OBUBALI 17
17
Indabushi ya Haroni
1Mana OMWAMI Nyasaye naboolela Musa ari, 2“Boolela abandu ba Isiraeli bakhuhelesie tsindabushi ekhumi natsibili, indabushi ndala okhurula khubuli omwimilisi waboluyia. Ohandiche eliira liabuli mundu khundabushiye, 3ne khundabushi ya Abalawi ohandichekhwo eliira lia Haroni. Okhuba buli omwimilisi waboluyia alaba nende indabushi ndala. 4Mana olatsibiikha mwiheema litakatifu imbeli welisanduku lieindakano, aha embukanilanga ninenywe. 5Ne indabushi yomundu wandahula yilaroombokha, ne munjila yino nolwa enzia okhurusiaho okhwiyiniakana khwabandu ba Isiraeli khwiwe.”
6Musa naboolela abandu ba Isiraeli; ne abemilisi babwe boosi nibamuhelesia tsindabushi, ndala okhurula khubuli omwimilisi okhulondana nende tsimbia tsiabwe, tsiosi nitsiba tsindabushi ekhumi natsibili, ne indabushi ya Haroni yali halala ninatsio. 7Mana Musa nabiikha tsindabushi etsio mwiheema imbeli welisanduku elia OMWAMI Nyasaye.
8 #
Abaheb. 9:4
Olwa bwashia, Musa yatsia mwiheema lielisanduku lieindakano, ne nalola indabushi ya Haroni eyeshilibwa shia Lawi yali niyiroomboshe, niyirusiye emirombo, khandi niyamile eshiamo eshiengu eshia alumondi. 9Mana Musa narusia tsindabushi etsio ewa tsiali imbeli ewa OMWAMI Nyasaye, natsireera ewabandu ba Isiraeli bali, nabo nibatsilola buli mundu nabukula indabushiye. 10Mana OMWAMI Nyasaye naboolela Musa ari, “Kalusia indabushi ya Haroni imbeli welisanduku lieindakano, yibiikhweho shinga eshilolelo shiokhuchetsiyia abeinduli mu baisiraeli, bamanye mbu nibalalekha okhwiyiniakana ta, balafwa.” 11Ne Musa nakhola shinga olwa OMWAMI Nyasaye yali namulachilisiye. 12Mana abandu ba Isiraeli nibaboolela Musa bari, “Kho fwesi khusishile khuhwele. 13Nikali mbu, omundu yesi ousitakhwo butswa ahambi neliheema okhuula afwe, kho fwesi khuli shinga abamalile okhufwa!”
Currently Selected:
OBUBALI 17: OLUPR
Highlight
Copy
Compare
Share
Want to have your highlights saved across all your devices? Sign up or sign in
