor anikeng, ani erumor tolim a akituk keng sodi toyuunere. 11Igiritae nagiran kona, “Itwaan cha daang ni enupi ngakiro keng, nyirumete ngileech.” 12Eraakasi ngakiro nguna ngaka ngitunga kadaang, kainyo nyetiakak Ngiyaudi ka ngitunga a ngibukui alu nyerai Ngiyaudi. Akuj ngesi napei erai Ekapolon kadaang, nabo einakini daang lu enyarito nesi ebari keng. 13#Etal 30:12-14 Loger lo igiritere nagiran kona, “Itwaan daang ni enyarae Ekapolon Akuj atamar kengarak, eyuunio.” #Isa 28:16 #Yoel 2:32

14Nakaneni ikokinete kesi enyaraate ngesi atamar kingarak ai, toringa nyenupa ngakiro keng? Ani ikokinete kesi enupete toringa nyiirara ngakiro a Akuj ai? Ani ikokinete kesi iirarete ngakiro a Akuj erai pekelimor ai? 15Ani ikokinete ngakiro a Akuj elimorio erai pekemearitae ngikasubak etich ai? Loger lo igiritere nagiran kona, “Ejok noi ebune kangulu eyaunito Ngakiro Naajokak!” 16Nakaneni meere daang achamut Ngakiro Naajokak. Eruoro kolong ekadwaran a Akuj Isaya elope ebala, “Ekapolon, ngae anupi ngakiro na kitatami sua?” 17#Isa 52:7 Tokona bocha, itoruni akinup nakiirar ngakiro a Akuj, nabo itorunete ngakiro a Akuj nakitatam Kiristo. #Isa 53:1

18 # Eosio 19:4 Nakaneni engita cha ayong, “Nyiirara mono cha kesi dir ngakiro a Akuj a?” Iteni dir, eirarito kona igiritere nagiran atamar,

“Apetarosi ngakiro na eruorosi kesi

tokeikin ngakwapea wadaang,

tananga ngakiro kech losal a akwap.” #Etal 32:21

19Engita nabo ayong atamar peayenete dir Ngisirael a? Musa elope ngesi lo esieuni tatachu tama,

“Kesirakari ayong esi etereku kotere ngitunga

lu nyesibito tani echebukut,

sodi tongoikis esi lokojokon,

ebukut a ngikabangabangae.”

20 # Isa 65:1 Nabo tolim tani Isaya ngakiro a atitinyu tama,

“Kaanyut ayong ngitunga lukolong pekasakete,

atakanuuni ayong ani eya ngulu kolong pekengitasi ayong.” #Isa 65:2

21Nakaneni ani anakiro a Ngisirael tolim tama, “Apaaran juui, ebakinit ayong ngakan emaimai ngitunga lu nyepupete ngakiro taraakas luketulunyak ngakan.”

Currently Selected:

Ngiroma 10: ABIBILIA

Highlight

Copy

Compare