OKHURULA 8
8
Amashele
1Mana OMWAMI Nyasaye naboolela Musa ari, “Tsia khumuruchi wa Misiri mana omuboolele mbu, OMWAMI Nyasaye aboola ari, ‘Lekha abandu banje batsie kho mbu, banzinamile. 2Nebutswa noloba okhubalekhuula, ndalareera amashele amanji mushialo shiosi. 3Amashele kalaselasela nikarumachila okhurula mumwalo kwa Naili niketsa munzu tsienywe. Kalenjila mubikoro bienywe biokhwiyalisiamwo okhuula khubitali bienywe. Amashele ako kalenjila okhuula kata munzu tsiabakholi benywe nende abandu benywe boosi. Akandi kalatsia mumayika ka muteshelangamwo. Ne akandi nikenjila mubindu bia munyoobelangamwo obusie. 4Akandi kalarumachila nikasinjila khwiwe nende khubandubo boosi nende khubakhongobo boosi.’ ”
5Mana OMWAMI Nyasaye naboolela Musa ari, “Boolela Haroni anyiile omukhono kulimwo indabushiye ikulu wemialo, emitaro nende amayabo, okhole amashele karulemwo ketse khwiloba lieshialo shia Misiri.” 6Kho Haroni nachinguula khwikulu wamaatsi ka Misiri indabushi ya Musa yamuhelesia. Mana amashele nikarula mumaatsi niketsula mushialo shia Misiri shiosi. 7Nebutswa abafumu bekhoonyela obuchesi bwabwe nibakhola shinga olwa Haroni yali nakholile mana amashele niketsula khushialo shia Misiri shiosi.
8Mana omuruchi wa Misiri nalanga Musa nende Haroni nababoolela ari, “Nimuchama saayekhwo OMWAMI Nyasaye wenywe yayiniekhwo amashele kano khandi akayinie khubandu banje. Ne ndalalekhuula abandubo batsie bamalile OMWAMI Nyasaye omusango.”
9Naye Musa namureeba ari, “Omwene wahule ebise bia wenya mbu, ekhusaayile iwe nende abandubo mana OMWAMI Nyasaye wanje arusieho amashele kali khushialo shiosi katoonye butswa akali mumwalo kwa Naili konyene.”
10Omuruchi wa Misiri namukalusia ari, “Nochama okhusaayile mukamba.” Musa namukalusia ari, “Olwa nekhusaayile mukamba nilwo olwa nomanye mbu, Nyasaye undi shialikhwoho shinga OMWAMI Nyasaye OMWAMI Nyasaye wefwe tawe. 11Amashele koosi kalarula munzuyo kata nende munzu tsiabakholibo nende etsiabandubo boosi. Kalatong'a butswa akali mumwalo kwa Naili konyene.” 12Mana Musa nende Haroni nibenyokha nibarula munzu yomuruchi wa Misiri. Ne Musa nasaaya khu OMWAMI Nyasaye mbu, arusieho amashele ako, katonye butswa akali mumwalo kwa Naili konyene shinga olwa yali nafuchilisaniye nende omuruchi wa Misiri. 13OMWAMI Nyasaye nakhola shinga olwa Musa yamusaaya, mana amashele nikafwa koosi okhuchaachila khukali mutsinzu, nende munzu tsiabayaalilangamwo ebiina kata nende mumikunda. 14Olwa kali nikafwile, Abamisiri bakabunjikha ebituuli ne nikachaaka okhuhunya obubolo mushialo shiosi. 15Nebutswa lwomuruchi wa Misiri yalola mbu, amashele kafwile, khandi yamala alobe okhulekhuula abandu ba Isiraeli okhwinyokha shinga olwa OMWAMI Nyasaye yali naboolile.
