Matayo 3
3
Akitatam a Yoana Ekebatisan ngakiro a Akuj
(Mariko 1:1-8; Luka 3:1-18; Yoana 1:19-28)
1Ngirwa ngulu bu Yoana Ekebatisan tolomak akitatam anariet a akwap a Yudea 2ebala, “Tolunga ngasechesea kus kainyo aapuu apolou a Akuj.” 3#Mat 4:17; Mar 1:15 Yoana ngesi lokolong eruoro ekadwaran a Akuj Isaya ngakiro keng nakolong abalar:
“Etoil a itwaan ani echala anariet ebala:
‘Tosubakisi erot a Ekapolon.
Kitenikisi erot lo itori ngesi!’ ” #Isa 40:3 #2 Kapol 1:8
4Anapit Yoana aruba ka ngiworui lu adonyunitoe angajul a ngikaala. Ainikinit aruba namuny naabor. Anyameene ngimases ka akimiet a ao. 5Aloseenete ngitunga a Yerusalem nikeng ka lu apote alowaitin kadaang a akwap a Yudea ta ngalupio daang na aya diyete angolol a Yorudan. 6#Mat 12:34; 23:33 Tolimosi ngasechesea kech kibatisae anangolol a Yorudan. #Yoa 8:33
7Na engolikinea Yoana Ngiparisayo ka Ngisadukayo lukaalak epote nikeng esakete akibatiso a ngakipi, tolim ngesi tama, “Esi lu ikote ngarewa, ngae kichikichiki esi atamar ipedorete abuchar aloriras alo ebunit? 8Tosuba ngitichisio lu itodiunete atamar ilunga esi dir ngasechesea kus. 9Nyiitamasi kori ipuunosi aloriras ani iraakatar ngalesea a Aburaam, kainyo kalimokinit esi dir atamar epedori Akuj asubakin Aburaam ngide anamoru kanu. 10#Mat 7:19 Edikino aep iteli ngikito alokwap anaten, ekitoe daang lo nyekoniuni ageor naajokon itelio tachakakinae nakim. 11Kebatisae ayong esi a ngakipi idodiunit akibatiso ngina atamar ilunga esi ngasechesea kus. Nakaneni ngolo ebuni ekisidi kang, epolot noi kedwangit ayong. Nyitemokino ayong tani akodi ngamuk keng. Kibatisae ngesi esi a Etau a Akuj ka akim. 12Etingit ngesi adaet esaki adaun ngichok a ngakanoi. Iwaakini ngesi ngakanoi lokeru keng nakaneni kinom ngatunyeny a akim ana nyedunge jik.”
Akibatiso a Yesu a ngakipi
(Mariko 1:9-11; Luka 3:21-22)
13Torotok Yesu alo Galilaya tanang Yorudan esaki Yoana kibatisa ngesi. 14Nakaneni asaki Yoana akiratakin ngesi tolim tama, “Ejoikinit iyong kibatisae ayong. Nyo ibunitor iyong nikang?”
15Tatachak Yesu ngesi tama, “Kimiek atosuba kona tokona, kainyo aloger kalo kisubakini ngoni daang na esaki Akuj.” Tacham Yoana nguna.
16Napei arumoror akibatisare Yesu, topud ngesi anakipi. Sodi tangaar adis kingolik ngesi Etau a Akuj lo ikoni akuuri etiyaun todo kidiama keng. 17#Siak 22:2; Eosio 2:7; Isa 42:1; Mat 12:18; 17:5; Mar 1:11; Luk 9:35 Kiirarae etoil anadis ebala, “Lokookang lominat ngesi lo, ketalakarit ngesi ayong.”
Currently Selected:
Matayo 3: ABIBILIA
Highlight
Share
Copy
Want to have your highlights saved across all your devices? Sign up or sign in
BIBLE SOCIETY OF KENYA (c) 1999