Ebiroboto
16Mana OMWAMI Nyasaye naboolela Musa ari, “Boolela Haroni achinguule indabushiye mana achikhupe khulufu lweliloba, ne olufu olwo lulekhola ebiroboto#8:16 ebiroboto: nibio ebichinji. mushialo shia Misiri shiosi.” 17Kho Musa nende Haroni nibakhola shinga olwa baboolelwa. Haroni nachinguula omukhono kwalimwo indabushi ya Musa nakhupa khulufu. Mana olufu olwo lwosi nilwikhola ebiroboto mushialo shia Misiri. 18Olwa abafumu bomuruchi wa Misiri boosi bateema okhwikhoonyela obuchesi bwabwe bwomumasiliisi mbu, olufu lwikhole ebiroboto, bakhaywa. Mana ebiroboto ebiali nibirulile khulufu nibiama khubandu nende khumiruko chiosi. 19#Luka 11:20Kho abafumu bomuruchi wa Misiri nibamuboolela bari, “Kano kakholilwe nobunyali bwa Nyasaye.” Nebutswa omwoyo kwomuruchi wa Misiri kwatsiililila butswa okhutinya, ne shinga OMWAMI Nyasaye yali naboolile, omuruchi shiyahulila amakhuwa kabwe tawe.
Tsiisi
20Mana MWAMI naboolela Musa ari, “Mukamba obuushe mumabwibwi osinjile imbeli womuruchi wa Misiri natsitsanga khumwalo kwa Naili mana omuboolele mbu OMWAMI Nyasaye aboola ari, ‘Olekhuule abandu banje kho mbu banzinamile. 21Ne nolalekha abandu banje batsia ta, ndalakhureerera tsiisi tsinyinji shinga olucheka lweifula tsiyeele khwiwe, khubemilisibo boosi halala nende khubandubo boosi. Tsiisi etsio tsiletsula munzu tsienywe tsiosi nende khwiloba liosi liamusenangakhwo. 22Habula shindalareera tsiisi etsio mushialo shia Gosheni, ewa abandu banje bamenya tawe. Kho likhuwa lino limukhole okhumanya mbu, nisie OMWAMI Nyasaye khandi nisie oukholanga amakhuwa ako mushialo. 23Ndalaraho obwahukhani hakari wabandu banje nende abandubo. Olwa eshialo bushia mukamba, namunyoole eshilolelo shiamakana shino nishiliho.’ ” 24Kho OMWAMI Nyasaye naruma olucheka lwa tsiisi olukhongo, nitsiitsula munzu eyomuruchi nende mutsinzu tsiabakhongobe. Eshialo shia Misiri shiosi nishisasibwa netsiisi etsio.
25Mana omuruchi wa Misiri nalanga Musa nende Haroni nababoolela ari, “Tsie mumalile Nyasaye wenywe omusango, nebutswa mukhole nimuli mushialo shia Misiri shino.”
26Musa nakalusia ari, “Tawe, shinobulayi okhukhola khurio ta, shichila emisango chiakhulakholela OMWAMI Nyasaye wefwe chilasinyisia Abamisiri. Abamisiri nibalola nikhukholanga emisango chieshisinyo khubo echio, shibalakhulasa amachina noho? 27Okhuula khuchende oluchendo lwetsinyanga tsitaru mushitsiimi okhumumalila OMWAMI Nyasaye, Nyasaye wefwe omusango shinga olwa alakhulaka ifwe mbu khukhole.”
28Kho omuruchi wa Misiri nakalusia naboola ari, “Ndalalekha mutsie mushitsiimi mumalile Nyasaye wenywe omusango. Ne shimulatsia ehale muno tawe. Habula nimushili okhutsia, musaaye Nyasaye arusieho tsiisi tsino.”
29Mana Musa namukalusia ari, “Olwa erula butswa hano, ndalasaaya Nyasaye ne mukamba alarusiaho tsiisi munzuwo, nende munzu tsibakhongobo, halala nende mutsinzu tsia Abamisiri boosi, habula shiolakhubeeyakhwo khandi niwikalila abandu okhutsia okhukholela OMWAMI Nyasaye omusango tawe.”
30Kho olwa Musa yarula munzu yomuruchi, yasaaya OMWAMI Nyasaye, 31naye OMWAMI Nyasaye nakhola shinga olwa Musa yali namureebile, narusia tsiisi munzu yomuruchi wa Misiri nende munzu tsiabakhongo halala nende mutsiabandu ba Misiri tsiosi. Shiyatong'akhomwo kata isi ndala yonyene tawe. 32Nebutswa olwa tsiisi etsio tsiali nitsirulile, omwoyo kwomuruchi wa Misiri kwatsiililila okhuba omutinyu ne naloba okhulekhuula abandu ba Isiraeli okhutsia.
Currently Selected:
OKHURULA 8: OLUPR
Highlight
Copy
Compare
Share
Want to have your highlights saved across all your devices? Sign up or sign in
OKHURULA 8
8
Amashele
1Mana OMWAMI Nyasaye naboolela Musa ari, “Tsia khumuruchi wa Misiri mana omuboolele mbu, OMWAMI Nyasaye aboola ari, ‘Lekha abandu banje batsie kho mbu, banzinamile. 2Nebutswa noloba okhubalekhuula, ndalareera amashele amanji mushialo shiosi. 3Amashele kalaselasela nikarumachila okhurula mumwalo kwa Naili niketsa munzu tsienywe. Kalenjila mubikoro bienywe biokhwiyalisiamwo okhuula khubitali bienywe. Amashele ako kalenjila okhuula kata munzu tsiabakholi benywe nende abandu benywe boosi. Akandi kalatsia mumayika ka muteshelangamwo. Ne akandi nikenjila mubindu bia munyoobelangamwo obusie. 4Akandi kalarumachila nikasinjila khwiwe nende khubandubo boosi nende khubakhongobo boosi.’ ”
5Mana OMWAMI Nyasaye naboolela Musa ari, “Boolela Haroni anyiile omukhono kulimwo indabushiye ikulu wemialo, emitaro nende amayabo, okhole amashele karulemwo ketse khwiloba lieshialo shia Misiri.” 6Kho Haroni nachinguula khwikulu wamaatsi ka Misiri indabushi ya Musa yamuhelesia. Mana amashele nikarula mumaatsi niketsula mushialo shia Misiri shiosi. 7Nebutswa abafumu bekhoonyela obuchesi bwabwe nibakhola shinga olwa Haroni yali nakholile mana amashele niketsula khushialo shia Misiri shiosi.
8Mana omuruchi wa Misiri nalanga Musa nende Haroni nababoolela ari, “Nimuchama saayekhwo OMWAMI Nyasaye wenywe yayiniekhwo amashele kano khandi akayinie khubandu banje. Ne ndalalekhuula abandubo batsie bamalile OMWAMI Nyasaye omusango.”
9Naye Musa namureeba ari, “Omwene wahule ebise bia wenya mbu, ekhusaayile iwe nende abandubo mana OMWAMI Nyasaye wanje arusieho amashele kali khushialo shiosi katoonye butswa akali mumwalo kwa Naili konyene.”
10Omuruchi wa Misiri namukalusia ari, “Nochama okhusaayile mukamba.” Musa namukalusia ari, “Olwa nekhusaayile mukamba nilwo olwa nomanye mbu, Nyasaye undi shialikhwoho shinga OMWAMI Nyasaye OMWAMI Nyasaye wefwe tawe. 11Amashele koosi kalarula munzuyo kata nende munzu tsiabakholibo nende etsiabandubo boosi. Kalatong'a butswa akali mumwalo kwa Naili konyene.” 12Mana Musa nende Haroni nibenyokha nibarula munzu yomuruchi wa Misiri. Ne Musa nasaaya khu OMWAMI Nyasaye mbu, arusieho amashele ako, katonye butswa akali mumwalo kwa Naili konyene shinga olwa yali nafuchilisaniye nende omuruchi wa Misiri. 13OMWAMI Nyasaye nakhola shinga olwa Musa yamusaaya, mana amashele nikafwa koosi okhuchaachila khukali mutsinzu, nende munzu tsiabayaalilangamwo ebiina kata nende mumikunda. 14Olwa kali nikafwile, Abamisiri bakabunjikha ebituuli ne nikachaaka okhuhunya obubolo mushialo shiosi. 15Nebutswa lwomuruchi wa Misiri yalola mbu, amashele kafwile, khandi yamala alobe okhulekhuula abandu ba Isiraeli okhwinyokha shinga olwa OMWAMI Nyasaye yali naboolile.
Ebiroboto
16Mana OMWAMI Nyasaye naboolela Musa ari, “Boolela Haroni achinguule indabushiye mana achikhupe khulufu lweliloba, ne olufu olwo lulekhola ebiroboto#8:16 ebiroboto: nibio ebichinji. mushialo shia Misiri shiosi.” 17Kho Musa nende Haroni nibakhola shinga olwa baboolelwa. Haroni nachinguula omukhono kwalimwo indabushi ya Musa nakhupa khulufu. Mana olufu olwo lwosi nilwikhola ebiroboto mushialo shia Misiri. 18Olwa abafumu bomuruchi wa Misiri boosi bateema okhwikhoonyela obuchesi bwabwe bwomumasiliisi mbu, olufu lwikhole ebiroboto, bakhaywa. Mana ebiroboto ebiali nibirulile khulufu nibiama khubandu nende khumiruko chiosi. 19#Luka 11:20Kho abafumu bomuruchi wa Misiri nibamuboolela bari, “Kano kakholilwe nobunyali bwa Nyasaye.” Nebutswa omwoyo kwomuruchi wa Misiri kwatsiililila butswa okhutinya, ne shinga OMWAMI Nyasaye yali naboolile, omuruchi shiyahulila amakhuwa kabwe tawe.
Tsiisi
20Mana MWAMI naboolela Musa ari, “Mukamba obuushe mumabwibwi osinjile imbeli womuruchi wa Misiri natsitsanga khumwalo kwa Naili mana omuboolele mbu OMWAMI Nyasaye aboola ari, ‘Olekhuule abandu banje kho mbu banzinamile. 21Ne nolalekha abandu banje batsia ta, ndalakhureerera tsiisi tsinyinji shinga olucheka lweifula tsiyeele khwiwe, khubemilisibo boosi halala nende khubandubo boosi. Tsiisi etsio tsiletsula munzu tsienywe tsiosi nende khwiloba liosi liamusenangakhwo. 22Habula shindalareera tsiisi etsio mushialo shia Gosheni, ewa abandu banje bamenya tawe. Kho likhuwa lino limukhole okhumanya mbu, nisie OMWAMI Nyasaye khandi nisie oukholanga amakhuwa ako mushialo. 23Ndalaraho obwahukhani hakari wabandu banje nende abandubo. Olwa eshialo bushia mukamba, namunyoole eshilolelo shiamakana shino nishiliho.’ ” 24Kho OMWAMI Nyasaye naruma olucheka lwa tsiisi olukhongo, nitsiitsula munzu eyomuruchi nende mutsinzu tsiabakhongobe. Eshialo shia Misiri shiosi nishisasibwa netsiisi etsio.
25Mana omuruchi wa Misiri nalanga Musa nende Haroni nababoolela ari, “Tsie mumalile Nyasaye wenywe omusango, nebutswa mukhole nimuli mushialo shia Misiri shino.”
26Musa nakalusia ari, “Tawe, shinobulayi okhukhola khurio ta, shichila emisango chiakhulakholela OMWAMI Nyasaye wefwe chilasinyisia Abamisiri. Abamisiri nibalola nikhukholanga emisango chieshisinyo khubo echio, shibalakhulasa amachina noho? 27Okhuula khuchende oluchendo lwetsinyanga tsitaru mushitsiimi okhumumalila OMWAMI Nyasaye, Nyasaye wefwe omusango shinga olwa alakhulaka ifwe mbu khukhole.”
28Kho omuruchi wa Misiri nakalusia naboola ari, “Ndalalekha mutsie mushitsiimi mumalile Nyasaye wenywe omusango. Ne shimulatsia ehale muno tawe. Habula nimushili okhutsia, musaaye Nyasaye arusieho tsiisi tsino.”
29Mana Musa namukalusia ari, “Olwa erula butswa hano, ndalasaaya Nyasaye ne mukamba alarusiaho tsiisi munzuwo, nende munzu tsibakhongobo, halala nende mutsinzu tsia Abamisiri boosi, habula shiolakhubeeyakhwo khandi niwikalila abandu okhutsia okhukholela OMWAMI Nyasaye omusango tawe.”
30Kho olwa Musa yarula munzu yomuruchi, yasaaya OMWAMI Nyasaye, 31naye OMWAMI Nyasaye nakhola shinga olwa Musa yali namureebile, narusia tsiisi munzu yomuruchi wa Misiri nende munzu tsiabakhongo halala nende mutsiabandu ba Misiri tsiosi. Shiyatong'akhomwo kata isi ndala yonyene tawe. 32Nebutswa olwa tsiisi etsio tsiali nitsirulile, omwoyo kwomuruchi wa Misiri kwatsiililila okhuba omutinyu ne naloba okhulekhuula abandu ba Isiraeli okhutsia.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in